جنون العشق ✍️💌

بارت21

مريم:بعد ما نمنه وكعدنه بالليل سويت عشه ومرت عمي أخذها احمد لبيتهم..ونفس كل يوم نفس الروتين وذيج الفتره كله امتحانات وعطلت المدارس بعد..

بعد مرور4 ايام..

احمد:مريم مريم كعدي ولج مريم البت خابرت عليه أمها دكول خلي يجون ويصير خير..

مريم:يا هيه ..

احمد:شبيج كعدي صحصحي ..وخابري هسه على النسوان وروحن وره الغدة..كوميي..

مريم:اهووو كمت كمت..روح جيب مسواك وروح للمحل جيب اندومي وحلويات يلا تره ما اخطبلك..

احمد:ههه والله يالله دمشي هسه ..

مريم:غسلت ونزلت نضفت البيت واحمد تسوك وتعرفون لازم نتعارك عاديه..
سويت غده علما يكمل الغده غسلت الحديقة ونضفت الديوان وصعدت لغرفتي وغرفت احمد نضفتهن وغسلت ملابسي وملابس احمد وابوي..
نزلت غسلت الفراشات وخلص الغده صبيت واتغدينه وابوي طلع واحمد بالبيت بقه حتى يوصلنه ..

احمد:مريم تره الساعه ب2 ونص روحي بدلي علما نروح صارت ب4..

مريم:يلا خوش راح اخابر عليهن حتى يجهزن..

احمد:خوش يلا بسرعه..

مريم:والله ما راح يشردون..شفيك..

احمد:بلا لعيي يلاا..

مريم:ترة وعلي اجي امدك مد..

احمد:ههه دروحي بوية..

مريم:اكلك انت خابر مرت عمي اني راح أسبح وابدل ما الحك..بعد ما اتفقنه ورحنه واتفقوا ووافقوا وكلش فرحته من فرحتي هلهلت قبل كلشي وأب العروس..اخذنه تكسي ورجعنه للبيت جانو عمامي والكل موجود ابيتنه ودخلت للبيت اهلهل وكلها كمزت حمودي..ولك حمييد.

احمد:هلاا احجي شصار احجي..

مريم:متشوف اهلهل يعني اذا ما وافقوا اهلهل..

احمد:يعني وافقوا ..

مريم:ولك آيي..الكل فرح واني فرحتي ما تنوصف وكعدنه نسولف ونتفق ..

أبو مريم:انه اكول المهر 15 حاضر و10 غايب..والغرفه علينه والذهب هم والباقي هم يسووه..

الكل:هاا خير أن شاء الله..

مريم:تحضيرات الزوج عوفوها ع صفحة فكرة بحفلة الخطوبة ..

احمد:ايي صدك والله خلي احجيلكم عن تحضيرات الخطوبة الحفلة تبدي ساعه ب3 الضهر الاكل يوصل الهم قبل ال 3 النسوان عدنه كلهن يرحن جبيره وصغيرة الذهب باجر تروح مريم وايناس الهم يأخذون البت ويشترولها.. حلقات الخطوبة عليه اني اجيبهن..فستان الخطوبة تاخذن فلوس للبت هي تشتري ترحن منا ماكو دك وركص وتخبصنه من توصلن للبيت عود شتردن سون حجيي مفهووم..

الكل:خوووش حجي ..

أبو مريم:شوفي بوية مريم تنبهين اي مره تمشي وياجن ماكو دك وركص ترحن للبت عود هناك بكيفجن..والاشوفها لابس لبس سفرتحي.. (ما مستور)..

الكل :لا اكيد ويصير خير..

مريم:بس عندي حجايه اريد احجي صار ساعه خذيتونه حاصل فاصل..

احمد:ههههه بلا احجي..

مريم:الصالون شلون..

احمد:مو حجيت كلت اللبس والمكياج انطيهم فلوس هم يسوون الي يردونه..

مريم:واني هم اريد اروح للصالون فد 150 الف لو 200..☺☺

احمد:ها بوية شني انتي معرسة..

أبو مريم:نكول خوش شوفوا الأسبوع اليجي الحفل فهمتوا..

احمد:خووش..نروح ونتفق وأن شاء الله خير..

كرار:مرت الايام عادية نفس كل يوم ومريم ما اشوفها لأن مدرسة معطلة ومشتاقلها كان بالليل اروح اشوفها..صار ليل وبدلت ورحت ..

مريم:احمد بالليل طلع للزيارة وابوي نام واني انضف خلصت طلعت برة اغسل الحديقة والحمام بديت اغسل وكملت صعدت سبحت وبدلت وأخذت جهازي ونزلت برة الجو حلو ..أكلب بالجهاز وصافنه والهدوء يالله الدودة من تمشي اسمع حسها من الهدوء..وضووجة رحت سويت اندومي وطلعت اكل ..

كرار:شغلت اغاني وطاير بالشارع اخذت اكل لمريتي وصلت لشارعهم كفيت الأغاني..نزلت دكيت الباب دكه مو قوية..

مريم:يماا بسم الله منوو والخوف يقرأ الف..

كرار:انيي..

مريم:أعوذ بالله منو انت يماا ..

كرار:بوية شبيج فتحي الباب لا اطفر من الحايط..

مريم:كمزت كمزه عرفت هذا كرار غسل شكد مكروه شتريد خير جاي بتالي الليل..

كرار:خووش خلي اطفر أحسن طفرت من السياج واشوفها من فرك تبسبس يمكن تحجي علي مدري شنو بس تموت ضحك نزلت بهدوء..ها مريتي شلونج خايبة مشتاقلج..

مريم:يمااا منين اجيت انت..

كرار:من بيتنه..

مريم:ارجع لبيتكم لا وعلي اكعد أبوي اخلي بدفره يرجعك لبيتكم..

كرار:صفنت على وجها انوب لابسه لبس نوم مدري شسمه صفنت على الجسم والجكاره بحلكي..

مريم:هيي شبيك تباوع امشي يلا شكو جايي..

كرار:جعل محد غيرج يلبس هيج..

مريم:خاب شو ولي مالي خلكك..

كرار:اروح بشرط اريد منوم عدكم خوش منوم منين تجيبوه..

مريم:دروح شتريد مني روح توكل..

كرار:رايح بس راح اسوي شي اله أكسر خشمج بسيطه..

مريم:درووح اليسمعك يكول يطبك خمس زلم سوه..

كرار :راجلعلج وصدكي خشمج اليابس يتكسر..

مريم:سديت الباب بوجها وصعدت نمت ..وشلون شمرتله كم كلمه خطية  ضاج..

كرار:ضجت واحترك دمي كبل طلعت خاف اسويله شي وبعدين أبوها موجود وخليت شي بعقلي راح يكسر خشمها وراسها..

يتبعع..

تفاعلوا البارت الوراه راح تصير أشياء حلوة ..

💗🏃