جنون العشق ✍️💌

بارت2

ورجعنالكم يحلوين شخباركم اليوم أن شاء الله بخير راح نكمل الروايه أتمنى تعجبكم تقصرون ،،

يلا نبدي ..

مريم:بعد ما رجعنا من المدرسه وصلت للبيت كبل بدلت ونمت وكعدت على صياح جهال وصياح عبالي فد شي طلعوا عمامي جايين يمنه سبحت ونزلت سلمت وبقينا نسولف اني وبنت عمي..

هلاو اني نور بنت عم مريم عمري 17طالبه اعدادي أهلي عايشين الحمد لله عندي اخوان3 علي ومنتظر ومحمد كلهم متزجين طبعا اني ومريم علاقتنه زينه ونحب نسولف لبعض وو..المهم ،،

نور:أكلج مريم مدرستنه تسوي سفرة للتنزه أماكن حلوه وكل شي بس اهلي ميقبلون اروح شلون اقنعهم ،،ماعندج حل

مريم:والله ما اعرف اكلج اذا ميقبلون عادي لتروحين نخلي احمد اخوي يطلعنه بس اني وياج واحسن امان علينه اذا احمد ويانه..

نور:ولج لا طلعه ويه البنات طلعه تخبل..

مريم:والله مدري زين اكلج اني راح أحاول اقنعهم تروحين ،،

نور:يي بعد عمري ..

مريم:اكلك عمو أريدك بشغله بس مو تردني حباب ..

أبو نور:كولي عمي ..

مريم:عمو اكو سفرة هسه للمدارس بس طالبات والمديرة والمدرسات خلي نور تروح خطيه البنات يرحون ويتونسون وهيه تتحسر عمو خلي تروح ما بيه شي المدرسات موجودات وأني اروح وياها خلي نروح نتونس شويه والله عمو بالبيت ضوجه،،

أبو نور:لا عمي يصير خطف شي الناس شتكول عايف بنته بالشوارع،،

مريم :سالفه عمو اصلا لسان الناس ما يرحم حتى الحيوان هم يحجون علي ،،كووه قنعت اهل نور واهلي كوه قنعتهم لان يخافون علينه،،رحت يم نور

نور:ها بشري عليه العباس الي تجذب عليه احجي شكالو..

مريم:والعباس كوه قنعتهم طلعت مصاريني وأني اتوسل بيهم كله من وراج،،

نور:يمه بعد عمري فدوه الج هديه بعد شويه تخبل ،،

مريم:بس ابوج كال اني اروح وياج 😒،،

نور:يلا هلا هلا تعاي كولي لاحمد خلي يوصلني اجيب ملابس ومكياج حتى نرتب،

مريم:اهوو أمري لله رايحه،،احمد احممممد ولك احمد

احمد:ها يا ستار شبيج تصيحين ،،

مريم:تعال وصل نور لبيتهم خلي تجيب غراض اله،،

احمد:شنو من غراض بله،،

مريم:سوالف بنات شكو مدخل روحك يلا يلا كوم وصله وانتضره ترجع وياك

احمد:فلك مو لسان بيكيسي،،يلا خلي تجي تره اروح وخليه..

مريم:نوور يلا بسرعه احمد بالباب..

نور: يلا جيت دقيقه..

احمد:وصلت نور تجيب غراضه طلعت جايبه جنطه اكبر من حياتي كلت يمه هاي شبيه مفخخه ،،

نور:جبت الغراض ورجعنه للبيت لكيت نور مبدله ملابس طلعه كلت اله وين رايحه ولج،،

مريم:بدلت ملابس طلعه حتى نروح للمول نجيب ملابس ومكياج نور بدلي ملابس طلعه بسرعه نروح للمول ،،

نور:هلا هلا ولج انتي شنو احبج الوصخه،،

مريم:ايااا حمارة ما روحين ولي،،

نور:لا جذب اشاقه شبيج متتابعين..

مريم:يلا روحي بدلي بسرعه وتعالي أخلي الج مكياج شويه..

نور:صعدت طايرة بدلت ونزلت،،

مريم:تعاي أم خشم احطلج مكياج،،

نور:ما اكدر اغلط عليج لأن خوش بنيه سويتي إنجاز اليوم ..شكرا

مريم: غصبا علييج..

نور:يلا يلا حطي اريدج تطلعيني قمر،،

مريم:شفتيلج قرد صار قمر ،،طبعا هاي السوالف وأني اخليله مكياج😆
كملنه واحمد وصلنه للمول ورجع عالبيت،،

نور: تعالي نشتري المكياج وبعدين الملابس..

مريم:يلا ماشي دخلنه للمحل اشترينه مكياج وعطورات وماسكات وجه وأصابع اضافر وحلويات،،و رجعنه للبيت

نور:اني بقيت يم بيت عمي تونسنه حيل اني ومريم بالليل سهر وسوالف وضحك ومنتظرين الخميس حتى نطلع منتضرينه على نار،،

مريم:صار يوم الخميس الطلعه1ونص كعدت ب10ونص نوور نور متكعد نومه ثكيل كلت أضحك عليه شويه وصحت نور ولج نووور المدسه كله راحت ولكنه بقينه ولج ما رحنه،،

نورر:يمه أحلفي يااا واصيح يمه امده حضي الفكر وبجيت،،

مريم: هههههه وجج جذب كعدتج متكعدين كلت اضحك عليج الساعه10ونص بعد كوت،،

نور:امداج يا خايسه وكفتي كلبي،،

مريم::هههه يلا كومي،، اني راح أسبح وانتي نزلي تريكي،،

نور:لا كملي انتضرج عيب انزل وحدي،،

مريم:يي بت الاوادم شنو زوجج اني حتى تنزلين اله وياي،،يلا راح اسبح ابقي منتضرتني شويه، ،

نور:يلا خوش بس بسرعه ،،

مريم:سبحت وكملت ونزلنه تريكنه ونضفنه الاستقبال والحديقة رتبناها نرتب ونسولف ونضحك..

ام مريم:عفيه بالبنيات ..

مريم:يمه مو تنسين ترة اليوم عنده طلعه وعلي اذا غيرتو رأيكم نور تنتقم منكم،،

نور:يا فلك طرج اليسمعج يكول 24ساعه اكتل بالعالم..

مريم:ههه اشاقه شبيج يا مطيه..

ام مريم :لا شعندي وياجن اني ما تونست من جنت بعمرجن تونسن خطيه هذا الجيل أكثرهم الاهل يحرموهم من الطلعه..

مريم:الحمد لله من مثل هيج ناس انتو ☺..

يتببع💌

يلا حبايب كلبي تفاعلو شويه حتى أكتب القصه كامله بأي 💖💌