سجين ابي

البارت 23

وكت خله الغرب تسالني عنك
يما تدري شكثر مغثوثه منكك

متيهه وجهي من تشوف الوجوه
عرف والحلوه ماشايفني جنكك

شكثر شايلك وما شايل عليك
جروحي استغربن من باوعنك

الشاعر.. محمد الطلقاني

_________

ايليا. كعدت من نوم  الساعه بال 11 البليل جسمي مكسر من النوم اريد اوكف ما اكدر كمت الغرفه هدوء وضلمه شغلت الضوه وطلعتلي دشداشه دخلت سبحت ذبيت تعب اليوم كله بالحمام
اسبح والدموع توكع ويا المي
ويروح تفكيري للخذلني ليش مساوالي شي ليش عافني بس عاتبني نو المفروض اتعاقب
طلعت من الحمام نشفت شعري وشلته باهمال ليفوك لكيت جنطتي مكلوبه على بالكاع رحت لميتها دورت جهازي مالكيته دريت بي هوه ماخذه ضليت كاعده بالغرفه اختنكت وروحي طكتت
نزلت جوه البيت هدوء وكلها نايمه ومقفلين البوب مال البيت اخذت مفتاح باب المطبخ  جان بالصاله فتحت الباب وطلعت بالحديقه كعدت على المرجوحه الجوو صافيي بقيت صافنه على سمه سافرت افكاري بالي صار اليوم
لو ما طالعه جان هسه هوه يراضيني واني ارفضه
فززني من صفنتي صوته وهوه شايل الموبايله بيده
...شعندج كاعده هنا
...ضجت وطلعت
...امشي طبي جوه
... شسوي بالغرفه حتى جسمي تكسر من النوم وين اولي
... اريد اخابر
... روح بالغرفه
... عاجبني اكعد هنا
... مكاعده على كلبك
... خوش لعد
راح كعد على الكرسي وخله رجليه على الميزز والموبايل على اذنه
شويه وجان يكول
... هلا بيج حبيبتي . ههه لا لا تخبلين طالعه اليوم
ههه لا لا تشاقيين انييي من ذوقج مهاوي
اني هم احبج شلونج شصار وره مطلعنه

