طارق:انتى بتعملى ايه وضربها بالقلم عشان تفوق
شهد بسكر:وانت غيران طب تعالى انت كمان
طارق:شهد يلا تعالى انتى وشدها
هى راحت معاه وكانت سانده عليه وبتستغل ده وحضنته بحجه انها دايخه
طارق كان بيحاول يبعدنا عنه بس هى كانت ماسكه فيه جامد
طارق كان بيدور بعينه على خالد
ولقاه وراحله وكان مع بنت
طارق:ياخى خلى عندك دم وكرامه وشوف مراتك اللى هتوطلنا سمعه العيله في الارض لقتها مع واحد في الحمام هى مراتك غير عليها عشان شرفك وشرف العيله اللى الهانم كانت هتضيعه النهارده لو مش خايف على شرفك خاف على شرفنا احنا
اسراء كانت ده كله على اخرها وقامت بعصبيه عشان تروح بس في واحد مسكها
اسراء:انت مجنون اوعى كده
الولد:عينى عليكى يا قمر من لما جيتى وبدأ يحاول معاها
هى كانت بتسرخ وبتبعده
طارق بيبص على الصوت شافها رمى شهد وطلع يجرى عليها ومسك الولد وضربه
طارق:دى مراتى يابن الكلب وفضل يضرب فيه
اسراء خدت شنطتها وطلعت وكانت بتعيط
طارق طلع وراها
طارق:اسراء اسراء استنى ووقفها
اسراء:طارق اوعى
طارق:في ايه انتى ماشيه لوحدك ليه
اسراء: طارق انت السبب في كل حاجه حصلت النهارده انت مالك ومالها ها رد تسبنى وانت عارف اننا في مكان وحش عشان تقوم تاخدها وتقولى شرفنا اذا كان اخوك مش غيران ولا خايف على شرفه تيجى منك انت وكمان انت عارف ان شهد ده بالنسبالها عادة وهما مطلعوش الاوضه يعنى بس ازاى ده انت روحتلها حتى من غير ما تقول لاخوك اللى هو جوزها وجبتها ده انت قاعد معايا ومركز معاها وقومت جبتها طلاما بتحبها ولسه غيران عليها اتجوزتنى ليه ومتقوليش شرفنا عشان كنت ممكن تروح لاخوك كنت خوفت على شرفى انا وانى اتعرض لده ومشكتش انى ممكن حد يحاول معايا وسبتنى وقومت وراها
طارق: اسراء انتى مش فاهمه حاجه اغير ايه واحبها ايه بس دى مرات اخويا وشرفه من شرفى
اسراء:انت مش عارف انك بتحبها بس الموقف ده بينلى لان كان سهل تقول لاخوك يروح وانت عارفه انه مش بيسكر ولا سكر مش هيبقي سكران اوى بس خلاص مش بدور على كده انا شوفت الفرق انك مقبلتش عليها كده وسبتنى عادى واهو في اللى حاول معايا ومشيت
طارق:اسراء استنى بس يا اسراء وطلع يجرى وراها
اسراء:طارق بقولك ابعد عنى بقا الله مش عايزاك يا طارق لان معنديش حاجه اخسرها ولا حاجه اخاف عليها من الفضيحه وزقت ايده ومشيت
وكانت بتعيط
هو كان واقف مصدوم مش عارف ليه وازاى وامتى حصل كده يعنى هما كانوا نازلين مبسوطين وفي لحظه كل حاجه اتقلبت وفضل واقف كده فتره
طارق رجع جاب عربيته لقي فيها خالد وشهد وكانوا مبسوطين
طارق:انزلوا
خالد:طارق انا سكران مش هعرف اسوق روحنا يلا
طارق ركب ومكنش طايق نفسه وروح وكان بيحسب اسراء في البيت فلما دخلوا
رؤوف:ها سهرتكوا كانت حلوه
شهد وخالد:روووعه
منه:ايه ده فين اسراء
