Listen Before I Go [Hiatus]

1.0

Unicode~

နိုင်ငံရဲ့ တောင်ပိုင်းနဲ့မြောက်ပိုင်းက ရာသီဥတုလွန်စွာကွဲပြားခြားနားလှသည်။တောင်ပိုင်းက
လေးရာသီအေးခဲနေတက်ပြီး နွေဦးနဲ့နွေရာသီဟာ နာမည်မှည့်ခြင်းသာ ခံရပြီး၊ အများဆုံးမှ အအေးဓာတ်လျော့ရုံသာ ၊ နေရောင်အား ဘယ်သောအခါမှ မမြင်ရပါ။မြောက်ပိုင်းသည် အပြစ်သားများ နယ်နှင်ဒဏ်ပေးရာအရပ်ရှိပြီး အလွန်ပူပြင်းသည်။သို့သော် ရာသီဥတု အနည်းငယ်မျှတသည်ဟု ဆိုနိုင်ပေမဲ့၊ သူသည်လည်း ခြောက်သွေ့ကာပူပြင်းပြီး သီးနှံဖြစ်ထွန်းမှုနည်းပါးသည်။

ပြတင်းတစ်ဖက်ကတိုးဝင်လာတဲ့ နွေဦးရဲ့လေပြေက ကြမ်းတမ်းကာပူလောင်လှသည်။
မျက်စိတစ်ဆုံးမြင်နေရတဲ့ စျေးလမ်းမထက်မှာ
ရုံးကန်လှုပ်ရှားနေတဲ့ ပြည်သူပြည်သားတွေက
ပူလောင်မှုအား မငဲ့ကွက်နိုင်ပဲတစ်နေ့တာစားဝတ်နေရေးအား လုပ်ဆောင်နေရသည်။မြောက်ပိုင်းသည် နိုင်ငံရဲ့အစွန်အဖျားနယ်စပ်ကလေးဖြစ်ပြီး ဧကရာဇ်နှင့်လက်လှမ်းမမှီသောကြောင့်
ပြည်သူပြည်သားများက နွမ်းပါးကာ၊ပြည့်စုံခြင်းမရှိကြပေ။ပိုင်လင်မြို့ကလေးသည် နိုင်ငံရဲ့ တရားမမျှတမှုတို့ ကိန်းဝပ်နေသော နေရာတစ်ခုဖြစ်သည်။

နှစ်ရက်တာ နားခိုပြီးနောက်တွင် ပါလာသည့် အိတ်တစ်လုံးကိုလွယ်ကာ တည်းခိုခဲ့သည့်အိပ်
ဆောင်လေးအား ထားရစ်ခဲ့ကာ၊ ပိုင်လင်မြို့မှ
စတင်ထွက်ခွာရန်ပြင်ဆင်ရတော့သည်။သူ၏အနောက်သို့လိုက်ပါလာသော မြင်းနှစ်ကောင်နှင့်ရာထူးကြီးမည် ထင်ရသော လူနှစ်ယောက်သည် အကြောင်းထူးတစ်စုံတစ်ရာ
ကြောင့် ပြန်သွားခဲ့ကြသည်။မြို့တော်က လာ
သော ထိုလူကြီးမင်းသည် သူ့အားလွမ်းဆွတ်နေသောအကြည့်များဖြင့် အမြဲတစေ ကြည့်တက်သည်။

ထိုလူကြီးမင်းအား သူမသိပါ။သို့သော် ထိုလူအား မြင်ရယုံနှင့်ပင် သူ၏နှလုံးသားက
အတိုင်းအဆမရှိနာကျင်လို့လာခဲ့သည်။"ဂျွန်
မြောင်...မင်း ကိုယ့်လက်ထဲကဘယ်တော့မှ မလွတ်မြောက်နိုင်ပါဘူး" ဆိုသော ခိုင်မာသည့်
နောက်ဆုံးစကားချန်ရစ်ကာ သူ၏အနားမှထွက်ခွာသွာသော ထိုလူအား သူ၏မသိစိတ်ထဲတွင်
ပြန်လည်မစုံစည်းချင်တော့ပါ။