والدى من اختار

الفصل الرابع

توقفت السيارات أمام أحد المولات الضخمه لينزل الجميع متجهين إليه سحبت نغم ريتال مبتعدين قليلا عن ندين وهاله ليدخلن أحد المحلات وتبدأ كل واحده فى تجربه ما تختاره وسط اعتراض من ندين على كل ما اخترته نغم وريتال  حتى فاض الكيل بنغم قائله : ندين محدش طلب رايك ياريت ملكيش دعوه بالى بنختاره
ندين بتعالى : مش كمان بنصحكوا بسراحه زوقكوا وحش جدا وخصوصا ريتال انا مش عارفه ايه لزمه إلى على رأسها دا وبعدين الفساتين إلى بتختاروها تخنق و مقفوله وموضتها قديمه كمان
نغم بضيق : وانتى مالك هو انت الى هتلبسى حشرا نفسك لى
ريتال وهى أيضا منزعجه : على فكرا انت ملكيش حق تدينا رايك مدام احنا مش طلبنا وملكيش دعوه بحجابى زى ما انا مش اعترضت على لبسك ملكيش حق تعترضى على لبسى
ندين وهى تشير على نفسها بتعالى : انتوا تطولوا دا انا إلى غلطانه اصلا انى بنصحكوا      يلا يا طنط علشان نروح نشترى الفستان بتاعى     
ذهبت هاله وندين إلى محل آخر خاص بفساتين السهرات تاركين ريتال ونغم معا نغم وهى تتنهد براحه : يا ساتر الحمد لله اهى غارت والله شويه كمان وكنت هجبها من شعرها
ريتال مؤيده : والله معاكى حق دى قليلت زوق وشيفه نفسها بزياده
نغم : والله انا مش عارفه اعمل ايه معاها لزقه اعوذو بالله لولا أنها بنت عمتى كنت طردتها من زمان
ريتال بهدوء : خلاص بقى سيبك منها تعالى شوفى هتجيبى اى
لتبدأ نغم فى شراء ما تريد واكتفت ريتال بفستانين محتشمين لها بينما فى الجهه الاخرى كانت هاله قد تعبت من اعتراض ندين على كل شيء وعدم تقبلها لرأى أحد وتنقلها بين المحلات مع صوت صراخها فى الجميع لتنتهى اخيرا مستقره على أحد فساتين السهره الطويله الذى كشف عن كامل ظهرها و عن إحدى ساقيها بسبب فتحته الجانبيه وكشف أيضا عن زراعيها وصدرها من الامام وبعد انتهاء جوله التسوق جلسن على أحد المقاهي الموجوده في المول وهن متعبات من الف وكثرت المش خاصه هاله التى قالت : كدا يا نغم دا الى مش هنمشى كتير
نغم وهى منهكه : معلش يا لولا خليها عليكى وبعدين انا ما صدقت ابيه وافق
هاله : اه يانى يا رجلى كنت جيتى انت وريتال وخلاص
ندين متداخله : لو كنتى قولتيلى كنت خلته يوافق علطول ما انت عارفه دومى مبيحبش يزعلنى
نغم : وانبى ما حد طلب رايك
ندين بضيق من نغم : فى اى يا نغم وقفالى على الكلمه لى دا انا حتى بنت عمتك وميصحش كدا
نغم باستفزاز : ايوا معلش نسيت الكبير له احترامه برضوا
ندين وهى تشيط غضبا : شوفتى يا طنط قله ذوقها
هاله : عيب كدا يا نغم
نغم : على فكره هى الى فرضت نفسها انا مكنتش عيزاها تيجى معانا
هاله : لى يا نغم دى زى اختك وبنت عمتك وميصحش إلى انتى بتعمليه دا
ندين بتعالى : وكمان هبقى .............
