عالم مجهول

عالم مجهول 8

الفصل الثامن
عالم مجهول

مر اليوم ليأتي المساء،  دخلت ملك ترتدي فستان طويل أزرق  مثل الأميرات تضع ما يزين وجهها ، تدخل ببطئ ، خائفه متوتره ، تخبئ سماعه صغيره في أذنها لتحدث جاسر بها ليشعرها بالأمان
- خليكِ واثقه من نفسك حاولي علي قد ماتقدري متشربيش حاجة من حد ، انتِ دلوقتي جاسمن ، كمال جاي عليكِ ، متكتريش معه في الكلام مؤقت

وصل كمال إليها وهو يمد يده
- كنتِ فين كل ده وايه خلاكِ تحضري فرح سيف البحيري  

تحدث جاسر ببعض الكلمات لتردد خلفه
-  سيف البحيري راجل أعمال مهم وانت عارف أنا بحب الحفلات دي

=  بتعملي اي هنا
- قولتلك بحب أحضر الحفلات المهمة ، وانت بتعمل اي هنا
=  زيك برضه بحب أحضر الحفالات ، نرقص

هزت رأسها بتردد وهي تمد له يدها ، مر شخص بجوار جاسر تصادم به وسقط على ملابسة كوب من المشروب،  أنشغل جاسر به حتي تفجئ بصوت صراخ ملك ، لينتبه لاطلاق النار في كل مكان ، جذب كمال ملك
-  يلا نطلع من هنا بسرعه

جذبها بسرعه حتي سقطت تلك السماعه من أذنها ، يلحقها جاسر ولكن ذهبت السيارة من أمامة ليتصل بشخص ما
- أعرفلي بيت كمال فين بسرعة

بينما في سيارة كمال سألته ملك بخوف
-  هو أحنا رايحين فين

= مكان آمن
-  طب أنا مالي ضرب النار كان في الحفله انت بتاخدني أنا ليه

نظر لها بعدم فهم
-  هو انتِ مش فاكره ولا ايه

= فاكره ايه
= ان انتِ المقصودة في الحفلة 
- مش فاكرة حاجة، ممكن توصلني لبيتي أحسن

أنقطع حديثها باطلاق نار سريعاً وكان محيط بالسيارات من  بعض الناس ملثمين لا يظهر سوا أعينهم
في صباح اليوم الثاني ، أنهي أياد محاضرته وهم الجميع بالمغادرة
- ولاء أستني
وقفت مكانها لا تفهم بينما الجميع يقف أيضاً
- خير ياجماعه هتفضلو واقفين كتير
بخجل غادر الجميع ليسألها بصوت حاسم
- مين الشاب اللي كان معاكِ أمبارح

= ده ميخصكش
- معاكِ حق ، هو تليفونك فين
= نعمم ،  عايز اي من تليفوني
-  دقيقه أصل شحني خلص هحتاج دقيقه منك
=  اتفضل

طلب رقم هاتفه ثم أعطها الهاتف
- مش بيرد يلا مش مشكله ، تقدري تطلعي

= هو ده اللي حضرتك كنت عايزني فيه

غادر وتركها بدون أجابه ، خرجت خلفه بغضب لتجد الجميع في أنتظارها يسألون ماذا  يريد منها لتحاول ان تجيب في هدوا وثبات بانه فقط كان يريد يسألها عن عياده تكون للبيع ، فهم يعلمون ان أخيها  طبيب لذلك كان يريد ان يفهم ليس أكثر من ذلك
مر الوقت لتستيقظ ملك وتجد ذلك أمامها ينظر إليها أنتفضت بخوف
- أنا فين
ثم بدأت تتذكر ماحدث بالأمس ، عندما جذبها جاسر من سيارة كمال وضرب كمال ليفقد وعيه وقبل ان تنطق تلك المجنونة أسمه أمام الحرس ضربها علي رأسها لتفقد وعيها أيضاً ، وقفت بغضب
-  انت ازاي متقوليش انهم عايزين يقتلوني