الحلقه الثالثه
وجت عمتي سالمه
سالمه مسكتني من يدي : من جدك تبي هذه عمتك ؟؟
انا برمت عليها : وكنها !!
سالمه : تي مش ليبيه
انا حاجه مسكت قلبي بقوه: ههه! وكان مش ليبيه ،، معندهش رب ؟
سالمه : عليك فضيحه قدام الناس نعطوكي لواحد امه مش ليبيه زلميه
انا بصوت مخنوق : ميهمنش كلام الناس المهم هوا في حد ذاته شن
سالمه : حطي عقلك في راسك متبعش قلبك
وطلعت
ونا الدمعه في عيوني والغصه في قلبي بما انه عمتي سالمه حكت هكي عارفه شن هيصير انا عارفه
اوشي : اسسس يا نور متبكش
انا ونحبس في دموعي منبش نبكي : قهرتني تو الموضوع يتفركش
اوشي : اس اس ان شاء الله خير ،،اطلعي للجنان خودي نفس بقوه
انا : باه
طلعت للجنان وتميت ناخد في نفس عشان منبيش نبكي
ام فرج "تحاول تحكي ليبي ومره مره تزلق في الكلام وتحكي فلسطيني وابتسام وسالمه يضحكن "
ام فرج : وين كنتنا ؟
سالمه : تو تجي
ابتسام : تو نشوفها
جت ابتسام وشافت جوي متعكر
ابتسام : نور هي بيش تطلعي ،،وبحتت في عيوني : كنك ؟؟
انا : عمتي سالمه ....وحكيتلها
ابتسام : ي هبله انا عمتك ومعاك متخافش
انا ريحني كلام ابتسام وخديت القهوه وطلعت بنمد
خشيت وبديت نمد وام فرج تبحت فيا من فوق للوطه
ام فرج : قمعزي يلايا؟
انا بحتت في ابتسام وقمعزت
ام فرج : كلك ع بعضك كويسه بس مشكلتك قصيره شويه
انا اعيووني نفتحن ع الاخر : ههه هذا كله وقصيره
فاطمه ام فرج : اها ،، شن تقري ؟
انا : خريجه معهد
فاطمه : وتبي تشتغلي
انا : اها ان شاء الله
فاطمه حطت فنجان القهوه بقوه وبحتت فيا : لااااا ماعندنا صبايا يشتغلن ،، وهنختلفو في النقطه هذه
انا بحتت فيها وعيوني دموع وبصوت واطي : اها
فاطمه : انا بصراحه كنت نبيله بنت اختي فيها المواصفات اللي نبيهن كلهن بس هو اصر عليك
سالمه قاطعتها في الكلام : وكنها بنتنا مش ماليه عينك
انا نبحت في سالمه : خلاص ي اعميمه
فاطمه : حتى ولدي ماشاء الله عليه .. ماملي ميته فيه وبحتت فيا وماملي لاصقه فيه
انا نسمع في كلامها ونحس في روحي بتطلع واموواس في قلبي كلامها واعر
ابتسام : هم الاثنين يبو بعضهم وخليهم
فاطمه : لا والله كلا نا ماراضيه .. مش راضيه ع هالخطبه بكل
سالمه : وكنك مش راضيه
وبدن في العركه وعزق الكلام لبعضهن وحتى ابتسام معجبتهش فاطمه
فاطمه تبحت فيا : ع الاقل بنت اختي ماهي متاع علاقات وتكلم في الرجاله ،، فوق هذا كله مش مربيتها امها تربت في حوش
انا صبيت وطلعت ونبكي بالعبره
بدن اصواتهن تعلا وغلطن في بعضهن وفاطمه كلمت فرج جا خداها
وروحت ونا في داري مخنوقه ونبكي خلاص معش نحلم بيها امه غلطت فينا
خشن عليا ابتسام وسالمه
سالمه : شفتي كيف غلطت فيك هالفلسطينه خزي
ابتسام : مفهش خير لك
انا مطبسه راسي ونبكي
ابتسام : نوور خلاص معش تبكي
سالمه : ماعندك عليش تبكي تفكيتي منهم
انا ونبكي وبصوت مخنوق : علاقه 8 سنين والله ماعمري مابحتت في غيره ولا شي من اول مافتحت ع الدنيا فتحت عليه هوا
اووشي خشت : نونه فونك يرن
انا : من
اوشي هزت راسها : مش عارف
اوشي بحتت في ابتسام وسالمه عشان يطلعن
انا بحتت في الفون ولقيته فررج يرن
طلعن عماتي واوشي ونا رديت
انا بصوت مخنوق : ايوه
فرج بصوت متعقد وعالي : شن اللي صار هذا فهميني ،، كان هلك مش موافقين عليا ليش تخلي فيا نجيب في امي
انا : فرج اسمعني
فرج : خليتي نقنع امي وبعدها عماتك يقوللها فلسطينيه ومش عارف شن وكان فلسطينه معندهش رب معندهش دين اززف
انا ونبكي : فرج اسمع مني بس
فرج بصوت عالي ويخبط ع الدومان : شن بنسمع شن بنسمع بس ،، خلاص معش في موضوع ينفتح ولا كلام ينحكى
انا بصوت مخنوق وواطي : يعني خلاص
فرج : اها خلاص
أنت تقرأ
•'~ٱنثى ابكاها القدر~'•
Romanceثلاث بنات عشنا الدنيا مرره والحياه هدتنا هد والقدر بكانا دم لكن في الاخير ربي عوضنا عن كل شي حنين عوضها بمراد ولينا بزياد ونا باسامه ❤ لكككل منا حكاايه ولكنااا إناااث ابكانا القدر وجمعتنا الحياه وعوضنا الله ❤ تألمنا قليلا ولكننا سننسى :')
