خرجنا مليسي مع 4 و انا قاعدة نجرهم فديك طريق و هوما شوية ميطيحولي بسخانة التي كانت دور
كوثر:ياربي شهاذ شلياطي
مريم:مقديتش صاي ويي
انا:هيا هيا خفو حمبوكم
جريتهم حتى وصلنا للقنت حوست عليه فديك لبلاصة و مجاش كوثر بغات تروح بصح شديناها انا و مريم ضربت 4:30 حتى شفناه جاي مع جماعة هو دار شافني تماك مع صحاباتي ضحك معايا و انا ضحكت معاه على يده غير شوية و ريشلي و نا قريب منطيح فلرض
كوثر:شتيه ايا باي
بلا ما تكثر الهدرة شدت مريم و داتها و انا كنت لاهية فيه نشوفه يضحك مع صحابه درت لقيت كوثر و مريم ختافو ايا قعدت نندب على زهري و رحت لدارنا فرحت كي شفته و زعفت كي ماطولتش و انا نتامله دخلت ديراكت للدوش سخانة هاذ ليامات راهي بزاف خرجت مدوش و رحت للتيليفون لقيته باعت لي ميصاج بدينا نشيخو حتى مبعدا قالي وش اسمك قتله ياسمين قالي الله يبارك اسمك شباب و انا نضت نقز و نرقص في بلاصتي مبعدا حبست باسكو تفكرت بلي منعرفش اسمه ايا سقسيته قالي اسمي وسيم و انا نضت نشطح كي الخبايطية وسيم وييي اسمه شباب ووييي حتى دخلت عليا ماما لقاتني فديك الحالة
هكا يبنت الكلب لوكان تقري مشي خيرلك؟ عندك الباك هاذ العام و زدتي راكي عاطيتها للرقاد دك تشوفي بنت خالتك شحال تدي و نتي باينة على وجهك راكي خاسرة
انا:بعيد الشر يا ما مالكي ديري هك ديجا صاي غادي نروح نقرا خرجي خرجي خليني
خرجتها و بلعت الباب بلا مفتاح اذا بلعته بالمفتاح تهده عليا و تدفني تحته.....
فات شهر ملي دخلنا نقرو بدات حياتي تتحسن ملي عرفت كوتر و مريم وليت نضحك كثر و خصوصا بعد ماتعرفت على وسيم ولات علاقتنا قوية كل يوم نهدرو مع بعض و نسهرو حتى ليل نشيخو كل يوم نتلاقاه عند القنت فلول كان يريشلي من بعيد و يضحك معايا و بعد ما تقربنا ولا يجي حتى لعندي و يهدر معايا و انا كنت فرحانة بزاف كنت نشكيله ملقراية و هو كان يشجعني يقولي نزير روحي باش ندي لباك و نطلع للجامعة و نقرا معاه
_نسيت نقول في عمره 21_
المهم مرة بلويكاند كنت قاعدة نحكي معاه و كنت فرحانة بزاف حتى هو كان يحس بيا كنت نبين حتى مشاعري ليه و هو كان باين بلي فاقلي راني نكراشي عليه حتى هو كان يهدر بنفس طريقتي و انا شكيت بلي راه يكراشي عليا
كنا شايخين و بعدا قالي لوكان نخرجو مع بعض
و انا تجمدت فبلاصتي راه يدومونديني ولا كيفاه؟
قتله كيفا نخرجو؟
قالي نروحو ندورو مع بعض
انا ضربت جبهتي بيدي و وجعتني بزاف ولله لا عيب
قتله ماما متخلنيش
قالي قوليلها مع صحاباتك
انا خممت مليح هاذ ليامات كحلتها مع ماما نضت لقيتها راقدة فشومبرتها دخلت للكوزينة و حطيت تيليفوني قدامي نشوف فوصفات ام وليد رحت ديرت كيك بشوكولا و وجدت القهوة خملت شومبرتي و خملت صالة و سيقتها مليح مبعدا حطيت صينية تع قهوة انا كي حطيتها بابا هو لول ناض اذا سمع طابلة تكحزت سنتيم ينوض يجري و ماما غير تشم ريحة القهوة تنوض بلاحفا المهم في زوج جمعو و قعدو يشوفو فيا انا صبيتلهم و بابا ينطق
وشمن حمار مات؟
ماما:ني خايفة لا الكوزينة نحرقت
