بجد اسفه ع التأخير بس انتو متعرفوش انا كنت بعدي ب اي والامتحانات بقا وكده وده غير اني اطريت اغير رقمي ومعرفتش ارجع الاكونت
ان شاءلله مش هتأخر عليكو تاني وخلاص بقا انا اخد الاجازه ف هركز اكتر ف الروايه❤
ياريت اللي بيشوف الرواية لأول مره يتابعني ويدخل ع الجزء الاول عشان يفهمها واللي برضو كان متابع الجزء الاول يدخل تاني عشان يفتكر الاحداث وماتنسوش تتفاعلو الروايه لسه هتحلو وفي احداث كتير جايه تابعوني ❤
بقلم /منه سامي
ـــــــــــــــــــــــــــــــــــــــــــــــــــــــــــــــــــــ
كان عبدالله بيتمشى ع الشاطئ وبيفكر ف كلام محمود
ـــــــــــــــــــــــــــــــ
فلاش باك
ـــــــــــــــــــــــــــــــ
محمود بهدوء: يابني انت لو عايز تستريح بجد وتعرف هي الحقيقه روح قولها وشوف ردها هيكون اي
عبدالله بستنكار: لا طبعا ... اي الهبل ده ... انت عايزني اروح واقولها كده بكل بساطه انا بحبك ومش قادر اعيش من غيرك وعايز اتجوزك ... وانت بقا مفكر ردها هيكون اي؟ وانا كمان بحبك يلا نتجوز!
محمود بنفي: لا ياظريف بس لو بتحب الواد بتعها ده هتقول انها مرتبطه وتبقا كده ريحتك بدال الحيره اللي انت فيها دي
عبدالله بكبرياء: وانا احط نفسي ف موقف زي ده ليه
محمود بنفعال: اومال انت عايزها هي اللي تيجي وتعترفلك ولا اي!؟
عبدالله بتكبر مصطنع: وليه لا؟
محمود بعصبيه: لا ده انت مجنون بجد وهتجبلي شلل
عبدالله بضحك: خلاص خلاص ههههه اهدا شويه ياعم المنفعل انت بدل ماالبت مريم تيجي وتشوفك كده تخاف منك وتفسخ الخطوبه
محمود بزهق: لا ده انت تشل والله ... مش عارف البت الغلبانه دي هتستحملك ازاي ... انا نازل اشوف مريم بس فكر ف كلامي صدقني مفيش طريقه تانيه تريحك غير دي ومانتساش انك حاولت تنساها قبل كده ومعرفتش
ـــــــــــــــــــــ
باك
ــــــــــــــــــــــ
عبدالله فضل يفكر ف كلامو
عبدالله ف تفكيرو: انا فعلا حاولت انساها قبل كده ومعرفتش ... ولما حاولت ابعد لقتني بقرب اكتر ... انا بجد مش هقدر اكمل حياتي لو هيا مش فيها ... بس افرض انا قولتها وهي رفضت وصديتني ساعتها مش هيبقا ف تعامل بينا وكده وانا اللي هتعب ... انا هقولها عشان استريح واعرف هعمل اي او هكمل حياتي ازاي ... بس مش دلوقتي لازم استنا شويه ولا دلوقتي احسن عشان متعلقش اكتر من كده ... خلاص لما اشوفها هقولها
ـــــــــــــــــــــــــــــــــــــــــــــــــــــــــــــــ
عند ملك ...
كانت برضو بتتمشي ع الشاطئ وبتفكر ف كلام البنات
ــــــــــــــــــــــــــــ
فلاش باك
ــــــــــــــــــــــــــــ
ملك بعياط: انا بجد تعبت نفسي اعرف هو ليه بيعمل معايا كده؟ هو انا كنت عملتو حاجه بس ياربي اهئ اهئ اهئ يارب خدني بقا وريحني انا تعبت
أنت تقرأ
مجنونتي❤
Romantizmانا جمعتلكو الجزئين هنا وهكمل الروايه برضو هنا عشان اللي متلغبط ومش عارف يوصل للروايه بسبب حوار الاكونت ده ...يارب الرواية تعجبكو❤❤
