شهد:بحبك طارق:انتى مجنونه ابعدى كده وزقها شهد:هههههه انت بتخطب النهارده وانت لسه سايبنى مكملناش شهر ههههههه للدرجه دى وجعى عندك سهل طارق:شهد انا محبتكيش اصلا وقولتلك بحب اسراء وفرحان انى معاها العدى انتى بقا وبطلى لان والله العظيم يا شهد لو قربتى تانى بجد هدمرك يلا امشى وزقها اسراء:خلاص يا طارق كفايه ومسكته هو لف ايده على وسطها وشدها ليه طارق:تمام عشانك انتى بس شهد:بقيت كلب عندها اسراء:شهد لو سمحتى كفايه شهد:انتى متتكلميش خالص لانك زباله وخاينه اسراء دمعت وطارق شافها طارق مسك شهد من شعرها جامد طارق:كلمه كمان وهنسى انك بنت وبجد هموتك من الضرب في ايدى يا شهد شهد:مش حاسه بوجع لان اللى في قلبى اكبر بكتيير اوى طارق:ارموها برا بيقول لامن القاعه هما جم وخادوها هى كانت بتعيط اسراء كمان عيطت احمد:روحوا انتوا ارتاحوا شويه في غرفه القاعه واحنا هنشغل اغانى على ما اسراء تهدى ونعرض فيديوهات وصور ليكوا طارق:تمام وخد اسراء القوضه طارق:انتى بتعيطى ليه دلوقتى ما تولع هى واهلها اسراء:شوف هى قالت ايه انا كده فعلا طارق:والله ابدا انا اللى حبيتك والحب مش غلط ومش حرام وانتى مكنتيش بتلفى عليا يا اسراء اللى بيكون وحش اللى نيته وحشه هو اللى كده انتى لو نيتك وحشه كنتى فرقتى بنا كنتى فضلتى تغرينى كنتى تتحشرى معانا دايما لكن والله كل حاجه العكس كنتى بتصلحى بنا وبتغيرنى للأحسن عشانها وكنتى مش بتتلزقى ولا مسهوكه وهى عارفه كده كويس ومكنتيش بتتلزقى فينا وتتحشرى بنا انا دايما اللى كنت ادخلك خلاص بقا طظ فيها مش عايز اشوف دموعك الجميله دى ابدا اسراء:حاضر طارق:يلا اضحكى وورينى القمر وهو بيضحك اسراء:ربنا يخليك ليا وباست بطن ايده هو حضنها وباس ايديها وحضنها طارق:ويخليكى ليا يا اجمل واحلى ما في حياتى ورفع وشها ليه وباسها من خدها وبعدين نزل لشفايفها وهى كانت ساكته لا بادلته ولا بعدته فضل ينزل لحد رقبتها وكان بيبوسها بتعمق ولسه هينيمها هى بعدته وضربته بالقلم طارق اتصدم وبصلها طارق:ف في ايه اسراء:انت قليل الادب يا طارق اوعى كده هو ابتسم طارق:قول انك اتحرجت يا جميل وقربت تلين وكنت هتبادل اسراء:انا طارق:ايوه وحرك راسه بضحك اسراء:ي يا كداب والله لاء مين قال كده ووشها احمر خالص طارق:انا اللى قولت كده ومتأكد لو حلفتيلى من هنا للسنه الجايه لان بان عليكى اسراء:طب اوعى كده نروح للناس زمانهم حمضوا طارق:يولعوا الناس اسراء:يلا يا طارق بجد طارق:حاضر حاضر هما طلعوا وطارق لبسها الخاتم وباس ايديها وراسها هى ابتسمت هو مدلها ايده بفرحه تلبسه الدبله هى ابتسمت ولبسته الدبله هو حضنها وشالها ودوخها جامد ولف بيها اسراء:ربنا يخليك ليا طارق:ويخليكى ليا يا قلبى بحبااااااك اوى اوى اووى اسراء كانت فرحانه وبينزل عليهم بلالين روعه احمد كان فرحان اوى لاسراء خلص اليوم وطارق واسراء ركبوا في عربيه طارق وطارق كان مشغل اغانى وفرحان اوى وماسك ايد اسراء وهو بيسوق وكل شويه يبوس فيها طارق:اسراء انا حاسس انى هموت من الفرحه بجد انا مش على بعضى كده قلبى طاير اوى معقول الحب يخلى الواحد بالشكل ده اسراء:اولا بعد الشر عليك ثانيا انا كمان فرحانه اوى اوى اوى مش متخيله اصلا انى كانت ممكن حاجه تفرحنى كده وفعلا الحب ده احلى حاجه في الحياه وبيتسبب في الفرحه بس الزعل فيه بيكون وحش اوى طارق:ربنا ما يجيب زعل بنا يارب وصلوا لبيت اسراء اسراء:سلام طارق:خدى بالك من نفسك اسراء:ده يادوبك هطلع السلم طارق:برده خدى بالك من نفسك ولما تدخلى وتنامى وتصحى خدى بالك برده من نفسك على ما اجيلك بكرا اسراء:تيجى ليه طارق:منا هجيلك كل يوم اسراء:ليه طارق:خلاص بقيتى حياتى لازم اجيلك وكمان انتى روحى لازم تفضلى معايا اسراء لسه هتتكلم طارق باسها من خدها لانه لو باسها من شفايفها هتزعل جامد اسراء:يابنى اتلم طارق:ربنا يصبرنى على فتره الخطوبه اسراء:هههههه خد بالك من نفسك طارق: حاضر يا قلبى اكيد هامد بالى عشان اكون