تانى يوم اسراء راحت الجامعه وكانت متأخره دخلت لقت الدكتور بيكتب على السبوره الدكتور ادم
هى دخلت وكانت بتتسحب
ادم:استنى عندك يا اسراء
اسراء:احم ووقفت
ادم:جايه متأخره ليه
اسراء:انا لاء خالص انا مش جايه متأخر انا جيت دلوقتى
ادم:ياشيخه
اسراء:انا هقولك انت جيت النهارده بدرى
ادم:لاء انا داخل في معادى
اسراء:طب انا عمرى جيت بدرى
ادم: ابدا
اسراء:يبقي خلاص ايه الجديد
ادم:بجد والله بتتأخرى ليه
اسراء:والله زحمه وانا مش بركب تاكسى
ادم:ليه بقا
اسراء: بخاف لحسن يخطفنى وانا حلوه وزى القمر كده مش هتدلع عليه فهياخدنى غصب عنى لمكان مهجور ويعمل معايا فعل فاضح
الكل ضحك
بس طارق ضحك جامد عليها لانه هو اللى قالها كده
ادم:ههههههههههه يابنتى بقا
اسراء:ايه العسل ده بس
ادم:ههه شكرا
اسراء:لاء والله شكلك صغير خالص اديك ٤٥ سنه كده
ادم:احييه انا عندى ٣٧ سنه
اسراء:لاء والله انا بحسب ٦٠ عشان بس بجاملك يعنى
ادم:بجد يا اسراء شكلى كبير
اسراء:ههههه لاء والله انت عسل يا دكتور بقولك ايه والنبي ما بلاش شرح وهزر معانا
ادم:انجزي يا بت مكانك
اسراء:وحيات امك يا كابتن
ادم:ميته
اسراء:وحيات ابوك يا كابتن
ادم:ميت
اسراء:ورحمه ابوك وامك يا كابتن
ادم: ايه كابتن دى يا بت
اسراء:بت اما تبتك
ادم:قولتى ايه
اسراء:قولت كلامك عسل بس وحيات اغلى حاجه عندك بلاش شرح
ادم:مش انتى شاطره ليه بقا مش عايزه شرح
اسراء:اصل انا زهقانه اوى والله معنديش اخوات وعايشه انا وخالى بس وهو وسخ وصايع وبتاع بنات وعلى طول برا البيت وانا زهقانه اوى
ادم:هههههههههههه
اسراء: والله بتكلم جد
ادم:هههههههه ماشي خلاص بس تقعدى هنا معايا
اسراء:ههههه حاضر
وقعدوا يهزروا المحاضره كلها وطارق كان بيضحك جامد
في البريك هى طلعت قعدت برا
طارق في بنات راحوله هو مشي منهم وراح لاسراء
طارق:والله انتى مسخره
اسراء:ما تحترم نفسك يا بغل انت
طارق:الله الله وليه كده
اسراء:كيفى كده
طارق:بس والله روحك حلوه اوى
اسراء:عارفه غور بقا عشان زمان البت شهد جايه وبقت متكبره اكتر وانا مش طايقاك ولا طايقاها
طارق:الله انا هقولها
اسراء:بجد لاء والنبي متقولش ليها خوفت يمى يمى يمى خبينى ياض يا طارق ههههههه روح يلا روح ده انت تعبان وفي دماغك مهلبيه بالزبيب ههههههه
طارق:ههههههههههه ماشى
شهد جات
شهد:وحشتونى اوى
اسراء:امشى يا بت من هنا انا مش طايقاكى اكمنك بقيتى متكبره اكتر
شهد:ومتكبرش ليه معايا واحد البنات كلها هتموت عليه
اسراء:اخصى ده ده شكله يعر ومقرف مش حلو والله ده انا مش بطيقه
طارق:مش عارف ليه والله
اسراء: سبحان الله يالا حاجه من عند ربنا مش طايقه ابص في خلقتك ده
طارق:طب ليه طيب
اسراء:يابنى هو انت برج البقر بقول من عند ربنا
طارق:خلاص سكت وضحك
اسراء:قال تحبي الاهطل ده وكبت عليه مايه
طارق:يابنت ال
اسراء:سلاموز وقامت
طارق قعد شويه مع شهد ودخل جوه لاسراء قعد جنبها
وشرب مايه وتفها على اسراء
طارق:يع المايه سخنه اوى
اسراء بصتله ورفعت حاجبها
طارق:ههههههه شكلك يهبل
اسراء:اشطا وقامت وقفت على البنش وداست بالكعب على رجل طارق من فوق
طارق:اعااااااااا
