وخرجت من المدرج وفضلت تبرطم بكلام غير مفهوم وهي ماشيه لقيت مريم بتنادي عليها وقفت وبصتلها بستغراب وقالت: اي ده يابنتي .. هو مش انتي المفروض تكوني فـ المحاضره دلوقتي
مريم بضحك: لا ياختي هو ضرتني انا كمان .. عشان كنت بكلم ماما فـ الموبايل
ملك بضحك: احسن برضو اهو ريح .. صح يابت هو انا ماقولتلكيش .. مش ده نفس الواد اللي كنت كل شويه اخبط فيه
مريم بعدم تصديق: بتهزري
ملك بضحك: لا هههه وربنا هو ههههههه
مريم بضحك: يالهوي عليكي يابت ياملوكه .. هو فعلا مز الصراحه .. بس انتي كده شكرا بقيت في
الباي باي هههههههه
ملك بضحك: احسن برضو انا اصلا ناويه اقعد هنا شويه ههههه
مريم: بقولك اي ماتيجي نقعد فـ اي حتا
ملك: اوكي انا اصلا كنت هروح الكفتريا
وراحو الكفتريا وفضلو يضحكو ويهزرو وبعدين بقيت الشله جات وفضلو يتكلمو شويه وبعدين سارة قالت: بقولكو اي يابنات ... عايزني نخرج بئا فـ اي حتا
ملك: اه والله .. انا زهقانه وعايزه اغير جو
دنيا بقتراح: اي رايكو نطلع فـ الرحله اللي عملاها الجامعه
نور بحماس: طب والله فكره حلوه بس هي طالعه فين الرحله دي
مريم: علي ماعتقد هتكون مرسي مطروح
نور بتسائل: بس هي هتطلع امتا
دنيا: تقريبا بعد اسبوعين
سارة بحماس: حلوه اوي انا هقول لـ ماما واكيد هتوافق
نور: اوكي وانا كمان هكلم بابا واقنعو وهو يبئا يقنع ماما
دنيا بمرح: تمام انا كمان جايه معاكو كده كده اهلي فري ههههه
مريم: وانا عن نفسي معنديش اي مشاكل .. هاجي معاكو
وكلو بص لـ ملك مستنين تقول ان هي كمان انها هتطلع معاهم
ملك: اي بتبصولي كده ليه .. انتو طبعا عارفين ست سوسو مش هتراضى لو عملنا اي
سارة بترجي: طب والنبي ياملوكه حاولي تقنعيها
مريم بقتراح: اه ياكوكو انتي ممكن تقنعي باباكي وهو يقنع مامتك واصلا باباكي مش بيرفضلك طلب
نور بقتراح: اه ياملوكه وقوليلهم مثلا انها هتفيدك جدا فـ دراستك عشان تفصلي شويه عن جوا مـ البيت لـ الجامعه ده
دنيا بحماس: ايوا ياملوكه دي فكره حلوه اوي
ملك بتفكير: هي فكره حلوه .. بس انا عارفه انتهم مش هيوافقه ... بس هحاول وامري لله بئا
كلهم بحماس: ايواااا بئااااا .. هيييييييييه
وفضلو يخططو هيعملو اي وكده وبعدين كلو روح ع بيتو ملك اول مادخلت قالت بمرح: هااي عليكو .. عاملين اي ياروح قلبي انت وهي اللي مقدرش استغنا عنكو ابدا ابدا ابدا
احمد: وعليكم السلام .. انجيزي كده ياروح بابا وقولي عايزه اي
ملك بزعل مصطنع: بئا كده يابابتي ياحبيبي .. هو انا عشان بدلعكو شويه واعبرلكو عن حبي ليكو تقولو عليا كده
احمد بمرح: طلامه قولتي اعبرلكو عن حبي دي .. يبئا في مصلحه
ملك: مصلحه .. بئا دي اخرتها انت اب انت ... ع العموم تشكر ياسي احمد كتر خيرك
ساميع بنافذ صابر: انجزي ياملوكه وقولي عايزه اي ياحبيبتي عشان الشبشب مايشتغلش
ملك بتوتر: بئا كده .. طب خلاص .. انا .. انا ..