لهل درجه وصلت بيه الحقاره يخابر كدامي وتتغزل بيها واني كاعده يمه
وضحكهم واصل لسابع جار واني اتعذب من وراهم نحبست الدموع بعيوني تمالكت نفسي من الشهكه الى نحبست بصدري رفعت عيني جتي بعينه لكيته يباوع عليه حسيته ديراقب تصرفاتي
لميت شفتي بحركه اسسف وهزيت راسي رافضه الى صار
كمت اريد ادخل جوه مداتحمل الى صار فتت من يمه وقفني صوته
...اوكفي
..رفعت عيوني بدون ما انطق
سد موبايله
...ويننن مو جنتي كاعده هنا
...اشرتله على المطبخ حسيت صوتي انكطع
..بصياح .متحجين شبييج
...بصوت مخنوك .ااااشربب مييي ع عطشانهه
... مو زين عليج تنامين مخنوكه حاولي تبجين وتنامين
....هزيتله راسيي للحضه حسيت صوتي انكطع
جنت محتاجه بس واحد يكلي شبيج حتى ابجي بس ما اريد اصعف كدامه واصير بلا كرامه
... بصوت هادى شبيج بابا
...ما كدرت الزم نفسي بعد كعدت بالكاع وهوه جان على الكرسي خليت راسي على رجليه وبدت شكاتي تعله خله ايده على شعري يمسد بي وكال
.... ابجيي ارتاحي مو زين عليج تكتمين بداخلج
اعتبريني ما موجود واحجي بكيفج
....خليت اديه على بنطرونه ولزمته منه
... حححرب والله ما كدرتت اتحمل الى صار بشهكه انته تتحمل تمر بموقفي بشهكه حرب اذبحني ولا تتعامل وياي هيجي والله ما اتحمل حسيت كلبي انشك بالنص من الى صار والله بعد ما اعيدها والقران بس سامحني فدووة
حررب احجيي لا تسكتت
حرب .. اششش لا تعبين نفسج شوو يله كومي لزم اديه و وكفني
...يله روحي اكلي شي وناميي
... وانته شوكت تصعد
... انتضرها اصير بال 4 الفجر صديقي راح يجي عليه نكملل اثاث البيت حتى نشيلل
...سامحنيي الله عليك
... روحي دخلي جوه يلهه
... انطيني حهازي ضايجه
.... هه تحلمين بعدد روحي يله وجهزي ملابسج وغراضج حتى ناخذهن باجر
دخلت وكبل لغرفتي غسلت وجهي باوعت عليه بالمرايه عيوني مورمات حيلل ووجهي احمرر
بعدنه بالبدايه وهيج انكلب وجهيي
طلعت جنط السفر من فوك الكنتور
وصفطت ملابسي بيهن والاحذيه والجنط
والثالثه خليت بيها المكياج وملابس الداخليه والصغيره خليت بيها الاكسسوارات والصغيره كلشش شسوارات والكاويه والبرايه
شلت الديباج مال جربايه ذبيته بالحمام وفتحت عليه المي والوجوه مال مخاد غسلتهن على المغسله شلت الورد مال الغرفه وخليته بسله وديته كبال غرفه روان
مسحت الغراض مال الغرفه ودخلت للحمام غسلت الديباج ونشفته بالغساله وشريته على المحجر فوكك
الغرفة ما بقه بيها غير الاخشاب والجنط طلعت قهر وضيم كلبي كله بالتنضيف اشتغل ودموعي ينزلن راسي كام يوجعني
دخلت الغرفه محمد . لكيت براسيتول شربته ردت اطلع شفت صورته على الميز لا اراديا ابتسمت
ويينك ولكك مو كلت راح اسندج تعال وشوف حالي ...
مسحت غرفته والاخشاب وطلعت قفلتها وبقيت القفل بالباب انداريت جاي افوت شفت حرب على نهايه الدرج ولازم  المحجر رافعلي حاجبه والايد الثانيه متخوصر بيها
شسوين حنت بغرفه محمد ما تستحين داخله لغغرفه شابب
... محمد مثل اخويه .نضف غرفته كلت خاف يجي واني ما موجوده وتدري روان ماتعزل وعمتي متكدر تصعد
...دمشيي امشيي حضري ملابسج
... دخلت للغرفه دخل ورايه
... هايي شمسويه
...انته مو كلت راح انشيل شلون اعوف الغرفه وصخه
... دنزلي الجنط ويايه ويين ملابس
...بهاي الجنطه غراضك كلهن
... هاا غراضي بجنطه وحده وغراضج باربع جنط
... رفعت حاجبي وكتفت اديه وجيب نفسكك انته اليه باستزهاء
... لزمني من ساعد ايدي وخضني ولجج احترمي لا اكسرج
... دوخررر نترت ايدي من عنده يم غيري تضحك على صوتهم ويمي كالب خلقتكك
... انيي اعلمجج 
....شلت جنطتين ونزلت خليتهن يم السياره باوعت الساعه ب 4 الفجر
حييل صارلي خمسة ساعات اشتغل و محاسه على نفسيي
باوعت على ثوبي كله ميي وشعري منتولل
... حقه ينتر بوجهي مو زين صابر عليه ما طلقني واني هاي وضعيتي
فات وهوه شايل الغراض الباقيه خلاهن بالصندوق مال سياره
دخلت للبيت اخذت تراك بدلت وضفرت شعري وطلعت
شفته كاعد يدخن بالحديقه الجوو كشف وبدت الشمس تطلع
....اححمم
...شكووو
... اليوم نروح للبيت 
.... امممم
.... أاااا هذا شسمه
باوعلي ورجع رسه على الشمس يباوع عليها
اصلن ماعندي سوال بس اريد اخلق حديث ويا اشوفه بعده زعلان لو لا
... بعصبيه مو لغيتت وياك
...بهدوء هوه انتي سالتي واني ما جاوبتت
.... المفروض تعرفني شريد قبل لا احجي مو انته زوجي