سجين ابي

البارت 40

سجين ابي ... بقلمي بنت التميم

بارت 40

(اكتوبر)
ثوره المضلوم ضد الضالم

وبيوم من الايام جنه طابكين سيارته كدام بيت عمي اخل حرب نريد ننزل الضهريه لان حرب عنده خفاره وكام يخاف لان وصلتله تهديدات من اهل المضاهرين

طبكنه سيارته نريد ننزل
وبنفس الوكت طبكت سياره عابس ونزلت روان من الصدر منها
شافهم حرب لو تخبل صارت عيونه بكصته

لزمته من ايده

- اوكف حربب افتهم السالفه بالاول يله لا تحكم ولا تسرع على اعرف شنو البالك تره

عافني ونزل من السباره نزلت وراه تسالمو

- حرب. شو اليوم هنا

- عابس. يابه صدك جذب الدنيا مكلوبه ومضاهرات وعايفين روانه اداوم
ولا ونوب خطيه شفتها بالشارع  بالصدفه
وانقهرت عليها لان جانت تريد تكسي وماكو وتدري هذا ابو العدس يلعن والديه مسوي حضر علمود المضاهرات

فعاد اني سلمت عليها وخطيه هيييه
بالبدايه ما عرفتني بس من كتلها اني عابس واصير صديق فهد الى كل يوم البليل اجي للبيت يله صعدت وياي

والله ياحرب اني زعلان منكم شلون تخلون عرضكم يصعد تكسي واني موجود

وهيه الله يحفضها حلوه والف جلب بالشارع ينبح عليها

- اتعجبت من شفته شلون يحجي وجذب جذبه اني من يمي صدكتها والضحكني اكثر كعد حرب يتعذر منه ويشكر

- نزلت روان من الصدر بعد ما شفتها ضمنت العلم والكمامه بالجنطه من حرب جان منتبه على عابس

نزلت وهيه طك رجل برجل وما مفتهمه السالفه

- يابه اذا خطها ما يجي اني طريقي على كليتها باجر حضري نفسج بال7 اجي اخذج تمام

- حرب. لا يابه مشكور هيه تروح وترجع ويا محمد بس اليوم ما اعرف شعجب ما رجعتي ويا محمد

- روان . هاا موو موو

- عابس . مو محمد الله يسلمه يطلع للتحرير هوه وربعه مو صح

- روان. هاا ايي ايي حرب صح واني دورته بالكليه ماكو وابو الخط ما اجه

- عاد اني جبتها واجيت

- باوعلهم حرب بشك وكال .. مشكور خويه ما قصرت

- لا يابه صدك جذب روان باجر من. يجيبج لعد

- ما ادري بس محمد لو ابو الخط

- اي خوش لعد اذا ما اجوي هذا الكارت مالتي بي رقمي عود اتصلي عليه طبعا مرخصه حرب

- حرب هههه لا لا تره صار الترقيم كدام عيني

- عابس. احنه اهل حرب ما بينه هاي السوالف باوع يمنه ويسره وكال
يله تفضلو للبيت شو واكفين هنا يله يله تعالو فوتو