احمد بمرح: طلامه قولتي انا انا يبئا في نصيبه صح ياملوكه
ملك بقلق: ربنا يسمحكو .. هو انا بس كنت عايزه .. يعني ..(وبسرعه) كنت عايزه اطلع الرحله بتاعت الجامعه اللي بعد اسبوعين
واول ماخلصت كلامها مسكت شنطتها وحطيتها قدام وشها مستعده للهجوم ولما ماسمعتش حاجه نزلتها براحه لقت كلو قاعد كأنها ماقلتش حاجه
فـ قالت : هاااا قولتو اي
ساميه بعد اهتمام: انسي الموضوع ياروحي
ملك بترجي: والنبي والنبي والنبي .. والله ياجماعه الرحله دي هتفيدني اوي فـ انها هتخليني افصل شويه عن جو مـ البيت لـ الجامعه ده فـ لما هرجع هتكون اكتر استيعاباً
ساميه بهدوء: بصي ياماما الرحله دي اكيد هيكون فيها شباب صح ولا لا؟؟
ملك: اه فيها بس انا ماليش دعوه بيهم زيها زي الجامعه كده
ساميه بهدوء: لا مشزي الجامعه .. الجامعه انتي جنب البيتك وحاوليكي ناس كتير ودكتره كتيره
ملك بحزن: يعني انتي مش بتثقي فيا ياماما
ساميه بحنان: لا ياحبيبتي طبعا بثق فيكي ... بس مش بثق فـ اللي حواليكي
احمد بهدوء: كوكو ياحبيبتي .. الرحله دي طالعه فين؟؟
ملك بترجي: هنطلع مرسي مطروح يابابا .. والنبي والنبي وافق
ساميه بعصبيه: مرسي مين ياعنيا .. قال مرسي مطروح قال .. ده عند امك (الام المصريه لما بتتحول ف ثانيه😹😹)
احمد بعصبيه: اهدي ياساميه .. مش كده براحه شويه
ساميه بأسف: خلاص ياحج انا اسفه .. بس مش سامع بنتك بتقول اي
ملك بحزن: علي فكره دي رحله عاديه والكل هيطلع .. اشمعنا انا يعني
احمد بهدوء: مين هيطلع معاكي الرحله دي ياملوكه
ملك بفرحه: الشله كلها يا بابا .. مريم ودنيا ونور وسارة
ساميه بهدوء: تمام وانا موافقه .. بس علي شرط
ملك بسرعه: اشرطي ياقلبي اشرطي .. بس المهم اطلعها انا والله اتخنقت من البيت .. كل يوم م البيت لـ الجامعه لما اتخنقت
ساميه بهدوء: الشرط ان هيثم ابن خلتك يطلع معاكي .. عشان اخوكي عندو امتحانات وده غير ان الاستاذ سايب البيت من الصبح
احمد براضى: تمام وانا موافق ع الموضوع ده .. هاا قولتي اي ياملوكه
ملك بستسلام: يعني هقول اي .. امري لله وخلاص بئا
ساميه براضى: تمام هاا قولتيلي هتطلع امتا الرحله دي عشان اقول لـ هيثم
ملك بهدوء: بعد اسبوعين
وسابتهم وراحت اوضيتها وفضلت تفكر
"هو الواد هيثم ده خنيقه ومش هيسبنا ع رحتنا بس اعمل اي يعني انا كنت ومازلت هموت واطلع الرحله دي اما اكلم البنات افرحهم بئا"
وكمتهم group call (مكالمة جماعيه)
ملك بمرح: بنات لقد تمت المهمه
مريم بفرحه: ايواااا بئا ياكوكو .. كنت عارفه انهم هيوافقو .. مش قولتلك
نور بفرحه: بجد وافقو ياملوكه
ملك بتردد: ااه .. هما وافقو .. بس...
دنيا بقلق: بس اي ياكوكو .. قلقتيني
ملك: هيثم ابن خالتي هيجي معانا عشان محمد عندو امتحانات وغير كمان الموضوع بتاع الصبح ده وكان المفروض هو اللي يجي معايا
سارة بحزن: اوكي ياجماعه .. انا بابا كده مش هيوافق
مريم ببعض الامل: هو ممكن ماما توافق عشان هي اصلا صحبت خالتك وبتحب هيثم واسراء اوي .. فـ ممكن يعني اقنعها
دنيا: هو انا عن نفسي معنديش مشاكل .. انتو عارفين بابا وماما مسفرين ومش بتفرق معاهم الحاجات دي اصلا
نور: انتي عارفه بابا مستحيل يوفق ... بس انا ممكن اقنع ماما وهي تقنع بابا
ملك بهدوء: تمام .. كلو يقنع اهلو وهنستنا مسدج تأكيد انكو طلعين الرحله .. اوكي
الكل: اوووكي
وفعلا بعد ساعتين وصلت المسدج من الكل بتأكيد انهم طلعين الرحله
ملك بفرحه: ييسسسسسس
~~~~~~~~~~~~~~~~~~
ياترا اي اللي هيحصل فـ الرحله؟؟ وهل عبدالله وصحبو هيطلعو الرحله ولا لا؟؟ وياترا البنات هتعرف تستمتع بـ الرحله زي ماهما مخططين ولا هيثم هيخنقهم؟؟
هنعرف كل ده فـ البارت الجاي انشاءالله❤
استنو استنو اعملو فويت وكومنت حلو زيكو كده❤❤
بقلم/ منه سامي
أنت تقرأ
مجنونتي❤
Romansaانا جمعتلكو الجزئين هنا وهكمل الروايه برضو هنا عشان اللي متلغبط ومش عارف يوصل للروايه بسبب حوار الاكونت ده ...يارب الرواية تعجبكو❤❤