طارق:هى اسراء مش فوق
منه:لاء
رؤوف:في ايه
طارق مردش وطلع جرى بره ركب العربيه ومشى
منه:في ايه
شهد:مش عارفه
رؤوف:هما اتخانقوا
خالد:مش عارف يلا يا شهد نطلع
شهد:يلا يا روح شهد وطلعوا وكانوا مبسوطين
عند اسراء راحت عند خالها هو كان هناك ومعاه واحده
فتح واتصدم لما شاف اسراء
احمد:اسراء
اسراء:مالك عدينى
احمد:في ايه بس
اسراء:طب دخلنى الاول ودخلت ولقت البنت بقميص نوم
بصتله
احمد:ا اهدى بس هفهمك
اسراء:جاتك القرف انت كمان انا تعبت اروح فين مش عارفه والله كل اللى في حياتى كده انا مش عارف انا ليه حظى كده حزرتك وقولتلك متجبش بنات للبيت لا كمان وبتعمل علاقه معاهم انا بجد عرفت النهارده انى يتيمه بجد
ومشيت
احمد: استنى يا اسراء بس اووف ولبس الهدوم ونزل كانت هى مشيت
احمد كان بيدور عليها في الشارع وشاف طارق جاى
طارق نزل
طارق:مالك بتجرى ليه وفين اسراء
احمد:مش عارف مشيت راحت فين
طارق:مشيت مشيت ازاى وليه
احمد حكاله
طارق اتعصب وخبط فانوس العربيه بايده وايده اتعورت بس هو مهتمش
احمد كان بيرن عليها بس هى مش بترد
طارق كان بيعيط بهستيريا وركب العربيه احمد ركب معاه وكانوا بيلفوا في الشوارع يدوروا عليها
بس ملقوش ليها اى اثر
طارق كان بيعيط واحمد كمان
احمد:هو ايه اللى حصل معاكوا
طارق حكاله وهو بيعيط
طارق:انا غلطان ماشى بس والله العظيم تلاته انا قومت انقذها عشان ده اخويا هى مراته طبيعى يا ناس اى حد هيعمل كده وقف اى حد واسأله هيقولك انى معملتش حاجه غلط لو كنت بحبها كنت مخلتهاش ترقص مع حد مكنتش رميتها وجريت على اسراء كنت شدتها من لما رقصت مع حد غريب انا معملتش كده انا والله لما لقيت انها هتضيع شرفها وشرف العيله قومت وكنت واثق في اسراء والكل في الوقت ده مشغول باللى معاه وقولت لو في حاجه هترن عليا لكن والله مكنش قصدى حاجه انا مش عارف اعمل ايه قولى انا غلطان
احمد سكت ومكنش بيرد عليه لانه مش عارف يعمل ايه
احمد روح بيته وكان مش عارف ينام كل تفكيره مع اسراء هى راحت فين وكده باله معاها
اما طارق فكان عامل زى الطفل اللى مش لاقى مامته وبباه
شغال يلف بالعربيه في القاهره كلها ويرن على ارقام صحبتها بس مكنش عند ولا واحده رجع البيت وهو مهموم اوى وابوه وامه لسه مستنينه
رؤوف:ها فين اسراء
طارق عيط ومردش وطلع قوضته
منه ورؤوف طلعوا وراه
منه:في ايه يابنى قولى بس
طارق حكلهم
رؤوف: عشان اصلا خالد ده ابن كلب صدق بالله انت غلطان فعلا لانك انقذت شرفه ابن الكلب ده
طارق:يارتنى ما قومت ولا عملت حاجه والله العظيم فكرت في شرفنا لكن مش بالى عليها ولا بغير عليها لو بحبها هسبها ليه ما كانت في ايدى والله العظيم مش بحب قد اسراء هى ليه فاهمه كده ومش عارف هى راحت فين اصلا انا هتجنن
منه:طب استنى هى راحت عند اهلها
طارق:لاء وحكلهم اللى حصل
