Сэраг нүдээ алгуурхан нээх үед асар том өрөө түүнийг угтаж авав. Шалнаасаа тааз хүртэлх бүх зүйл нь шаргал бас цагаан. Эргэн тойронд нь байх тавилга дэндүү үнэтэй харагдана. Сэра нүдээ нээхдээ өөрийгөө ямар эмэгтэйн биед орсноо мэдэхээр зэхэв.
Түүний орны хажууд бүтэн биеийг нь харуулах хэмжээний том толь харагдлаа. Тэрээр орноосоо үсрэн буугаад шууд л толь руу зүглэв.
Удалгүй тэрээр үнэхээр хөөрхөн бүсгүйг олж харсан юм. Энэ бол Жан Сэра яавч биш. Тэр маш үзэсгэлэнтэй юм. Тэгшхэн хөл бас нарийхан бэлхүүс, бамбагар том хөх. Жижигхэн нүүр, том алаг давхраатай нүд, түүний нүүрний хэлбэрт төгс тохирсон жижиг хэрнэ бас өндөр хамар бас чих, гүзээлзгэнэ адил булбарай уруултай. Хар бас дөнгөж мөр давсан шулуун үстэй, мөн ярайсан сайхан цагаан шүдтэй юм.
Сэра энэ эмэгтэйг хараад л шууд амаа даран уулга алдав.
"Бурхан минь, Та энэ эмэгтэйд үнэхээр харамгүй сайхан зүйл заяажээ"
Тэрээр өөрийнхөө хуучин амьдралыг санадаггүй. Яадаг ч байсан тэр өөрийнхөө зөвхөн нэрийг мэддэг. Энэ нь түүний хувьд амар санагддаг юм. Тэрээр өөрийнхөө тухай бодон зогсож байтал түүний харж буй толин дээр баахан дүрс бас бичиг урсаж эхлэв.
"Жан Сэра сахиусан тэнгэрийн хамгийн эхний шийтгэл.
Энэ эмэгтэйн нэрийг ч бас Жан Сэра гэдэг. Энэ ертөнцийн хамгийн адайр ааштай бүсгүй байгаа юм. Аав ээж нь маш том компанийн захирал. Бас тэд охиндоо тийм ч их анхаарал хандуулдаггүй. Чи энэ ертөнцийн эмэгтэй гол дүр нь болох учиртай. Энэ эмэгтэй нь бүтэлгүй хайр дурлалтай учирсан бөгөөд гол дүрийн залууд сэтгэл алдарсан нэгэн. Харин гол дүрийн залуу, гол дүрийн бүсгүйд хайртай учир энэ эмэгтэй түүнийг нь гэмтээсэн. Харин одоо бол гол дүрийн залуу энэ эмэгтэйг ясандаа тултал үзэн ядаж байгаа. Түүнийг өөртөө дурлуулж бас энэ ертөнцийн гол дүр бол.
Одооноос эхлэн энэ эмэгтэйн бүх дурсамж чамд байгаа. Энэ эмэгтэйг энэ ертөнцөд гол дүр болгож чадвал дараагийнхаа шийтгэл рүү чи хурдан очих болно. Жан Сэра сахиусан тэнгэрт сануулж хэлэх хэдэн зүйлс байна.
Одооноос хүссэн бүхнээ хий гэхдээ энэ эмэгтэйн амьдралыг сайнаар өөрчлөхөөр.
Хоёрдугаарт ямар нэгэн асуудал үүсвэл бид бүхэн туслахгүй гэдгийг хэлмээр байна.
Эцэст нь амжилт хүсье"
Жан Сэрагийн уншсан бүх зүйл арилж дараагаар нь түүний нүдний өмнүүр киноны бичлэг шиг бүх үйл явдлууд өнгөрөв.
YOU ARE READING
Сахиусан тэнгэрийн шийтгэл
Fantasy🥑👑Танилцуулга👑🥑 Жан Сэра гэх нэгэн сахиусан тэнгэр шийтгэл хүртэж хүний ертөнцөд таван даалгавар биелүүлэх хэрэгтэй болдог. Тэрээр муу санаатай эмэгтэй эсрэг дүрийн амьдралыг гол дүр болгох учиртай. Хайртай залуугаа өөртөө дурлуулж бас гэрлэж ча...