اسراء نزلت وقعدت تانى
اسراء:شكرا انك كبتها عشان الجو حر
طارق:اااه منك لله يا شيخه
اسراء:شكرا وقعدت
المحاضره اشتغلت
اسراء كانت بترسم لطارق في الدفتر بتاعه وقفلته
هما روحوا هى زاكرت
هو جاى يشوف هى كتبتله ايه
لقاها رسمه حمار وكلب وكاتبه عليهم اسمه
وفي صفحه تانيه راسمه حيوانات ياما ورسماه وكاتبه حديقه الحيوان
طارق ضحك جامد وعايز يرن عليها وهو معهوش رقمها
هو فضل يفتكرها وضحك جامد ونام
تانى يوم
هى راحت الجامعه متأخر برده
اشرف:نفسى تيجى بدرى
اسراء:دكتور شوف اقسم بالله صاحيه متأخر وبص لبست اى حاجه وسرحت شعرى وملحقتش المه
اشرف:طب ادخلى ادخلى
هى دخلت وقعدت مكانها
اسراء:معلش يا بنات هلم شعرى انزاحوا بقا لاخبطكم
بنت:يا بنتى شعرك حرير وطويل وتقيل ليه تليمه سبيه مفرود
اسراء:مش برتاح لازم اعمله قطتين
البنت ضحكت هى لمته وطارق كان وراها وبيضحك
في البريك
طارق: ايه الرسمه دى بس
اسراء:ههههههه حسيتك حيوان داخلي فقولت اوديك مكانك الحقيقي
طارق:ههههه متشكرين
اسراء:يلا سلام
طارق:انتى مروحه
اسراء:لاء انا تلاجه
طارق:ههههه ظريفه
اسراء:انا قايله سلام دى مخصوص عشان تسألنى انا مروحه ولا لاء فتقولى كده بس انت غبي هروح ازاى ولسه اتبقالنا محاضره
طارق:تمام تعالى ندخل
اسراء:لاء انا هروح اجيب مصاصه
طارق: مصاصه؟ يابنتى اعقلى بقا
اسراء:هل انا باكل من على حسابك
وراحت لمحل
صاحب المحل سيد
سيد:حضرتلك المصاصه اول لما شوفتك جايه
اسراء:ااام شكرا يا عمو سيد
سيد:العفو يا قمر
هى ادتله الفلوس وفتحت واحده وكانت بتمصها زى الاطفال
طارق كان شايفها من بعيد واحد صاحبها بيحبها بس هى رفضته لانها بترفض الكل هو خطب وبقي صاحبها اسمه زين
زين:يامساء الفل على المزز
اسراء:مساء
زين:اه بقينا بعد الظهر
اسراء:متقول اهلا
زين:هههه ماشى اهلا بالمزز
اسراء:اهلا بمز الجامعه ياسطا عامل ابه مع البت نيفين
زين:حلو الحمدلله فيها ايه لو قابلتى تتجوزى
اسراء:ياعم مش عايزه اتجوز
زين:خلاص خلاص
اسراء:جاى ليه
زين:عايز مصاصه
اسراء:اللى بتلون الشفايف ولا التانيه
زين:لاء التانيه
اسراء:اشطا وادتله
زين خادها وابتسم ومشى
طارق شافها راحلها
طارق:هاتى واحده
اسراء:لاء
طارق:الله ما انتى اديتى لزين
اسراء:انا حره الله
طارق:هو انتى بتكرهينى للدرجه دى
اسراء:اه
طارق:بجد قالها بزعل وكان فعلا زعلان
اسراء:وانا ههزر معاك ليه
هو اضايق اوى ومشى
هى لاحظت
اسراء:اووف ابو تقل دمك بس انا مش بحب حد يزعل منى وانا دبش بغباء معاه
اسراء دخلت السكشن لقته قاعد ساكت استغربت لان دى مش عادته
راحت قعدت جنبه
طارق بصلها ورجع بص للفون
اسراء:ولا مش بحب كده لما ابصلك تبصلى سامع ولا لاء
طارق:مش انتى مش بطقينى ومش عايزه تشوفى وشى
اسراء:دى حقيقه بس برده انا مش بحب حد يزعل هو يتفلق وكل حاجه لكن انتوا كلكوا للأسف اخواتى حتى لو مش بطقيكوا بس بعتبركم اخواتى فمتزعلش
طارق ضحك
طارق:يابنتى انتى بتقولى ايه
اسراء:اى حاجه بقا وهرشت في شعرها والعيال اتكلموا معاها
طارق ابتسم وكان بيبص لملامحها وهى بتهزر مع العيال كلهم وهى جنبه يعنى بتكلم حوالى ٧ في نفس الوقت
