مجنونتي❤

البارت الاول

في منطقه شعبيه داخل بيت متوسط يوجد زعيق وصوت عالي ....
....: ملك .. انتي يابت قومي هتتأخري يازفته ... بت ياملك انتي يابت قومي بئا زهقتيني
ملك بصوت نعسان : اي ياماما في حد يصحى حد كده
ساميه(الام) : قومي ياختي هتتأخري علي الكليه ... مش من اول يوم كده
ملك بنعاس: طيب طيب اهو هقوم روحي انتي بس وانا قيمه وراكي علي طول
ساميه: ماشي .. انا هروح احضر الفطار ع ماتجهزي
وقامت واول ماخرجت من الاوضه ....
ملك بنعاس: كتر خيرك والله .. اخطفلي انا بئا حلم ع السريع كده وبعدين ابئا اقوم
ويدوبك لسه هتنام لقت امها دخلت عليها وبتقولها بعصبيه: اي ده يابت انا مش قايلك قومي بقالي ساعه
ملك بصدمه: ساعه .. ده انتي لسه خارجه من خمس دقايق
الام بعصبيه: وكمان هتقوحي معايا
وهووووب بالشبشب ف دماغ ملك😂😂
ملك بزعل مصطنع: اي ده ياسوسو .. بئا دي اخرتها تعملي معايا انا كده .. مكنش العشم والله ياسوسو اهئ اهئ اهئ
ساميه وهي مسكه فردت الشبشب التانيه: هتقومي ولا ...
ملك بسرعه: لا خلاص ياباشا قومت اهو قومت
خرجت الام ملك بتزمر: اوووف بئا .. اي المعامله دي ياربي .. الواحد مش عارف يناملو خمس دقايق ع بعض .. اي الافتره ده ياربي
ساميه من الخارج: بتقولي حاجه يابت
ملك بسرعه: لا ياست الكل .. ده انا بقولك مافيش احلى من كده معامله
وقامت م السرير وراحت لبست وخرجت لقيت مامتها حضرت الفطار وكلو قاعد ع السفرة
ملك: صباح الخير عليكو
احمد (الاب): صباح النور .. يعني لازم كل يوم تضربي بالشبشب عشان تقومي
ملك بصدمه مصطنعه: اي ده ياسوسو .. انتي بتفضحيني ع الفضئيات .. بتفضحيني قدام الاستاذ احمد ياختي
محمد (اخوها) بضحك: لا ياختي مش بس قدام الاستاذ احمد .. دي العماره كلها بتصحى مخصوص عشان تسمع ضربت الشبشب بتاعت الصبح😂
ملك بصدمه: يانصبتي .. اتفضحت ياماا .. بئا بتفضحيني ياسوسو لا وكمان العماره كلها بتصحى عشان تستني الجون .. يافضحتي ياماا يافضحتي
الاب بهدوء: خلاص بئا ياملوكه اقعدي افطري عشان تلحقي تروحي الكليه
ملك بهدوء: لا يابابا ماليش نفس .. انا هنزل بئا عشان ماتأخرش
الام : طب ماتتأخريش بئا وابقي طمنيني عليكي
ملك بضحك: لولا بس انك تحلفي .. خلاص هجي ع نفسي وأكل عشانك😂
وقعدت كلت وشويه وقامت
ملك: يلا بئا مارضتش ازعلك اهو وقعدت نأنأت
محمد بصدمه: نأنأتي .. ده انتي خلصتي ع الاكل .. امال لو كنتي اكلتي بئا .. اي كنتي هتكلينا
الاب بحنان: بس ياض .. مالكش دعوه ملوكتي تأكل اللي هي عايزه
ملك بفخر: اه يابابتي قولو .. اتبط بئا واسكت يازفت .. يلا باي بئا هتأخروني
ونزلت ركبت تكسي ووصلت الجامعه واول مادخلت فضلت تدور ع اي حد تعرفو بس مالقيتش حد بسبب الزحمه ف راحت تأخد جدولها وهي هناك شافت صحبتها من ايام اعدادي
ملك بفرحه: اي ده .. دودو وحشتيني اوي ياواطيه
دنيا (صحبت ملك) بفرح: ملوكه .. وحشاني والله يابت .. بقالي كتير اوي ماشفتكيش ولا اعرف عنك حاجه
ملك: ماانتي لو كنتي سألتي كنتي عرفتي اننا نقلنا بيت تاني قريب من هنا
دنيا: يلا معلش بئا .. بس المهم اننا اتجمعنا تاني ياملوكه والشله هترجع تاني
