دخل للغرفه شاف صورتها المرسومه علئ الحايط
اتقرب عليها وعلئ خده نزلت الدموع
وبصوت مرتجف تحركت شفتاه
- بيمن قصرت وياج يل قصرتي ويايه عمر
حجه بصوت عالي مصحوب ببحه
ولج ارجعيليي انه ادري بيج ماتتحملين حضني من الترافه البيج شلون راح تتحملين وانتي بحضن التراب
اااااااه يا حبيبتي شسويتي بيهه
هز راسه حرب واستغفر و سد باب الغرفه
كلنا متاثرين عليه وكلعا تدعيله ببروده كلب
بس كلبه يخترك عليها ما يبرد
راحت ايام واجت ايام بديت دوامي للجامعه
جهزني حرب من الالف للياء اول
نقبلت طب علم بعد ما انطوني درجتين مال عدم رسوب
داومت اول يوم مثل الغريبه بيها امشي وادعم الكدمي
وصلني حرب وطلع للدوامه بعد ما سحب اجازته
وقررنه الاسبوع الجاي نكعد بيتنه
داومت اول يوم كلشي ما اعرف وما اندل
كعدت بالحديقه علئ المصاطب اجتي بنيه كعدت يمي
سلمت عليه وعرفتني علئ نفسها طلعت بنفس القسم مالتي اسمها دينا
تبادلنه الارقام وصارت صديقتي ضلينه نطلع ونطب سوه
ومشت الايام ما بين محمد وانعزاله
وبراء وبنتها دوم متعاركات
وروان وبدايه اعجابها بعابس
واني وحرب يوم اصدقاء ويوم من الشعر تصير
بعد شهر من دوامي
اجت دينا عليه كالعاده كاعده بالحديقه مال جامعه
دينا. امشي خل ندخل بالكافتريا
ايليا. عفيه انتي تكعدين يم الشباب وحرب ما يقبل
دينا . هسه هوه شمدري شو قبل لا يجي يتصل عليج وانتي تطلعيله شمعرفه باليصير وبعدين انتي ما مسويه غلط كاعده ويا اصدقاء وبس
ايليا. اتذكرت من يكلي من تحتاجين شخص يمج لاتدخلين طرف ثالث احسبيني صديقج وتعالي احجيلي
دينا. وين صفنتي يمعوده جرتني من ايدي وكومتني
دخلنه للكافتريا
جانوا اربعه ولد وثلاثه بنات واني ودينا صرنه خمسه
اول مدره اكعد بهالقرب كدام اشخاص غريبين
حجه واحد منهم
.. هاي الحلوه منين شو ساكته
دينا. جعفر عينك منها تره مزوجه
... لا يعني من بابا هيه اختي
... حجه الثاني
عندج مازنجر
ايليا. اي ليش
... عدنه كروب حتئ نضيفج بي
ايليا. عود دينا تدخلني بي
دينا. يمعوده تره هذوله ثقه يعني لانخافين من ناحيتهم
أنت تقرأ
سجين ابي
Romanceسجين ابي باللهجه العراقيه فتاه تعشق نفسها حتى يقع في حبها الضابط ذات الثلاثين ثم تدور الدنيا لتدق طبول قلبها للحب تتحدى الزمن ليدور عليها وتنقلب الادوار ليصبح حبهما من طرفها فقط تتحدى نار الغيره و زواجه من بنت عمه تعاني من فقدان اهلها حتى يضهر ل...