هى خلصت كلام وبصتله لقيته بيبصلها
اسراء:مالك ورفعت حواجبها
طارق:ه ها لا مليش
اسراء:ياولا
طارق: ايوه
اسراء:مش زعلان
طارق:لاء مش زعلان
اسراء:معندكش دم
طارق:طب زعلان
اسراء:اخبط راسك في الحيط او اشرب من البحر
طارق:هههههههههه عسل
اسراء:عارفه
طارق:يابنتى بطلى تحرجينى بقا والله بطيرى جبهتى بطريقه لا احسد عليها بالمره
اسراء:هههههه خلاص
طارق: خلاص وقعدوا جنب بعض وهى طول المحاضره الكل بيهزر معاها حتى الدكاتره مبطلوش هزار معاها
هما طلعوا
طارق:تعالى اوصلك بدل ما تركبى تاكسي ويخطفك ويعمل معاكى فعل فاضح وابتسم
اسراء:لاء انا همشي بحب امشي بلعب مع العيال
طارق:الجو حار عليكى
اسراء:لاء عادى سلام ومشيت
هو استنى شهد وركبوا العربيه بتاعته وروحوا بيوتهم
اسراء روحت لقت خالها هناك
اسراء:اهلا بالصايع
احمد:اهلا
اسراء:مالك في حد اخته وجوزها اللى هما بابا وماما هيجوا بعد غياب ١٠ سنوات ويبقي مضايق كده
احمد بصلها باسف
احمد:ل لاء هما مش هيجوا
اسراء:ليه تعبانين ولا ايه وكانت قلقانه اوى
احمد حضنها
احمد:والله ميستهلوش القلق ده ولا يستاهلوا حبك ليهم
اسراء:ف في ايه يا خالو
احمد:هما اتصلوا وقالوا انهم وراهم شغل مهم ومش هيعرفوا ينزلوا السنه دى كمان
اسراء اتصدمت
اسراء:ت تانى ههههههه لاء تانى ايه دى المره الميه كل شويه يعتزروا شغلهم اهم من بنتهم اللى مشافوهاش بقالهم ١٠ سنين سايبنى وانا عندى ١٢ سنه ليه كده مش انا ليا حقوق عليهم انا مش حاسه بحنيه انا ورا كل ضحكه بضحكها بدارى فيها كسرتى هما ايه فاكرين انا الحياه فلوس بس انا مش عايزه فلوس انا عايزه الحنيه اللى الكل بيديها لعياله يعنى يوم تخرجى مش هلاقيهم يوم فرحى مش هلاقيهم طب لو اتجوزت هكون ناقصه حنان ياما ناقصه طفوله هدى لعيالى الحنيه ازاى وانا اصلا مخدتش منها ولا عمرى جربتها ازاى بس ازاى هيرموا بنتهم ومش قد الخلفه ميخلفوش لكن ميدمرونيش وعيطت جامد وطلعت اوضتها
خالها عنيه دمعت وكان زهقان اوى ونزل
هى تانى يوم راحت الجامعه بدرى
كان طارق لسه داخل شافها
طارق:اخيرا جيتى بدرى وايه ده اول مره تربطى شعرك ديل حصان بس من غير قطتين
هى مردتش ودخلت هو استغرب ودخل وراها
وقعدوا والدكتور جه واسراء كانت ساكته خالص
اشرف:مالك يا سو ساكته ليه
اسراء:اصل لو اتفتحت هقلب المحاضره مهرجان ومش هتعرفوا تسكتونى
اشرف:هههههههه على رأيك بس ده المحاضره هاديه كده ودي مش طبيعتك
اسراء قلدت حمو بيكا وقالت بطريقته
اسراء:عشان في لمه كتشير ادونى ٥ دقايق واروق عليكوا
الكل ضحك
وهى ضحكت جامد جامد خالص ومش راديه تسكت وعنيها مليانه دموع طارق بصلها وشاف كسره في عنيها وحزن والضحكه دى وراها وجع والوجع الأكبر انها بتدارى في وجعها وتبين الضحكه وده في حد زاته اكبر وجع
هما خلصوا وهى طلعت قعدت برا في الكافتريا
طارق قعد جنبها وحط ايده على كتفها
اسراء:ش شهد فين
طارق:مورهاش محاضرات مجاتش
اسراء:تمام لو شوفتها خليها ترن عليا عشان الارقام ممسوحه من عندى
طارق: حاضر مالك بقا
اسراء:هههههه مليش هيكون مالى
