السلام عليكم 💗💗
اليوم جيت نكتبلكم كرونيك ✨
نتمنا تعجبكم لأنو اول مرة نكتب و بالدزيرية 😂
.
.
.
.
.
انا اسمي ياسمين وعمري 18سنة نوصفلكم روحي جمالي عادي شعري مشي طويل بزاف بني عينيا الشكل تاعهم كي اللوز ههه و بنيين 1.65 ماسمينة ما رقيقة
بدات الاحداث كي ربحت البيام في العطلة كنت كيما قاع الناس نكنكتي انستا و السناب و نشوف ستوريات تا شفت ستوري تاع واحد عجبني ايا و مع مرور الايام و انا نشوف ستورياته عرفت بلي يقرا في الليسي لي رح نقرا فيه و خسر الباك منها شفني و منها فرحت لخطرش نقدر نشوفه في الليسي بصح تاني من موراها عرفت بلي ولا يخدم و فقدت الامل قلت باينة حبس القرايا و ولا يخدم
جات الدخلة تاع القرايا كنت متحمسة شويا كيما الناس ههه بغيت نعرف كيداير الليسي و ايلا في كلاستي كاين صحاباتي ولا ناس جدد و اذا ندير صحابات جدد المهم فاتت مليحة و مور سمانتين تعرفت على لي يقرو معايا كنا في لاكور انا و صحباتي على 10 قاعدة نضحك و نتمهبل حتى نشوفه يسلم على صحابه 😳قدامي و انا كان باقيلي شوية و نطير مالفرحة ههه قعدت نشوف فيه حتى حس عليا و شاف فيا انا تم تم قلبت عينيا
نوصفهولكم جاي طوييل و جايب روحو مشي رقيق يعني بيض و عينيه مجبدين شويا و شعره كحل و رطب كان لابس دجين كحل و تيشرت بيض و فيستا كوير شباب الله يبارك هههه
صحبتي كانت تاهي تعرفه من السناب شافت فيا قاتلي "شفتي شكون جا" قوتلها "شكون" لعبتها معلبليش ههه قاتلي "محمد"
بالمناسبة اسمه محمد
.
.
.
.
.
.
.
هاذي قصتي الحقيقية بدلت الاسموات برك 😂المهم بصح قصتي تكمل على انو جات كورونا و كمل العام بصح هادي غادي نكملها على حسابي اذا عجبتكم قولولي فلي كومونتاغ رايكم 😂😭💔