ليقطع حديثها صوت هاتف ريتال الذي أعلن هو الآخر عن عدم رغبته فى الاستماع اليها    نهضت ريتال مستأذنه للاجابه وابتعدت عنهن قليلا لتتافف ندين فقد أرادت أن تاكد انها خطيبه ادم حتى لا تدع الفرصه لريتال أو تترك لها مجالا للتفكير فيه انا ريتال فأجابت قائله : الو ازيك يا جزمه بقى دا الى مش هسيبك ولا لحظه
ديما وهى تضحك : ما انا كل ماجى اكلمك ماما تقلى عيب دى لسه متجوزه سيبيها مع جوزها
ريتال بابتسامه باهته : معلش هى برضوا متعرفش حاجه
ديما : ولا يهمك ها قوليلى اى الاخبار
ريتال : والله يا بنتى عادى مفيش اى حاجه مهمه
ديما : ازاى يعنى طب اهلوا اى
ريتال وهى تنظر باتجاههم : والله ناس طيبين جدا دى حتى اختوا عسل هبقى اعرفك عليها و مامتو كمان طيبه جدا
ديما : طب وهوا
ريتال : والله مش عارفه احنا اصلا مش اتكلمنا هوا بيصحى يروح الشركه و مش بشوفه غير فى على السفره بس وبعدها بيقعد فى مكتبوا
ديما : يعنى متكلمتوش خالص
ريتال : لا
ديما : صح هو اسمو اى
ريتال : ادم الهوارى
ديما : طب شكله
ريتال بصوت هادئ : حلو
ديما : بس
ريتال : هوا اى إلى بس
ديما : يعنى حلو بس    طب لون عينى   طويل ولا قصير    ملامحه عمله ازاى   اى حاجه
ريتال : ماعرفش وبعدين اى الاسئله البيخه دى
ديما : وربنا عارفه انك هبله      بت انا هجيلك نتكلم واتعرف على أخته إلى هى اسمها اى صحيح
ريتال : اسمها نغم ياختى و مامتو اسمها هاله
ديما : اسمها حلو قوليلى بقى اجيلك امتى
ريتال : مش عارفه هقول لطنط هاله واكلمك
ديما : خلاص ماشي بس بسرعه الصراحه انا هموت واشوفه حسه انى عيشه فى روايه من الى بنقراهم
ريتال : طبعا يا ختى ما انت ولا على بالك
ديما وهى تضحك : اه ما انا واخده دور صديقه البطله الصل البطله هى الى علطول بتتمرمط
ريتال : ماشى بتتريقى طب لما اشوفك    يلا انا هقفل علشان مش فى البيت
ديما : اى لى انت فين ومع مين اعترفى اوعى تكونى خرجه من غير اون ولا نويه تهربى أو بتخونيه
ريتال باستهزاء : والله بخونه     بت اقفلى لحسن اموتك
ديما بفضول : طب انت مع مين
ريتال : مع اختو ومامتو فى المول ياختى ارتحتى
ديما : اه ياعم مولات وحركات
ريتال بنفاذ صبر : ديما اقفلى لحسن والله هقفل فى وشك
ديما : خلاص يا ستى متزقيش هقفل اهو يلا سلام ومتنسيش تقوللهم انى عايزه ازورك
ريتال : حاضر من عينى انا كمان عايزه اشوفك والله
ديما : ماشى يا قلبى يلا سلام
ريتال : سلام
أغلقت الهاتف واتجهت إليهم لتسالها نغم : مين يا رورو
ريتال وهى تجلس : دى ديما صحبتى بتطمن عليا
هاله : طب يلا يا بنات نروح علشان انا مش هقدر اروح فى حته تانى
نغم باعتراض : بس احنا اتفقنا نروح النادى ونخرج شويه
هاله : مره تانيه ابقى تعالى انت وريتال انا مش هقدر
ريتال : خلاص يا نغم يوم تانى بقى لسه الأيام جايه كتير
ندين : لى هوا انت نويه تقعدى قد اى
تفاجأ الجميع من سؤالها واغطاظت نغم لتقول : وانت مالك هى قعده عندكوا تقعد برحتها محدش معترض
ندين ببعض الحرج : انا بسال بس
نغم : طيب اديكى عرفتى يا ريت متساليش تانى يلا يا جماعه نروح انا مبقتش عايزه اخرج
نهضن جميعا متجهات الى السياره ليعودوا إلى الفيلا بعد أن انهكن من التسوق