منه:لا حول الله يارب ملهاش حد فعلا طب استنى النهارده وهى بكرا تهدى وترجع تانى بإذن الله متخافش بقا
طارق:مش هعرف انا الا لما القيها ماما هى حياتى والله يارتنا ما روحنا يا بابا يارتنا ما روحنا يا ماما كل حاجه حصلت هناك روحوا انتوا ناموا يلا يا بابا يلا
هما مشيوا وكانوا زهقانين
طارق منمش طول الليل وكان بيفكر هى راحت فين وكده منه فضلت ترن عليها كتير وبعتتلها
منه:اسراء ردى عليا ارجوكى انا حبيتك واعتبرتك بنتى اللى مخلفتهاش ردى بس ونتكلم مع بعض شويه ونسوف مين غلطان الهروب مش حل
اسراء شافتها
اسراء:مش النهارده بس يا طنط
منه:طب انتى فين
اسراء:متقوليش لحد ماشى
منه:حاضر بس قولى انتى فين
اسراء:انا بعد ما مشيت من عند خالو ركبت تاكسى وروحت مطعم في النيل وفضلت قاعده فيه كنت شايفاهم وهما بيدوروا على النيل ولما مشيوا والوقت اتأخر والمطعم هيقفل مشيت ورجعت البيت بتاعنا وقاعده في اوضه على السطوح
منه:كده يا اسراء يعنى ليكى بيتان وقاعده على السطوح ومش خايفه
اسراء:السطوح يا طنط متوضب والقوضه نظيفه وحواليه زرع وشكله حلو والعماره ١٣ دور يعنى مين هيطلع ١٣ والبواب تحت متقلقيش
منه:طب وطارق
اسراء:طنط ارجوكى مش عايزه كلام في الموضوع ده
منه:اسراء طارق هيموت والله
اسراء:طنط هو غلطان
منه:طب اسمعينى ده شرف ابوه وشرفه وهو اصلا مش طايقها ومستنلها على غلطه بعد اللى عملته فيكى ولما انقذها عشان دى مرات اخوه ده حتى ضربها وشرف ابوه وراح رماها لاخوه وزعقله وبمجرد ما لقى حد بيضايقك رماها وجرى عليكى
اسراء:لانى مراته
منه:لاء مش كده بس انا هقولك ياسراء لو بيحبها هيرميها لخالد ها ردى طب بمجرد ما يشوف حد بس بيضايقك هيرميها كده ولا هيقعدها الاول وبعدين يجيلك هيتجووك ليه اصلا من البدايه هيحاول يموتها ليه لما خطفتك هى بتعمل كده عاشن تفرقكوا يا هبله متديهاش فرصه تعمل كده وتنتصر وكمان خالك غلبان وملوش غيرك اسراء طارق واحمد ملهومش غيرك روحهم فيكى خليكى معاهم وجنبهم والله طارق ابنى تعبان في الاوضه عمرى ما شوفته كده ومش بأڤور والله روحه فيكى قاعد جوه على سريركوا وبيبص لكل مكان ويعيط كأن حاجه راحت منه متعمليش فيه كده وتعالى يا اسراء الواد بجد منهار
اسراء:ربنا يسهل يا طنط
منه:ماشى يا حبيبتى خدى بالك من نفسك
اسراء: حاضر سلام
منه:سلام
منه حكت لرؤوف وقولتله ميقولش بقا
رؤوف خلى منه نامت وراح لطارق
رؤوف:امك عرفت مكان اسراء يلا روحلها
طارق:ف فين
رؤوف:فوق السطوح عندهم
طارق مخلاش ابوه يكمل وجرى على البيت
وراحلها
اسراء كانت واقفه بتبص من فوق السطوح
طارق حضنها من ورا جامد
هى بتبص لقته هو
طارق:ليه عملتى كده حرام عليكى انا اسف والله والله العظيم ما كان قصدى اللى وصلك ده اسراء ابوس ايدك افهمينى
اسراء:........
وبس كده