كويس واخد بالى منك ونتجوز بقا وكده اسراء:هههههههه لا حول الله سلام طارق:سلام بصى لما تطلعى بصيلى من البالكونه اسراء:تمام هى طلعت وطلعتله من البالكونه طارق:بحبك اسراء:وانا كمان امشى بقا وطمنى عليك لما توصل عشان خاطرى وخد بالك من الطريق طارق:من عنيا الاتنين يا جميل وعمل الحركه بتاعه من العين دى للعين دى وبعتلها بوسه هى ضحكت هو شاورلها ومشى وروح وكان بيغنى وبيقول قدام عنيا اللى انا حلمت هو اللى غير في عيونى الحياه اول ما قلبى شاورلى عليه حسيت كأنه مصدق لقاااه الله على جماله في كده الله انا قلبى كان في حاله شاف عيونه داب ان شالله اعيش حياتى كلها معاااااه وكان داخل من الفله وبيبص لاهله اللى قاعدين بيبصوله هو وبيغنى وبيرقص وبيلف وفرحان رؤوف:الله الله في ايه ياواد طارق:بحبك ومغرم وعاشق ياحج منه:عملتى ليه في ابنى يا اسراء طارق:سحرتنى ياماما بجمالها وعيونها وشخصيتها وروحها ورقتها وكسوفها اللى دايما بتدريهم ورا الوش اللى ظهراه للناس انها جامده وكده بصوا الحب ده حيااه ياااه على الحب جماله اللى بيجمل الحياااه اااه يانى وطلع وكان بيغنى منه:الواد اتهبل يا رؤوف رؤوف:بيحب يا منه سبيه ربنا يسعده ويخليهم لبعض ويتمم جوازهم على خير منه:يارب خالد كان قاعد وبيفكر في اسراء وكلام طارق عليها ولان طارق اتغير جامد وهو معاها وكلام ابو وامه وشكلها وبيفتكر كل تفصيله فيها طارق طلع غير هدومه ورن على اسراء وفضلوا يتكلموا لحد الساعه ٢ اسراء:يابنى نام بقا طارق:والله مش عارف اسراء:طارق انت مأڤور اوى ايه ده طارق:طب والله قولت لنفسى كده وحاولت ابقي عادى بس مش عارف مشاعرى غالبانى اسراء:لا حول الله والله انا طايره من الفرحه بس اهو يعنى عاديه طارق:كل يوم معايا هيكون احلى من اللى قبله اوعدك بده لانى بمووت فيكى اسراء:طب اقفل بقا عشان هموت وانام وقفلت بسرعه هو عرف انها اتحرجت وضحك وبعتلها على الواتس طارق:تصبحى على خير🥰😘😘❤️ هى ابتسمت اسراء:وانت من اهله 😊 طارق:هو ده الايموچى ابعتى واحد تانى اسراء:اتخمد😡 طارق:ارجوكى ابعتى واحد حلو اسراء: اهو😍 سلام بقا اسراء:سلام وقفلوا وناموا وكانوا فرحانين اوى تانى يوم طارق صحى ونزل وراح جاب هديه لاسراء وراحلها وكان بيخبط جامد وبنغمه وبيرقص احمد فتح وكمل رقص معاه من غير كلام يعنى كانوا الاتنين بيرقصوا وبيسقفوا بايديهم وشكلهم حلو خالص وهما اصلا حلوين بس كانوا فظاع وفرحه طارق كانت باينه اوى اسراء نزلت جرى من الخضه اسراء:ايه في ايه طارق بصلها ووقف وكان سرحان عاوج رقبته ومبتسم اسراء:في ايه يا جماعه احمد:لقيت طارق بيخبط وبيرقص على الباب اسيبه يرقص لوحده لاء طبعا رقصت معاه الواد اتهبل يا اسراء انتوا عملتوا ايه امبارح لوحدكوا اسراء: عملنا ايه يعنى اتلم انت كمان هى نزلت ووقفت قدامه اسراء:في ايه يا طارق مالك طارق:بحبك وباسها من خدها اسراء ابتسمت طارق:صباح الخير والفل والياسمين اسراء:صباح النور جاى بدرى كده ليه طارق:عشان القمر يكون لسه صاحى من النوم واشوفه باللبس ده ميلحقش يغير اسراء كانت لابسه ده 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسراء:هو انا خالعه ولا ايه ما تتظبط يلا طارق:انتى قلبتى كده ليه اسراء:اتنيل اترزع على ما اجيلك طارق: حاضر يا قمر دى هديه بتاعتك اسراء:بمناسبه ايه طارق:منا كل يوم هاجبلك هديه اسراء:هو تبزير وخلاص طارق:ايوه اعتبريها كده يا روحى اسراء:هههه حاضر وطلعت استحمت وغيرت ونزلت وكانت لابسه ده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طارق واحمد كانوا حضروا الفطار ومستنينها ومظبطينه هى نزلت وشافتهم ضحكت وقعدوا يفطروا وكانوا بيهزروا مع بعض وطارق واسراء فرحانين احمد:انا نازل طارق:مع السلامه احمد خرج وطارق واسراء قعدوا وكانوا بيلعبوا بلاى ستيشن لان اسراء بتعرف تلعب الباب خبط طارق راح فتح طارق: يوووووه ايه جابك واسراء اتفاجأت ......................................... وبس كده 💖
