طبتم وطابت اوقاتكم بكل خير
فاطمة العامري✍️
فتحت عيني الصبح على وجهه بتسمت وذكرت موقف البارحه من جنت اتخيله
وهو هسه كبالي شي غريب راح يصير جزء من حياتي أصبح بوجهه يوميه
نايم اباوع عليه بتركيز اول مره اركز بملامحه على راحتي بدون خوف وخجل وتقيد
هو ابيض بس من الشمس صاير برونز اشوف لحيته محدد وشوربه نازله منا ومنا جنه ضابط مخابرات😅
وبيهن شكار خفيف على الاطراف
حواجبه ذبت عيونه وجه حته هو نايم يوحي بالغضب والخشونه
مديت ايدي على كيف اريد المس شعره قربت ايدي وخرته خفت ليكعد
كمت رحت للحمام غسلت وبدلت
فتحت البرده اريد افتح باب البلكونه اشم هوه جان اسمع صوته
وييييين
لتفتت كتله
صباح الخير
صباح الخير وين طالعه هيج
لا بس افتحه
ماشي ديري بالج طلعين
ماشي
كام طب للحمام عدلت الغرفه رتبتهه حضرت ملابسه
طلع مبتسم ينشف شعره ويباوع عليه واني اتحرك بالغرفه ارتبه
بدل ملابس واني دايره وجهه اشغل روحي كوه
كمل تبديل راح للكنتور الي خال ملابسه وجنطته مادري شطلع صاحلي
دنيت يمه وخجلانه لزم ايدي ولبسني محبس بي شذره وهم جبير عليه شويه هههه
وكال هذا صبحتج الف مبروك مرتي وام بيتي
وحبيبتي
بتسمت وكتله
شكرا الله يبرك بيك وفر بالمحبس
بأس راسي وكال اتصل يجبون الريوك
اذا تريد ننزل
وين ننزل بخزره
ها لا بكيفك
صدك تردين تكعدين بالمطعم تاكلين كدام الناس
بكيفك جيبه للغرفه
اتصل وره شويه جابو الفطور
كعدنه اكلنه جان خالين ويه الريوك جاي ابو الجيس كال هذا هم اسمه جاي رجع اتصل بيهم كلهم ماعدكم غير هذا الجاي
نريد جاي تخدير كالوا ماعدنه
كملنه ريوك وكمت الملم اتصلوا الاستعلامات على الغرفه كالوا عدكم ضيوف
كال راح انزل اشوف منو
طلع و قفل الباب ورى من طلع اني بدلت لبست فستان على الجسم اوف وايت كصير للركبه وعليه صايه شيفون نفس اللون والطول ورتبت شعري وخليت مكياج وعطر وجان اسمع صوت فتح قفل الغرفه طبت امي وهو وراهه ركضت و سلمت عليه كال
اخذوا راحتكم شويه واجي
جان امي تكلي
شلونج يمه
وعيونه تترقى بخوف بشري
بتسمت ودنكت الحمد لله كلشي تمام
وين النيشان رويتهه ضحكت كالت خو ما تاذيتي
لا يمه اصلن كلش حباب فرحت ونفتحت عيونه واني اسولفلهه
أنت تقرأ
عنفوانك وقلبي💔
General Fictionتسلطك عنفوانك جبروتك تمنعك ان تشعر بي وتبعدك عني اكثر اروجك كن لي دواء لانك مرضي كن لي وطن فأنته امني كن لي طبيبي لانك جرحتني كن لي صديق لانك صادق وصريح حد التجريح كن لي سند لاني بغيرك اضيع 💔💔