طارق:عليا انا ده انا بصيت في عنيكى عرفت انك حزينه اوى على فكره غير انك موجوعه واكيد في سبب لده بس انتى بتتوجعى اكتر لانك بتبينى عكس اللى جواكى وده في حد زاته احساس وحش اوى
اسراء فجأه عيطت جامد اوى
طارق بصلها
طارق:الله الله الله وقرب الكرسي منها
هى كانت بتعيط جامد
طارق:في ايه بس قولى
اسراء بعياط وشهقات:بابا وماما مشوفتهومش بقالى ١٠ سنين غير في الصور بس وبيكلمونى يطمنوا بس قالولى هننزل وكل سنه يقولوا كده ويرجعوا يقولوا عندهم شغل ويسبونى بحسسونى انى رخيصه سبونى وانا صغيره مخدتش منهم حنان ولا حسيت معاهم بالامان والراحه زى بقيت العيال ولما كبرت سايبنى وده اصلا سن جواز وسن خطر ازاى هتجوز وانا لسه مشبعتش منهم ولا شوفت منهم حنان لما اجى اتجوز مش هلاقيهم جنبي اه عريسي هيقولوا ايه هكون لوحدى لو خلفت ازاى هدى لعيالى حنان وانا عمرى ما حسيت بيه ازاى هكون ليهم ام وانا مشوفتش احساس الام ده بعيالها ولا حبهم فيها ازاى هحسسهم بالامان وانا مشوفتش خوف الاب على عياله بقعد في البيت لوحدى ياما لما واحده زيى في السن ده يسبوها تقعد لوحدها ومعايا خالى بس وهو على طول برا البيت مع بنات ولما بيجبهم ونتخانق يزعل ويطلع وانا اللى اروح اصالحه لان انا اللى محتجاه انا اللى لوحدى وكمان بيروح لامه واخواته في اسكندريه وانا مش بقدر اروح عشان جامعتى الناس كلها بتتكلم مش ممكن حد يجى يتهجم عليا ولا يسرق الشقه وكلام الناس عليا بسمع ناس ياما بيتكلموا وبيقولوا عليا عشان بزعق وبلبس بناطيل وبلوزات دايما واربط شعرى ومش بحط مكياج والله بيقولوا قمر بس مسترجله تخيل بقا اسمع حد يقول عليا كده ومش بلبس فساتين زى بقيت البنات عشان عارفه انهم مش هيسبونى في حالة وعيونهم هتجبنى وهيستغلوا انى لوحدى وممكن يعملوا فيا حاجه عشان كده دايما ابينلهم انى مسترجله وبرده بخاف لانهم برده بيعاكسونى وعمرى ما حسيت بالامان نفسي ابص لنفسي في المرايه الاقى نفسي لابسه فستان وعامله شعرى زى البنات عشان واشوف الجمال اللى الكل بيقولى عليه لكن لو عملت كده هطمع وهحب نفسي كده انا محرومه من حاجات كتير اوى بسببهم هما وعيطت جامد
طارق دمع وكان بصصلها وهى صعبانه عليه اوى قومها وحضنها هى كانت بتعيط
طارق:انا معاكى اهو اعتبرينى كل حاجه بالنسبالك
اسراء:والله بعتبركوا كلكم اخواتى لانى بجد مليش حد غير الوسخ خالو ده
طارق ضحك وهى كمان ضحكت وبعدت
اسراء:هغسل وشى
طارق:تمام مورناش محاضرات تانى هوصلك ماشي
اسراء:لاء بحب امشي
طارق:معلش عايز اوصلك
اسراء:تمام
هى غسلت وشها وركبت
طارق:منوره العربيه
اسراء:هههههههه عارفه بص بقا ميغركش العياط ده انا قويه انساه بقا ماشي
طارق:ههههههه ماشي
وساق وراح مطعم جابلهم كريب وبيبسي
اسراء:مش عايزه
طارق:كلى كلى يلا
اسراء:تمام واكلوا
طارق وصل عند سوبر ماركت ونزل جابلها شبسيات ومصاصات كتير وحاجات ياما
اسراء:الله
طارق:ههههه بالهنا والشفا خدى بقا
اسراء:شكرا
طارق:العفو يا جميل
ووصلها البيت
طارق:خدى بالك من نفسك
اسراء: حاضر وانسي بقا والنبي انى عيطت انا مش بحب اعيط اصلا ومن بكرا هرجع ارازى فيكوا تانى
طارق:هههههه ماشي يا ستى
هى نزلت وهو مشي وزاكروا وناموا
وبس كده 💖💖
