مجنونتي❤

البارت التاني

البارت التاني ..

وصحيت بطلتنا من النوم ع صوت دوشه برا
ساميه بزعيق: انا مش قولتلك ذاكر .. ده منظر واحد ف تالته ثانوي .. ده انت ثانوي عام يعني المفروض تأكل الكتب أكل مش تقعدلي ع نت وتفضل تكلم البت الزباله بتاعتك دي .. بقا دي اشكال تعرافها

محمد بعصبيه: يعني كل اللي همك اني بكلمها .. يعني لو مش بكلمها هي كان عادي .. وبعدين متقوليش زباله هي ليها اسم واسمها سالي وماسمحلكيش تقولي عليها زباله

ساميه بدرامة امهات: بقا بتيجي ع امك عشان حتت جربوعه زي دي .. بقا دي اخرتها انا هقول ل ابوك ع كل حاجه

محمد ببرود: قوليه انا مبقتش صغير .."وبعصبيه" انا زهقت بقا كل شويه تهديد تهديد .. اعملوا اللي انتو عايزينه .. انا هريحكوا مني خالص

ومشي وهبد الباب والام فضلت تعيط
ملك بحنان: اهدي ياحبيبتي .. كل حاجه هتكون كويسه هو مبقاش صغير وعارف الصح من الغلط .. هو بس لما يهدا هيرجع ماتقلقيش

ساميه بعياط: انا والله مش قصدي اتحكم ف حياته .. انا بس عايزه يبقا احسن واحد ف الدنيا والبت اللي بيكلمها دي مش كويسه

ملك بهدوء: عارفه ياماما عارفه .. بس هو لازم يجرب عشان يتعلم .. مش هنفضل ع طول نقولوا يعمل اي ومايعملش اي هو بقا راجل خلاص

الام بحزن: انا مش عايزه يتجرح يابنتي .. اخوكي بيحبها وهي بتحب صحبه .. يعني واخده كُبري عشان توصل لصحبه

ملك بهدوء: لا ياماما لازم يتجرح عشان يعرف ان مش كل اللي هو عايزه هيحصل .."وبمرح" وبعدين اي ده ياست سوسو بقا كل العياط والدموع دي عشان الواد محمد وانا ماليش حضن يتيم حتى

الام بحنان: ههههه تعالي ياحبيبتي فـ حضني تعالي
ملك حضنتها وفضلوا شويه وبعدين ملك قالت بتزكر: يالهوي العيال مستنياني .. سلام

ومشيت وصلت الجامعه وهي داخله خبطت في حد
ملك بنرفزه: اي ياعم الاعمى مش تفـ ... هو انت
....: هو انتي .. هو انا كل ماشوفك لازم تكوني خبطي فيا .. ماتفتحي ياختي وشيلي ام اللنيسيز ده وانتي تشوفي ... مناظر كدابه يخربيتكوا مليتوا البلد

وسبها ومشي وهي فضلت مصدومه شويه بعدين مشيت بنرفزه وفضلت تبرطم وبعدين وصلت الكافتريا وشافت صحابها جريت علهم وهي رافعه اديها ف الهوا وراحت حضنتهم
~~~سوووووووووب~~~~~~~~~
نتعرف بقا ع الشخصيات

ملك احمد مصطفي: عندها 19 سنه فـ اول سنه ليها ف كليه الهندسه قسم ديكور جميله جدا وبتحب الضحك والهزار عينيها لونها ازرق وشعرها بني فاتح وطوله متوسط

محمد احمد مصطفي: عنده 18 سنه ف تالته ثانوي عام قمور اوي وصاحب صحبه اوي وجدع جدا وعنيه لونها بني فاتح وشعره بني غامق

احمد مصطفى"الاب": عنده 50 سنه طيب جدا وبيحب ولاده اوي بيشتغل موظف في وزارة الصحة

ساميه محمد"الام": عندها 48 سنه بتحب ولادها وجوزها جدا وحنينه اوي ومصحبا عيالها جدا ربت منزل مبتشتغلش
~~~~~~~~~~