ချန်းမင်ရဲ့ တမ်းချင်း [Myanmar Translation]

five

Unicode :

ဒါတွေ အကုန်လုံးရဲ့ အစက ဖင်ယန်းမင်းသမီးရဲ့ အိမ်တော်ကြောင့်ပဲ။

အဲ့ဒီနေရာက မင်း ဝေကျီဖုကို စတွေ့တဲ့ နေရာပဲ။ အထက်အမြင့် ပလ္လင်မှာ ငါမင်းရဲ့ ဘေးမှာ ထိုင်နေခဲ့ရင်း လှပပြီး အရောင်စုံတင့်တယ်တဲ့ ပိုးသားအင်္ကျီကို အချို့ ခန္ဓာကောက်ကြောင်းတွေ ဖော်ပြီး သီချင်းဆိုကာ ငါတို့ကို ဖျော်ဖြေနေခဲ့တာကို ငါတို့ ကြည့်နေခဲ့တယ်။

မဟုတ်ဘူး မင်းပဲ ကြည့်နေခဲ့တာ။

ငါက တစ်ချိန်လုံး ဝေကျီဖုဆီ စိတ်ရောက်နေတဲ့ မင်းကိုပဲ ကြည့်နေခဲ့တာ။

ငါမင်းရဲ့ စိတ်လှုပ်ရှားမှုကြောင့် ရှေ့က စားပွဲပေါ်မှာ တီးခေါက်နေခဲ့တဲ့ လက်တွေကို သေချာ ကြည့်မိခဲ့တယ်။

ငါ အဲ့တုန်းက မင်းရဲ့ လက်ကို ဆုပ်ကိုင်ပြီး ဘာဖြစ်ကြောင်း မေးခဲ့ပေမဲ့ မင်းက ငါ့လက်တွေကနေ ဖြုတ်သွားပြီး အဆင်ပြေကြောင်း ပြောသေးတယ်။

ဒါပေမဲ့ မင်းရဲ့ မျက်လုံးတွေက သစ္စာဖောက်နေ ခဲ့တာကိုတော့ မင်း သတိမထားမိနိုင် ခဲ့ဘူးမလား။

အဆိုနဲ့ အက ပြီးသွားတဲ့အချိန် မင်းက ဖင်ယန်းမင်းသမီးကို အဆိုရှင်ရဲ့ နာမည်ကို မေးခဲ့တယ်။

အဲ့ဒီအချိန်က အချစ်ပုံပြင်တစ်ခုမှာ ကျန်ရှိနေသေးတဲ့ စကားလုံးရဲ့ သဝန်တိုခြင်း စကားလုံးကို ငါစတင် ခံစားမိတာပဲ။

ငါ အဆိုရှင်ကို သဝန်တိုတယ်။ မင်းရဲ့ အာရုံတွေ အကုန်လုံးကို ဖမ်းစားထားတာကို သဝန်တိုတယ်။ သူမရဲ့ ငယ်ရွယ်မှုတွေကို ငါမနာလိုမိတယ်။ သူမ မင်းကို စိတ်ကျေနပ်စေတဲ့ အရိပ်အငွေ့တွေ ငါ့မှာ မရှိလို့ ငါမနာလိုမိတယ်။ သူမရဲ့ နိမ့်ကျတဲ့ အခြေအနေတွေကို ရိုကျိုးစွာ တင်ပြနေတာတွေက မင်းအတွက် နှစ်သက်မှုတွေကို ယူဆောင်လာပေးနေတယ်ဆိုတာ ငါမြင်နေရတယ်။ မင်းက အဲ့လိုမျိုး မင်းရှေ့ ဒူးထောက်ပေးမဲ့ အမျိုးသမီးမျိုး လိုချင်နေခဲ့တာလား။

ငါကလည်း ကျွမ်းကျင်တဲ့ အကသမား တစ်ယောက် ဆိုတာကိုတော့ မင်း ဘယ်တော့မှ သိသွားမှာ မဟုတ်ခဲ့ဘူး။ ပြီးတော့ အဲ့တစ်ယောက်ထပ် အဆိုကောင်းတယ် ဆိုတာကိုရောပဲ။ ဒါပေမဲ့ သူမက မင်းရဲ့ အာရုံတွေကို ဖမ်းစားဖို့ ကတယ် ဆိုပေမဲ့ ငါက ငါ့အတွက်ပဲ ကတဲ့သူတစ်ယောက်။