اكثر سؤال تطرحة علية البنات المدعمثات هو : - شلون اعرف نيتة زواج ؟. حقيقة سؤال معقد وصعب .. خاصة انه اكثرهم يجون ثاني يوم يسألون وليس بعد شهر ع الاقل .. بس گاللهة صباح الخير تجي تركض علة احمد تعال گولي هذا نيتة زواج وشلون اعرف ههههههه.
حتى فتاح الفال مايقدر يدخل للمخ مال ابوصماخك ويشوف شكو بيه وشنو النوايا مالتة هههههه.
مع ذلك .. احمد وكعادته يذهب بعيدا في كشف اسرار الرجال .. وهذه المرة يقدم لكم ايتها المحظوظات متابعات ابو الغموض، مجموعة من الاشياااء اذا تحققت خلال شهر/شهرين فهي اشارة ودلالة جيدة انه يخطط معك للوصول للمحكمة .
1. يعترف ويصارحك انه يحبك ومعجب بيچ ويرتاح ان يقضي الوقت معك : اشارة تقليدية تحدث في كل العلاقات .. وخاصة الشاب العراقي من اول نگزة وقبل ان يشوفك يكولچ احبچ اموت عليچ ههههه .. اذن ننتظر بقية الاشارات ونجمعهة وياهة ونشوف.
2. كشف النوايا : خلال اول شهر شهرين بالزايد يكشفلك عن نواياه الحقيقة وعن مستقبل العلاقة وعن شنو يريد منك. .. وكشف النوايا لازم يكون خلال شهرين اقصى شي واذا ماطلعهة للدرة خلال هاي المدة فانتي لازم تتصرفين هههه.
4. يسأل عن اهلك وعائلتك وامور اخرى اجتماعية تخصك : واكيد تعرفون تميزون بين سؤال لمجرد الفضول وبين سؤال جدي لمعرفتك اكثر.
5. يدليچ علة بيتهم ويحاول يعرفك علة اهلة : نقطة مهمة .. اذا يحچيلك عن اهلة .. ويدليچ علة مكانة وبيتة .. ويعرفك علة امة واختة .. هاي اشارات كلش جيدة .. وضيفيلهة انه يحچيلك تفاصيل حياتة واسرارة العملية والمادية والاجتماعية.
6. مايحچي عن حبيبتة السابقة : اذا كان عندة حبيبة سابقة او خطيبة سابقة او زوجة سابقة مو كلساع يگعد يحن ويعن ويون عليهة .. معناهة مامفكر يكمل وياچ .. واجمعي هاي النقطة وي بقية النقاط.
7. احچيلي عن اهدافك ومخططاتك : اذا يحب دايما يعرف اهدافك ومخططاتك واحلامك ويناقشك بيهة فهذا مهتم جدا ان يدخلك لحياتة وان يكون هو جزء من تخطيطك واحلامك واهدافك.
8. يخطبچ رسميا هاي مبينة .. ماتحتاج توضيح.
اذا خلال شهر/شهرين من بدأ العلاقة ماحچة شي من ذني او ماقدم اشارة من ذني الاشارات فياعيني شغلتك مصخنة .. اللي بعدوووووووا ههههههههههه.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