ملك بتسائل: اه صح يابت .. فين سارة ومريم ونور والعيال
دنيا: موجودين ياختي بس ماجوش انهارده
ملك: طيب انا هروح بئا بس هنبئا هنتكلم وخدي رقمي الجديد اهو *********01
دنيا: تمام هبئا اكلمك
ملك: ماشي سلام
ومشيت ملك وهي ماشيه خبطت في واحد وشنطتها وقعت ع الارض
ملك بعصبيه: اي ياعم انت مش تفتح
.....: انا بردو اللي افتح ولا انتي اللي مشيه تبصي حوليكي زي المجنونه
ملك بصتله بحرج لان هي فعلا اللي غلطانه وبعدين هو قال: شويت عومي بصحيح
ملك بصتله بعصبيه وقالت: ع فكره بئا انت بني ادم مش محترم
وبعدين بصت ع الارض لقيت شنطتها افتكرت بئا المشاهد بتاعت الافلام لما الاتنين بيوطو يلمو الكتب وفجأة اديهم تلمس بعض ويحبو بعض وقرارت تجرب ف وطيت براحه وهي عامله انها هتجيب الشنطه وكل شويه تبص عليه وفجأة لقيتو سبها ومشي وهو بيقول: عالم متخلفه بصحيح 😂😂
هي بئا كانت ف حاله من الصدمه والاحراج صعبه اوي (ليكي حق والله ياملوكه😂😂) بعدين جابت شنطتها من ع الارض بسرعه وقامت وهي ماشيه بئا فضلت تفكر الواد كان امور بس شايف نفسه اوي وبعدين قالت اي اللي انا بقوله ده فوقي ياملوكه بلا امور بلا نيله احنا مش بتوع الكلام ده ده عيل رخم ومغرور اساسا وراحت جابت جدولها وخلصت كل حاجه وبعدين روحت البيت اول ماروحت دخلت اوضتها واترمت ع السرير كأنها بقلها سنين مانمتش مش لسه صحيا من اربع ساعات ولسه هتغمض عينها لقت محمد اخوها بيخبط ودخل
محمد بصدمه: اي ده يابت .. هو انتي هتنامي؟؟
ملك بسخرية: لا ياخويا .. بس بجرب المرتبه مريحه ولا لا .. اكيد يعني هنام اومال هلعب
محمد: يابت هو مش انتي لسه صحيا من شويه
ملك بتعب: اااه .. بس تعبت اوي وعايزه انام .. اه صحيح انت كنت جاي ليه؟؟
محمد بتزكر: اااه صح ... ماما بتقولك الغدا جاهز تعالي عشان تكلي
ملك بنعاس: لا لا انا مش جعانه
محمد: طيب
وخرج من الاوضه ملك لسه جايه تنام لقت موبايلها بيرن
ملك بجدية: الو ... مين معايا
دنيا: اي الزهيمر ده يابت لحقتي تنسي .. هو انا مش قولتلك هرن عليكي
ملك بتزكر: ااااه صح دنيا ... معلش والله يابنتي الواحد كبر والذاكره ع القد
دنيا بضحك: ماشي ياست الحجه ... بقولك صح
ملك: اممممم
دنيا: الشله كلها هتتجمع بكرا ف الكفتريا بتاعت الجامعه هنستناكي هناك
ملك بنعاس: تمام .. بكرا ان شاءلله نبئا نكمل كلامنا لحسن هموت وانام
دنيا بضحك: طيب ياست النعسانه روحي نامي ياختي
ملك: ماشي يلا سلام بئا
دنيا: سلام
وقفلو ملك حاولت تنام بس لقيت الواد اللي خابطها بيجي ع بالها ... الواد مز اوي الصراحه بس برضو مالوش حق يمشي يدوس ع خلق الله عشان مز حبه يعني .. اوكي مز حبتين تلاته كده بس بردو مالوش حق ياترا اسمو اي؟؟ طب ياترا هو مرتبط ولا لا؟؟شكله خاطب لا لا ده تلاقيه واد صايع ماهما بتوع الجامعه كلهم كده ... ااااي اللي انا بفكر فيه ده يالهوي هو انا اتجننت ولا اي فوقي ياملوكه فوقي بدال مانقع ف الفخ انا انام احسن وفضلت بتاع تلات ساعات وبعدين نامت وصحيت تاني يوم عشان تقابل الشله.....
ــــــــــــــــــــــــــــــــــــــــــــــــــ