تسلطك عنفوانك جبروتك تمنعك ان تشعر بي وتبعدك عني اكثر
اروجك كن لي دواء لانك مرضي كن لي وطن فأنته امني كن لي طبيبي لانك جرحتني كن لي صديق لانك صادق وصريح حد التجريح كن لي سند لاني بغيرك اضيع 💔💔
بديت احضر لمتوسطه وفرحانه بملابسي صداري وقمصان واعتني بنفسي واهتم بروحي بده الدوام والمدرسه جان مسافه عن بيتنه ابعد من الابتدائيه فاليوم جنت فرحانه ومتعجبه المدرسه جبيره وطابقين والبنات كبار وكل مجموعه وحد ويسولفن ويضحكون ويتمشون ماكو ركض بالساحه واني بس افتر ماخليت بالمدرسه مكان يعتب عليه 😁 فبده الدوام وقسمونه كعدت اول رحله من جهت الحايط كعدت يمي بنيه حبوبه اسمه نبأ صرنه صديقات جانت كلش مرحه وتنكت وعفويه وبريئ وتصرفاته طفوليه وادائمآ تضحك كضينه اليوم كله شوغل وسوالف ولعب وطونه نص الكتب وثاني يوم نفس الشي وبدينه نتعرف عله بنات الصف اكثر
ومن خلال الطريق اروح وارجع للمدرسه تعرفت على بنيه يم بيتنه تقرييبا ونفس الصف فكمت يوميه نروح ونرجع سوه للمدرسه اسمه الاء وجانت صديقة الا انعام فصرنه صديقات والفرص كله نجمع سوه سوالف ولعب وضحك جان اكو بنيه حلوه تكعد بالرحله الثالث بالسره الوصط بس ماعده صديقه وساكته فكعدت يمه وضلينه نسولف وتعرفت عليه وكتله تعالي ويانه كالت لا عله راحتكم
خلال الأيام صارت اكو شغله جذبت انتباهي يوميه من نطلع نشوف اكو تلث ولد هم يرحون للدوام شايلين كتب مبينين اعداديه او هيج شي ومن نرجع هم نشوفهم يرجعون نفس الطريق يعني همه بيتهم قريب على مدرستنه ومدرستهم من جهت بيتنه فمرات الاكيهم بدايه الطريق مرات بنص مرات قريب على المدرسه فالولد ثنين عادين واحد اوووف يخبل من اشوفه لا اراديأ ابقه صافنه عليه وماشيل عيني عنه إلى ان يعيبرنه بعدين انتبه لنفسي عزززه اني شلون ماأدنك ابوع هيج للولد بس ماشاءالله شكد وسيم واكيد بنظر الناس هم طويل عيونه جوزي على رصاصي وضحات يلمعن حنطوي على ابيض شعره ليوره حلاقته مرتبه يطلع عمره 17 18 ماعرف مرت الايام واني كمت اطلع وعيني عالطريق واشوفه من اشوفهه من بعيد يمشون اتوتر واحول ادنك بس كلسا انسه روحي واضل عيني بعينه اخخ شلون نظرات ماانساهه ابد فسالت الاء وكتله
اكلج الاء شفتي هذا الولد ياولد هذا الي هسه فات منا هو واصدقاء كالت مادري مانتبهت شبي بكلبي لعد ليش اني منتبهه شكد عيب شبي الولد كتله لا هج بس يوميه اشوفه من يمر هو وأصدقاءه الاء اي عادي شنريد منهم هوايه طلاب وناس تمر ولج ماشاء الله شكد حلو ومرتب الاء ولج تباوعين عليه خجلت لا بس هو يجذب النظر من باجر اشوفه يله امشي راح يدك الجرس
بالمدرسه صرنه كروب اني ونبأ والاء وانعام شفت البنيه الحلوه رحت كعدت يمه كتله تعالي يمنه ليش وحدج كالت لا عادي بس صديقاتي صارن بغير صف كتله احنه صديقاتج الجدد تعرفتةعله اسمه جان اسمه زهراء حلوه وهادئ وحبابه فجر الحجي وأخذته ويانه وصرنه كروب خمس بنات ضحك وشقه ومرت الايام واني يوم عن يوم لازم اشوف هذا الولد طلعنه من المدرسه احنه المجموعه وكلمن تروح من جهه بس بيت زهراء جان بنفس شارع المدرسه واشرتلي عليه كالت ذاك بيتنه لنهايته الفرع فمن نطلع رأسنا تسلم علينه وتروح ونبقه احنه الاربعه نمشي ونص الطريق ثنين يرحن على جهت بيتهن ونبقه اني والاء نمشي اخر الحي فيوم من الايام واحنه طالعين اربعتنه من المدرسه يعني الضهر وكت طلعه والمدارس وكت حله بتدائيه يمنه والشارع يصير كلهه طلبه اصغار وكبار وحلت مدرسه البنات من بعيد شفنه الولد من بعيد يمشون اني كمت اضرب بالاء اجه اجه الاء تضحك وأيده على حلكه ولج شبيج ثكلي واني كلبي يبدي يدك بسرعه والنظرات الثاقبه الي تاخذ كلبي ويا فهو يسولف ويضحك ويه أصدقاء ويمشي عادي بس احس من يشوفني يضل هم يبوعلي بس من يصير قريب ماتحمل ادنك وادوخ اكول بكلبي يالله هذا عود صدك يبوعلي لو اني اتخيل لان كومه بنات جوكات يعني مجاميع تمشي كدامنه و ورانه لو ياهيه الي تصير بعينه يبوعلهه اي اكيد فزاد عندي الفضول والارتباك اريد اعرف صدك هو يبوع عليه لو عادي يعني ميزني لو لا فثاني يوم سألت الاء كتله اكلج انتبهي هو يبوعنه كالت اي كتله زين يبوع عليج هم لو بس عليه الاء تضحك عليه ولج شبيج يبوع عادي اههو يعني الجواب ماشفه غليلي فمن طلعنه من المدرسه وهم نفس الموقف نوب سألت نبا اكلج نبا شفتي هذا الولد كالت اي يخبل كتلهه نجبي كالت شبيج كتله يبوعلج؟ كالت يا شفايتلي ولج هذا نص بنات المدرسه تحبه
اني 🥺نصدمت يبووو نبأ شبيج كتلهه شمدريج كالت هذا اسمه علي اخو زهراء اني 😱 يازهراء يا شبيج زهراء صديقتنه كتله جذب والله عزه طبعا الخبر صاعقه اخو زهراء ماعرف شحسيت يمكن فرحت احس صار قريب عليه واعرف اخباره ماعرف اضوج لان كله تعرف اسمه والبنات كله تحبه هله هله اني طوفت ثاني يوم من شفت زهراء كمت ابوعلهه غير نظره وحسده لان يوميه تشوفه وتكعد ويا واريد اساله عليه واستحي ومبيوم

اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
