الحلقه الثانيه
ركبت لداري وصليت العصر استغربت انه فرج مرنش عليا وقلت خلي نرن عليه ورنيت
انا : الوو
فرج وغامتله : اهلين شن جوك
انا بعد حكى هكي عرفت ع طوول انه في حاجه : كنك
فرج : شي
انا : احكيلي
فرج : ع يوم الاحد
انا عرفت انه صايره حاجه حظي ونعرفه : كنه
فرج ماسكته العبره: امي مبتش ،، حكيت معاها قلتلها نبيها حلالي
انا : باهي
فرج صوته يبي يبكي خلاص : قالتلي
انا : شن
فرج بتنهيده : خوذ بنت خالتك
انا بصوت مخنوق : باه ربي يهنيك
فرج : نور متسكرش
انا : خلاص يافرج كل شي الا رضى الوالدين دير اللي يريح امك
فرج : هذا يريح امي بس ميرحنيش انا
انا : والله انت تبي رضاها
فرج : هنقنعها حبيبي والله انحبك انتي
انا : اها
فرج : انا يوم اللي حبيتك قعدت اعمى
انا : ليش بعيد السو
فرج : تي منشوفش في انثى غيرك ،،، البنت اللي فتحت ع الدنيا ع ايديا وحبتني وحبيتها نسيبها لغيري ؟
انا : لا
فرج : خلاص متخافش انا معاك
انا : ونا معاك
فرج : ان شاء الله
************
علي خش للحوش وجايب حاجات وجوه رايق
علي : ليناا
لينا طلعتله وخايفه : نعم
علي : تعالي شيلي معايا
لينا بحتت في علي ومستغربه انه جوه حلو وابتسمت
علي بحت فيها وابتسم : تي هياا
لينا : هي
علي : شوفي كان حاجه ناقصه
لينا : باه
خشت لينا للمطبخ وتستف في الحاجات وتشوف شن اللي ناقص
وخش علي
علي : شن في حاجه ناقصه
لينا : لا تمام مافي شي ناقص علي مسك لينا من يدها وبصوت دافي : لينا نبيك شويه
لينا تبحت فيه ومستغربه من حنيته اللي جت فجأه بس في نفس الوقت فرحانه عشان علي تغير : هي اني جايه
علي : نراجي فيك في الدار
لينا طفت ع الغداء وخشت لدار ،،، لقت علي فاتح اغنيه رومانسيه ومظلم الدار ومولع الوناسات
لينا تبحت في الدار وعيونها مليانات دموع
علي مسك يد لينا وباسها : اسف سامحيني على كل حاجه
لينا حطت يدها ع خده :ياروحي ماصار شي
علي مسكها من وسطها بصوت دافي : شن مراتي مش مرايفتلي
لينا : لا مرايفه واجد اخره
علي رفع حاجبه : اخره
#######تم حذف النص مراعاه لمشاعركم
********
حنين ادق ع الباب : بابا شويه تعال اسمعني
اسماء : بااتك مش قاعد
حنين : باهي اشويه ي اعميمه تعالي
اسماء : نعم شن تبي
حنين : نبي الحمام بس
اسماء : استني نجيب المفتاح
حنين : باه
اسماء جابت المفتاح وفتحت لحنين
اسماء : مطولش هيا
حنين : هيا باه
عدت حنين للحمام بسرعه غسلت وجهها وصحصحت وطلعت
حنين ودموع مليانات عيونها : اعميمه طلعوني وراس اعميمه
اسماء : مش شوري شور باتك
حنين : اقنعيه واللي تبيها حاضر
اسماء : عارفه شن نبي انا
حنين : خلاص خوك وهنوافق عليه وامك نشيلها في عيوني
اسماء : من جدك
حنين : من جدي والله
اسماء : تمام معناها نحنا هكي متفقين ،،وغمزت لحنين
حنين ضحكت : متفقين ،، بنعدي نسبح
اسماء : باه باتك قريب يجي وهنحكيله
حنين : تم
أنت تقرأ
•'~ٱنثى ابكاها القدر~'•
Romanceثلاث بنات عشنا الدنيا مرره والحياه هدتنا هد والقدر بكانا دم لكن في الاخير ربي عوضنا عن كل شي حنين عوضها بمراد ولينا بزياد ونا باسامه ❤ لكككل منا حكاايه ولكنااا إناااث ابكانا القدر وجمعتنا الحياه وعوضنا الله ❤ تألمنا قليلا ولكننا سننسى :')
