•'~ٱنثى ابكاها القدر~'•

•'°انثى ابكاها القدر°'•

الحلقه الثامنه

وخش مالك ومعاه اصحابه
مالك ينادي : لولي نووني
حنين : هي نطلعو
لينا : خايفه
حنين : هيا بس
مالك : تي نووني وينكن
حنين مسكت لينا : هيااا

وطلعن ولقن شاب
شاب واحد بس
حنين وقفت وتبحت فيه
ولينا مصددووومه
مالك : هذا حمادي حبيب القلب

حنين بابتسامه صفرا : اها
لينا : اها
حمادي : من وين تجيب فيهن بس
مالك خبطه ع كتفه : مش شورك هذا سر المهنه
وخش حمادي ومالك قمعزو في الصاله وحنين ولينا مزالن مصدومات ،، لينا كانت تدعي انها مترقدش مع مالك وحنين تدعي متبش لينا ترقد مع مالك
مالك : تعالن قمعزن
البنات : باه
وقمعزن وحمادي هذا مشلش عيونه من حنين بكل
لينا تشوش : حنين لشن بيوصل هذا
حنين : مش عارف
لينا : كلا مالك مستحيل ننتنفس حتى نفسه
حنين : هههه عندك استعدااد تبحي في الزباله اللر معاه
لينا تبحت في حمادي من فوق للوطه : انقانه زباله

مالك يفنص فيهن فطن انهن يحكن عليه

حنين : مالك يفنص
لينا : خلينا نرفعوله الضغط
حنين : باه

والجررس يرن
مالك : لولي صبي افتحي
لينا : باه

حمادي يبحت في حنين : نعليا وخلاص
مالك : وسع بالك
حمادي : وسعه عند خلاص

حنين تبحت في حمادي من فوق للوطه
مالك يبحت في حنين ويضحك ع نظراته له
مالك : باهي شويه ونجي نا
وصبى مالك عند لينا
مالك : من جا
لينا : مش عارف
مالك : اووو بوسيفه وناديه

يوسف : اهلين بقلب
ناديه : لوككا لك وحشه
لينا تبحت في ناديه كويس صوتها مار عليها بس ناديه كانت لابسه خمار
ورفعت ناديه الخمااار
وطلعت ناديه مرات علي اللي كان مزوج لينا
لينا جت عينها في عين ناديه ومزالو مصبين ع الباب
ولينا اطربقت ضحك
مالك : كنك ؟
لينا اتكت ع مالك : ههههههه اه بطني من الضحك ي مالك
مالك : هههه كنك ي هبله
لينا تشاور ع ناديه : هذه اللي جابها ليا ذره
مالك : خههههه كذابه
لينا : وحق ربي هي
ناديه : اهلا

لبنا : اهلين شرفتي خشي تفضلي

مالك : يووسف تفضلو خشو
مالك مسك لينا : نعليا ضحتك تهبل
لينا : الدنيا دوراه

مالك : نعليا

حماظي يبحت في حنين : نعلبا

حنين تبحت فيه بنص عين : وراس شعرك اللي مليسه
حمادي : شن قال السمح
حنين بابتسامه : شي
حمادي : شن اسمك
حنين : حنين
حمادي : نعلي الحنين في عيونك

وخش مالك ويوسف وناديه

حنين : وين لينا
مالك : في الحمام تو تجي
مالك بحت في يوسف وناديه : هذه حنين جديده
ناديه : تشرفنا
يوسف : حنين اسم ع مسمى
حنين صبت سلمت : تشرفت بيكم