اسفه جدا جدا على التأخير بس غصب عني 😁
عدي يوم يومين اسبوع شهر شهرين ودا كله إسراء قاعده مع خالها وبطنها بتكبر وطارق دايما شايفها ومتابعها وبيروح يتكلم معاها وبيحاول يخليها تصدقه بس هي برده مش مصدقه مقتنعه باللي شافته ماهي معزوره بصراحه يعني خالها اللي عنيه زايغه ودايما معاها وطارق في الأول كان مع شهد وحبيبته والرجاله الخيانه واللي مبيفكروش غير في نفسهم وازاي يطلعوا شهوتهم ويستمتعوا خلاص معظم الرجاله بقت كدا فهي معزوره وبجانب كدا كمان هي عنيده جدا حتى لو هو عمل كدا حقيقي وخانها عمرها ما هترجعله كرامتها ثم كرامتها
اسراء قربت تكمل الشهر الرابع طارق برده راحلها وكان باين عليه التعب والدبول
اسراء:طارق ارحمني خلاص كفايه
طارق:انتي ليه مش مصدقاني
اسراء:لأنك ببساطه خاين خاين وزباله
طارق:انا خاين لو كنت خاين مكنتش اتجوزتك مكنتش فضلت معاكي لحد دلوقتي مكنتش خليتك حامل وفي بطنك حته مني ومن روحي مكنتش حبيتك الحب دا كله ومن اول ليله كنت طلقتك ورميتك ما انا اخدت اللي انا عايزه منك ولا ليه اتجوزك اصلا كان لما كنا بنعمل الفيلم كنت عملت معاكي بأي طريقه حطتلك منوم او هلوسه وعملت اللي عايزه وارميكي بعدها بس انا مش كدا انا معملتش كل اللي انا قولته لاني بحبك بحبك فوق ما تتصوري كدبتيني وصدقت عنيكي خلاص خليكي مصدقاها يااسراء انا معدتش اعمل حاجه لاني زهقت بجد زهقت شوفي بقيت عامل ازاي تعالي شوفي حالتي بنفسك انا معدتش قادر عايزك بس تفكري في حاجه ان شهد بتحبني وممكن تعمل اي حاجه عشان ابقى ليها وتفرق مابينا انا اه غلطان لان كنت معاها بس انتي مش راديه تسمعيني وتشوفي ان انا مظلوم
اسراء ببرود:عارفه عارفه ممكن بقى تمشي
طارق:حاضر وبص لبطنها وحط ايده عليها
طارق:عمري ما هخليك يابني تيجي واحنا كدا ابدا وقام ومشي
هي عيطت وفضلت تفتكر كلامه وافتكرت شكله وكانت مش عارفه تعمل ايه
اسراء:إسراء فوقي هو كدا زي ما اللكل كدا اللكل بيتخلي عنك انتي كنتي مفكره ان هو مش هيتخلي عنك بس هو الوحيد اللي دلوقتي متخلي عني خلاص هو خاين هو خاين متعيطيش عليه اهلك سابوكي وعيشتي عادي والمره دي طارق سابني وهعيش عادي هعيش لابني وبس
عدي اسبوعين او تلاته كدا واسراء راحت تعرف نوع الجنين ايه
الدكتوره قعدتها وكانت بتشوف وضع البيبي
الدكتوره:هو زعلان شويه بصراحه
اسراء:ي يعني هو مش كويس
الدكتوره:انتي نفسيتك تعبانه وعلى الرغم انك بتقول ميهمنيش حد وبتضحكي وبتهزري بس نفسيتك تعبانه برده لأنك بتكتمي في نفسك ودا البيبي بيتأثر منه جدا فبلاش حزن
اسراء:هو كويس يعني ولا ايه
الدكتوره:هي دلوقتي حركته بطيئه وهيبقى كويس ان شاء الله ويرجع تاني لو خففتي حزن شويه
اسراء:تمام نوعه ايه
الدكتوره:ااام هههه تؤام ولدين
اسراء:بجد
الدكتوره:ايوا
اسراء ابتسمت
اسراء:حبايبي هيعوضوني على كل حاجه وحسست على بطنها وكانت فرحانه جامد ورجعت البيت وقالت لأحمد
احمد:سمي واحد على اسمي بقى
اسراء:لاء طبعا انا مختاره اسم ليهم من زماان
احمد:ليه الرخامه دي
اسراء:اتلم والا بالشبشب وعلى دماغك
احمد:ياحجه انتي عارفه تقومي هتكلبظي يابت بعد الولاده
اسراء مسكت الشبشب وحدفته عليه وكانت في نص راسه لانه كام واقف وبعيد شويه عنها
احمد:اااه يابت ال
اسراء:في فرده تانيه على فكره
احمد:ههههههه وراحلها وباس راسها الف مبروك ياحبيبتي
اسراء:الله يبارك فيك
احمد:هتعملي ايه دلوقتي
اسراء:والله ما عارفه وخادت نفس
احند:متشيليش الهم عشان العيال
اسراء:مش شايلاه اصلا انا بكرا هروح اقول لطنط وانكل وبما ان طارق مش موجود في البيت وبينام في بيت تاني يبقى كدا احسن
احمد:تمام اعملي اللي انتي عايزاه
