جنون العشق ✍️💌

بارت5

هلاااو يلا نكمل..

نبدي،،

مريم:بعد فترة صارت الاربعينيه قرايه زلم ونسوان وبالليل رحنه للنجف وصلنه دخلنه نزور صار الصبح وطلعنه للمقبرة وتعرفون بعد كلمن راح لموتاه اني بقيت كاعده يم قبر امي وابجي واصرخ دخلنه ب6ونص للمقبرة وطلعنه ب10 رحنه المطعم ناس اكلت وكملوا رجعنه عالبصره وجنت دايخه حيل لان بدون اكل وبس بجي ..

زينب:مثل  متعرفون توفت ام مريم الله يرحمها ورحنه نواسيها جانت حيل ذبلانه اني بقيت اتواصل ويه السايق الي اخذنه تتذكرون الي اسمه كرار جان حباب ويسأل عن كل شي ..بالليل نصعد اتصال..وكتله على وفاة ام مريم ..

كرار:صارت فترة بقينه نتواصل اني وهاي البنيه زينب جنت دوم اسأله على مريم وشنوو وضعه قبل فترة كالتلي انو أمه توفت خطيه حيل انقهرت عليه..صراحه تعجبت بالبيت بس بدون متدري خايف من شي واحد خايف تطلع تحب شخص او شي واخسره اني قبل جنت 24ساعه دايح ويه البنات وعندي شقه اجيب بيه بنات وشرب بس بعدين صجيت على نفسي وبطلت..

مريم:رجعنه عالبيت وناس راحت لبيوتهم وناس بقت فرشت الهم حتى يرتاحون والكل ناموا بقيت اني رحت نضفت البيت ونضفت الحديقه يلا صعدت سبحت وغسلت ملابسي وتمددت تذكرت وفاة اني بقيت ابجي ابجي لحد ما نمت..

احمد: رجعنه من النجف وكله نامت وتعب حيل وجانت فترة حزن وقهر مريم نضفت اني صعدت سبحت ونمت كعدت العصر مريم نايمه رحت اكعده..مريم مريم يلا كعدي عدنه ناس ..

مريم:يلا كمت.. غسلت ونزلت خليت مي وسويت جاي واحمد ياخذهم وجان بابا تعبان حيل وكوه يحجي ..ورجعنه نداوم

بعد مرور7اشهر..

كرار :بقينه كول الفترة نتواصل اني وزينب وصارت صديقتي حبابه بس من تحجيلي عن وضع مريم كلش انقهر ..

زينب:اكلك كرار ليش تسأل عن مريم اسالتك كثرانه..

كرار:والله انتي اخيتي بعد ما عندي صبر اني معجب بيه بس بدون متدري ولا حاجي وياها والله بس أريده منج اخوج اني..

زينب:هلو هلو ها ولك ليش ما تحجي من زمان تضم عليه روح بعد مزاعلتك ..

كرار:ولج والله جنت خايف تطلع مخطوبه او تحب..

زينب:يااا ولك هاي من كتله اتواصل وياك رادت تكتلني..

كرار:ههه وين شلون اريد أشوفه..

زينب:عندي فكرة انت مو تندل مدرستنه ..

كرار:يي اندله بس دخل المدرسه بالنص ..

زينب:ولك اوكف بالسياره بعيد شويه وضل امشي ورانه وشوفه واني راح اسوي حجه حتى تشوفه..

كرار:ييي والله شكرا ولج ام خشم والله انتي احسن صديقه..

زينب:غصبا عليك ولك..