لماذا لم تعد ك السابق

الـبارت الربـع

نزلو الركاب من الطياره وبعدين احنه وچان اشوف امريكا وتحديدا العاصمه  واشنطن  الجوه يجنن  عدهم ووالاجواء احلا بعد
ونشوف عمتي ام ادم تجنن صح هيه دزنا صورهاا بس بالحقيفه حلوه وشفت بتها كريسا اجو سلمو  علينا ومشابك وبجي ههه المهم اخذتنا عمتي بالسياره مالتها علمود توصلنا للبيت خطيه مستآجرته النه وبابا سآلهاا لعد وين ادم وجورج (زوج عمتي) وعمه كالتله ادم مسافر فرنسا وجورج ب الجامعه عنده محاضرات،،
بعدها وصلنا للبيت ايجنن وكله خشب وجان الببت بي غرف كلش هوايه اني اختاريت غرفه فوك احسن بعدها عمتي جابت اكل واكلنا وبعدها اترخصت ومشت

ـــــــــــــــــــــ ملاحظه
احجيلكم عن ببت عمتي وشلون سافرت واتزوج
طبعا عمتي چانت طالبه قسم التربيه تدرس اللغه الانكليزيه وعمتي چانت سافره مو محجبه لان قبل عادي عدهم بس هسه اختلف الوقت احنه بابا حجبنا اني وزينب المهم عمتي
مره من المرات چانت تمشي بالممر مال الجامعه وچانت حيل مستعجله ف تمشي ونطخت بواحد وچان الملازم توكع منها وباوعت علي وهو هم باوع عليهاا(هسه. دكولون فلم هندي هذا ههههه. بس والله حقيقه) المهم رزلته عمتي رزاله وهي معصبه والشخص المقابيلها بس صافن عليها ويبتسم اخر شي عمتي لمت ملازمهاا وراحت تدخل محاضرتهاا
ومثل كل مره دخل الدكتور ونطه محاضره وقبل لا يطله كال اچانه دكتور جورج من امريكا يسآلكم كم سؤال وچابو علي اوك مو تفشلونه وطلع
بعدها بشويه ودخل الدكتور وياه الاجنبي والصدمه چان هو نفس الشخص الي نضربت بي وچان يباوعلي ويبتسم وانو اني بقلبي گلت هسه يسألني وافشل المهم سال كم سؤال وطلع مبين مثقف وعنده ثقه بنفسه ومرت الايام وچان هم اشوف الدكتور وچاي بتجاهي عزاا هذا شيريد وگال مرحبا ممكن نتكلم چان فصحى يحچي گتله اي تفضل گال اني انعجبت بيج واريدج تمونين حبيبتي مده الحياه (طبعاا چان جورج يحجي فصحى بس اني چاي احجيلكم عراقي احلا هه) چنت مصدمه شبي هذا بعدين گتله ب الانكليزي لا عبالك احنه مثل بنات امريكا ماعدنه لا اهل ولا شي لا عيني اذا تريد صدك تجي لبيتنا تخطبني مو حبيبتك، طبعا گتله تخطبني علمود اشوفه صدك يحچي لو يلعب عليه گال اوك وين بيتك؟ گتله شنو گال بيتكم مو ترديني اخطبچ اني تفآجئت منه بعدين كتله دكتور انت لا تحبني ولا شي مجرد اعجاب وان شاءالله تلگه الي تتمنها ترخص منه طلعت من الجامعه وقت خلص الدوام وشفت السايق وافكر بكلامه الدكتور بعدين گلت اكيد يجذب عباله نفس البنات الي يلعبن علي امداك اي والله وانوب اجنبي،،
ـــ
بعد اسبوع وابويه كال بنتي اجه واحد خطابه الج وهو دكتور بجامعه بس هو اجنبي ولا نعرف اصلا ولا فصلا لذلك اني رفضته اني گتله الي تشوفه بويه باساني وراح شغله

وبعدهاا بيومين هم اجه جورج يخطبني بس ابوي رفض وثلاث مره هم اجه ورفض

الصراحه الاصرار الي عد جورج حبيته لان اكتشفت هو فعلا يحبني
ورابع مره اجه وتوسل ب ابويه وكاله شنو السبب ترفضني اني لان حبيت بنتك.
ابويه جاوبه وكاله اول شي انت انسان مثقف ودارس ف اني من رفضتك مو انتقص منك بس لان انت من غير طائفه وتعرف بعد وهم تسكن ب امريكا ف بنتي ما انطيهاا بقى جورج يتوسل لابويه وگاله ماعندي مشكله اسكن بالعراق لان اني هم اجدادي من العراق وادللهاا بس وافق بالاخير بابا وافق وصارت الخطبه چان جورج فرحان وسعيد واني همين لان حبيت جورج مو بس حبيته لاعشقته لان يهتم بيه ويفهمني وما مقصر وياي هو بقه ع دينه هو مسيحي واني مسلمه وبعدهاا تزوجنا وحبنا يكبر ويكبر سكنه بغداد بيت وحدنه مرات يسافر علمود. شغله يبقه شهروانوب يرجع الحد ما صار عدنه ادم ابني ثمرت حبنا كنا فرحانين الفرحه ما توصف بعدهاا كبر ادم وصار ثلاث سنوات بدا يفهم ويتعلم،،، اجاني اتصال وگالولي  ابوج توفى بحاث سير وكفت الدنيا بعيني بعدها ما اعرف شنو الي صار لگيت نفسي ب المستشفي مرت سنوات وقررنا اني وچورج نستقر ب امريكا لان الاوضاع الي بالعراق مو زينه وچنت حامل بنتي كريستا سافرنا لامريكا طبهاا چانت غربه صح حلوه البلد بس غربه وبعدها تعودت عليها وولدت بنتي كريستا وكبرت وصار عمرها 18 وكرست حياتي الهم وادم خطب وحده يكول يحبهاا بس اني ابد ما اطيقهاا لان متكبر ومغروره وتحب الفلوس ومامرتاحتلهاا وچانت صدمه الي لمن قرر ادم يخطب لا ما متوقعته يخطبهاا وهذا قرار ابني واني احترمته وما عارضت ابد وچان تواصل وي عائلتي ب العراق قليل وچنت اتواصل وي ريم  الحد ما اجه اخوي لامريكا وچنت اشوفه چان يجي كل شهر كونه يعمل بشركه امريكيه خاصه للمحامين واليوم اخوي يجي لامريكا هو وعائلته،،،،،
ـــــــــــــــــــــ

انتـظرووني ب بـارت جديـد
احــبكم