"မင်းနဲ့ငါနဲ့ပြတ်ပြီ။"
"ကိုကို အဲလိုမပြောပါနဲ့ မပြတ်ပါဘူး နောင်တောင်းပန်ပါတယ်"
"သွား မင်းပါးစပ်က ကိုကိုလို့ခေါ်တာ ငါမကြားချင်ဘူး ရွံတယ် ငွေအတွက်နဲ့ငါ့အပေါ်အဲလိုလုပ်လိမ့်မယ်လို့ ငါလုံးဝမထင်ထားဘူး"
"မဟုတ်ပါဘူးကိုကိုရယ် နောင်ရှင်းပြပါရစေ ကိုကိုထင်နေသလိုနောင်......"
"မင်းပါးစပ်ကိုပိတ်ထား ဘာမှလာရှင်းပြမနေနဲ့ ငါ့မှာ သက်သေတွေပါရှိတယ် ခွန်းဆင့်နောင်!"
"မဟုတ်ဘူးကိုကို နောင်တောင်းပန်ပါတယ် နောင့်ကိုရှင်းပြခွင့်လေးတော့ပေးပါ"
ဟုဆိုရင်း နောင် ဒူးထောက်ကာ ကိုကိုခြေထောက်ကိုဖက်လိုက်သည်။
"ဖယ်စမ်းပါ အခုမှ ဘာမှလာရှင်းပြမနေနဲ့ သွား မင်းအသားနဲ့ငါ့ကိုလာမထိနဲ့ ငါ့ကိုပိုက်ဆံကြောင့်လိမ်ညာခဲ့တဲ့ မင်းကိုရွံတယ် ထွက်သွား"
လို့ပြောရင်း ကိုကိုကနောင်ကိုကန်ထုတ်လိုက်လေသည်။နောင်လည်းဘာလုပ်ရမှန်းမသိပဲပုံရပ်သားလေးနဲ့ကြမ်းပြင်ပေါ်တွင်ငိုနေမိသည်။
"ထွက်သွားလို့ပြောနေတာမကြားဘူးလား။ မင်းငါ့အိမ်မှာရှိနေတာ အိမ်ညစ်ပတ်တယ်။အခုချက်ချင်းငါ့အိမ်ထဲကထွက်သွား"
ဟုပြောရင်း ကိုကိုကနောင်ကိုခြံဝထိဆွဲခေါ်ကာပစ်ချသွားခဲ့သည်။နောင်လည်းခြံဝတွင်ထိုင်ကာငိုနေမိတော့သည်။ငိုရင်းနဲ့အသက်ရှုပင်မဝတော့ပေ။ထိုအချိန်တွင်
"နောင် နောင် ထတော့ ဘာဖြစ်တာလဲ နောင်လေး ဘာလို့ငိုနေတာလဲ နောင်လေး"
ဟူသောကိုကို့အသံကြောင့်နောင် နိုးလာတော့သည်။နောင်နိုးနိုးချင်း ကိုကို့ကိုပြေးဖက်ခါ
"ကိုကို နောင့်ကိုထားမသွားပါနဲ့နော်။နောင်ကကိုကို့ကိုတကယ်ချစ်တာပါ။ရင်ထဲအသည်းထဲကကိုတကယ်ချစ်တာပါ။နောင့်ကိုယုံပါနော်။နောင့်ကို.....နောင့်ကို ထားမသွားပါနဲ့နော် အီးဟီးးးးး"
"နောင်လေး ဘာတွေပြောနေတာလဲ ကိုကိုကနောင်လေးကို အဲလောက်ချစ်တာ ဘာလို့ထားသွားရမှာလဲ။ အိမ်မက်ဆိုးတွေမက်နေတာလား ကလေးလေး"
YOU ARE READING
နောင်(Naung)
Romanceစည်းကမ်းတင်းကျပ်တဲ့ကိုကိုနဲ့ပေါက်ကရလုပ်တတ်တဲ့ရှက်တိရှက်ပြာနောင်လေးတို့အကြောင်းရေးမှာပါနော်။ပထမဆုံးမို့လို့ အမှားပါရင်ခွေးလွှတ်ပါနော်😁
