سجين ابي

البارت 12

بسم الله

اللهم صلى على محمدوالى محمد

الشوك ينرادله محاضن موش معاين من بعيد .❤️

توقف عن إحباط نفسك هذا الوقت سيمضي، وستبتسم بعد كل ذكرى ثقيلة مضت. 💚

البارت 12

...................................................................

2014/1/22

الساعه 11:30 بتوقيت كردستان العراق

حرب . وصلنه الاربيل كامت منطقه مغطيه بالثلوج تماماا  عقدنه عقد شيخ بعدين رحنه كعدنه بفندق     اربيل روتانا
تغدينه وحجزنا غرفه وصعدنه بيها

حرب. ايليا تسبحينن

..... لا قبل لا نطلع اسبح

..... براحتج اني راح ادخل اسبح بس انطيني التراك الاسود والمنشفه من الجنطه

.... تمام
طلعتله ملابسه والمنشفه وغسولاته خليتهن بالحمام طلعت وصحتله
دخل يسبح واني رحت بدلت ملابسي بتراك برموده
جانت مشكلتي حتى لو الجو تحت الصفر
هم البس خفيف واكعد يم الصوبه

جنت تعبانه حيلل رحت نمت على الجربايه واتغطيت 

حرب. طلعت من الحمام لكيتها نايمه وشعرها نازل من الجربايه
نمت بصفها واتغطيت خليت ايدي على خصرها واتقربت منها حيل من احضنها تجيني رغبه اضمها بكلبي

ايليا. نمت شويه وحسيت على عطر ريحته كفختني انداريت واني ادور على ريحته شكد طيبه عبالك شي بالفانيله بالمسك يعني شعور يمووت 

حرب. شويه واندارت وضمت راسها بين ركبتي وصدري تفاجئت من تصرفها بس حسيت براحه مو طبيعيه المهم نمت كعدت على شخص يدك بالباب

حرب. بهدوء وهوه يبعد خصلات شعرها من وجهها. 
ايلييا   ايليا

ايليا . بنعاس ..هممممم

حرب. بس اشوف الباب يمكن جابوو غده

ايليا. كعدت بشهكه انته شلون اسوي هيجج.

حرب. شبيج اني شعليه ترة انتي خليتي راسج بحضني

وووبعدين ميرد الكريم الا البخيل

راح فتح الباب جان نادل جايبب اكل

بقيت مصدوومه معقوله اني اسوي هييج

ااي اذكرت من خليت راسي عليه بس بدون قصد

حرب. كومي تغدي مدري تعشي الساعه بال6:00 العصر

ايليا. معقوللله

حرب. اي والله الضاهر النومه عجبت الطرفينن

ايليا . حررررب

حرب. ههه كومي يله

اكلنه شويه وكال
حرب . اليوم حنروح المكان كلش حلو وهادئ واجواءه البليل تصير بعد احلى