هاااي راني رجعت نكمل الحكاية غير على جال بنت خالتي ههه 😂ملقيتش الدعم بصح معليش ❤️
.
.
.
.
.
.
.
.
من مور داك النهار لي شفته فيه قلبي ولا يضرب غير وحده ههه فرحت وانا نشوفه قدامي شباب بزاف كتر من التصاوير
كانو بزاف شيرات يكراشو عليه بصح هو ما مهتم بحتى وحدة و هادي تاني خلاتني ننجذب ليه قلتها لصحاباتي لي هما إخلاص ونور الهدى
خلوني نوصفلكم صحاباتي
*إخلاص سمرة عينيها كوحل وكبار متحجبة بصح ماشي ملتزمة تلبس دجين و شعرها يبان الله يعفو عليها 😂قصيرة عليا شوية 1.60 مسرارة و تبغي الخير للناس تقرى معايا من البريمار*
*نور الهدى تعرفت عليها كي تلعت لليسي يعني صحبة جديدة كانت تبانلي دايما وحدها و متهدرش بزاف ونية قلت نهدر معاها وولينا صحابات 😂لقينا عندنا بزاف صوالح مشتركة هي سمينة و بيضة شعرها دايما تمقصه كوب كاري عينيها بنيين و مجبدين كي تضحك يتبلعو هي في الطول 1.62*
.
.
.
.
نهار قلتلهم محمد يعجبني بزاف ومن قبل مانشوفه في الليسي قالولي مشي شباب
اخلاص: هو شباب بصح مشي الستيل تاعي
نور الهدى : ماشي قاع شباب وجهه كي المطلوعة
انا : ياك انا يعجبني غاية كي مايعجبكمش 😂
المهم اليامات تفوت كنت نتقلق باش تصوني ونخرجو للساحة باش نشوفه كانت عندنا انا و صحاباتي بلاصة مقابلينه نيشان كل يوم انا كي نشوفه رجليا يفشلو بصح نلعبها قاع معلبليش بيه ههه نعطيه بالضهر و نسقسيهم الا راه يشوف فيا قاع يقولولي واه راه يشوف فيك بصح هدى لا تقول راه يشوف جيهتنا ماشي فيك بالضبط وانا تاني كنت نقول واه نيشان بلاك غير انا تحمست
كل خطرا نفوت عليه كي نطلع عيني تجي عيني في عينه و نهودهم بالخف مانكملش شوفا فيه نشوف فيه غير كي مايكونش منتبه
خطرا كنا في الساحة و هو ماجاش نهدرو انا و صحاباتي حتى نشوفه داخل من الباب انا شفته و مقلت والو و مدرت حتى رياكشن ههه كيما قلتلكم لاعبتها مايهمنيش و حتى تشوفه هدى
هدى : (تضرب في فخدي وتهدر بالفور) شوفي محمد راه داخل اومايڨاد
انا : هدى سكتي كشفتيني دوك يسمعك هدىىىىىى
هدى : صحا صايي غير تحمست
انا : لي يشوفك هاك يقول يعجبك نتي ماشي انا
هدى : ههههه لا صاي صاي
.
.
.
.
المهم يا جماعة هنا نحبس ههه عييت و نسيت شويا الاحداث هادي 3 سنوات ملي صرات نتفكر ونوليلكم ببارت جديد 💗💗💗💗
