كثير منكم عدهم ابناء اخ او اخت. وكثير من ذولي الابناء متعلقين بيكم انتوا العمات والخالات اكثر مما متعلقين بأمهاتهم. يعني كاسرين عليچ اكثر من اهلهم ويمونون عليچ اكثر وانتي مدللتهم اكثر.
هاي ظاهرة مشاهدة بكثرة .. وهي تعلق ابناء الاخ والاخت بعماتهم وخالاتهم .. واسبابها كثيرة ومفهومة .. لكن قطعا واحد من العوامل هو انه غالبا العمة او الخالة تكون ممتزوجة وگاعدة في بيت الاهل الكبير اللي اخواتهة واخوانهة يجون عليه دايما اذا عازلين وحدهم .. والمرأة هم عاطفية وهم ايضا بداخلها تحب الاطفال وتحب يصير عدهة بالمستقبل اطفال حلوين مثلهم وتهتم بيهم وتراعيهم.
فتجتمع عدة عوامل تخلي العمات والخالات احنينات وابدا ميقصرن ويصرفن ويودن ويجيبن ومدللات جهال اخواتهم واخوانهم.
وحتى لما يكبرون وخاصة البنات الشابات تبقى العمة والخالة هي المدافعة وهي كهف الاسرار والناصحة والموجهة لبنات اخواتهة واخوانهة.
طبعا العمة والخالة من تتزوج الامور تختلف شوية .. لكن مادامهن مامتزوجات يبقن العمات والخالات هن الاحبيبات والاحنينات.
- كل شابة مدعمثة بيكم تسوي تاگ لعمتهة او خالتهة العزيزة الغالية وتكتبلهة .. احبچ عمة .. احبچ خالة.
- كل خالة او عمة تحچيلنة شوية من تجربتهة وي ابناء اخواتهة واخوانهة وعن المشاعر والاحاسيس والتعلق اللي يصير .. وليش وشلون ؟.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
