Ang pag-ibig na ninanais
Walang galit o hinagpis.
Tila isang bungang matamis,
Na sa puno'y nakabigkis.
Pag-ibig nga'y sadyang bulag -
Matapang at hindi duwag.
Hahamakin ang magdamag,
Mapaibig lang ang dilag.
Pag-ibig ay mapaghangad -
Ito'y tapat at 'di huwad.
Ngunit ito'y mapang-angkin,
Kapahamaka'y susuungin.
Kaya't kung ika'y iibig din,
Maghanda't ika'y susuong rin;
Kahit pader gigibain -
Masunod lang ang hangarin.
BINABASA MO ANG
Higugma
Poetry"Kung ang mga puso ay magtitinta - pag-ibig ang ipipinta." Mga Tula ng Inibig, Umibig, at Umiibig
