كان واقف مصدوم ومش عارف يعمل اي ومش قادر يقتنع انها بتحب الدكتور بتاعها وكانت بتستخدمو عشان تخلي الدكتور بتاعها يغير عليها
ملك بصت لقيتو واقف مصدوم قامت بسرعه ومريم قامت وراها
ملك بسرعه: اا...انت ... اوعه تفهمني غلط ... انا مش...
هيثم بمقاطعة: مش اي وافهم غلط اي ... هو انتي ازاي كده ... لا ولسه عايزه تكدبي تاني
ملك بدموع: لاا لااا لااا ... انا تعبت كلو بجي عليا ومحدش قادر يفهمني ... انتو عايزين مني اي بقا انا تعبت ارحموني ربنا ياخدني يااخي عشان تستريحو
ملك صعبت ع هيثم اوي ف اخدها ف حضنو وهي فضلت تعيط جامد
ملك بدموع: والله ياهيثم انا مش وحشه ... انا بحبو ياهيثم وهو مش حاسس بيا ... انا مكنتش بعمل حاجه غلط ... هو مفكرك صحبي ف انا كنت بعاملك عادي زي مابنتعامل ع طول لما بنكون ف البيت او كده ... عشان اخليه يغير ويحس اني بضيع من ايدو ف لو بيحبني هيعمل اي حاجه عشان ابقا لي ... ولو مش بيحبني مش هيعمل حاجه ولا هتفرق معاه ... انا بس عايزه اعرف ... عايزه استريح ياهيثم
هيثم بحنان اخوي: خلاص ياحبيبتي اهدي مفيش حاجه ... انا هفضل معاكي ومش هسيبك ... واللي انتي عايزه انا هعملو متقلقيش
وبعيد شويه كان واقف بيشتغل غضب من اللي هو شايفو ده وكان هيروح يتخانق معاه بس رجع تاني ومشي بعصبيه
ياترا مين ده؟؟
ـــــــــــــــــــــــــــــــــــــــــــــــــــــــــــــــ
عند سالي ...
كانت رجعه من الدرس ومشيا بتتكلم ف الفون وهي مبسوطه اوي
محمد شفها اتنرفز اوي وراح عندها بس هي مأخديتش بالها منه وكملت عادي طريقها وهو فضل واقف مكانو مصدومه هي ازاي ماخديتش بالها منه ومشيت كده وبعدين راح عندها بعصبيه وشد ايديها جامد
سالي بوجع وعصبيه: اااه انت مجنـ... اي ده محمد!؟
محمد بعصبيه: اه ياختي محمد ... اللي انتي سايبه ولا كأنك تعرفيه وكملتي طريقك عادي
سالي بهدوء: انا ماتخديش بالي منك
محمد بعصبيه وصوت عالي: ماطبيعي ماتاخديش بالك هاتي الزفت ده
واخد منها الفون وسالي كانت لسه وهتاخدو منه
محمد بعصبيه: الو
سالم بستغرب وعصبيه: انت مين
محمد بعصبيه: انا خطبها ياعنيا ... انت اللي مين وازاي تتكلم معاها كده
سالم بصدمه: خطبها! ... اي اللي انت بتقولو ده
محمد ببرود: زي ماسمعت ... انا خطبها وكلها سنتين ونتجوز
سالم بهدوء ووجع: مبـ...روك ... وماتقلقش انا ابن عمها سالم ... اكيد حكتلك عني ... ابقا سلملي عليها
وقفل ومحمد بص ل سالي بغضب شديد وكان هيمشي بس سالي وقفتو بعصبيه
سالي بعصبيه: مين ده اللي قال اني خطبتك انت ازاي تقول ل سالم كده حتى من غير معرف ... انا مش خطبتك يامحمد ومش هكون
وسابتو ومشيت بعصبيه وهو كمان كان واقف بعصبيه من اللي حصل كلو وائل كان واقف مستنيه ولما شافو ف الحاله دي راح له بسرعه
أنت تقرأ
مجنونتي❤
Romanceانا جمعتلكو الجزئين هنا وهكمل الروايه برضو هنا عشان اللي متلغبط ومش عارف يوصل للروايه بسبب حوار الاكونت ده ...يارب الرواية تعجبكو❤❤
