لماذا لم تعد ك السابق

الـبارت السـابع

الابتعاد عن الجميع راحة .
Get away from everyone

ــــــــــــــــــــــــــــــــــــــــــــــــ
سدي حلگج لا تدخل ذبانه بي وبعدها خل وستآذن واني بعدني اباوع علي ومصدومه چان يندارلي ويبتسم ركب سيارته وراح

باوعت ع عمتي وهي ميته ضحك هيه وماما وكتلها عمه انتي مو گلتي ما يعرف يحجي انكليزي گالتلي لا يعرف يحچي هو ما قبل اكولج يحجي لان كلما نتصل عليج تبقين تحجين علي وهو گال خل اشوف شدحجي عليا واني اكلج لا تحجين علي بس لا الا تحجين وكريستا هم كولي تعرف تحجي عربي لا چاي تدرس دوره تعليم اللغه العربيه واذا تريدين انتي هم دخلي انكليزي علمود تتعلمين اي عمه فدووه سجليني وي كريستا گالتلي اوك بعدها اجه بابا وبعدها سلم وعمتي گالتله چان موجود جورج وادم بس راحو گال لعد اني عازمهم بمطعم ع حسابي بس نهايه الاسبوع وافقت عمتي وبعدها راحت هي وكريستا
صعدت لغرفتي افكر والله عيب هسه شيكول عليا ادم خرب بقيت افكر لحد ما نمت گعدت ثاني يوم ع صوت بابا يكعد بيه يگلي بسرعه بدلي اجه جورج يريد يسجلج ب الجامعه طفرت من الفراش وگتله بابا انت موافق كال اي واريدج تكونين احسن واحلا محاميه راح حضنته و بسته وگبل غيرت ملابسي وسلمت ع زوج عمتي ورحت وياه علمود اسجل چان طول الطريق يحشش وكلامه حلو ويجامل واني اضحك وياه واسولف الصراحه چنت خايفه منه بس اني وياه وهو غريب يمكن حس چنت خايفه ههه بس طلع حباب والله المهم كملت الاجراءات وسجلت وانقبلت اصير محاميه طبعا الفضل لله ولعمو جورج لكونه يشتغل دكتور جامعي والكل يعرفه ف بسرعه كملنا ورجعني للبيت تشكرت منه ونزلت والدوام الاسبوع الجاي
ـــــــــ
بعد اسبوع لدوامي رحت اني وكريستا اشتري ملابس لكونها تعرف اشتريت بناطير وحجاب واحد لان عندي كومه وقمصله وقمصان وهوي ملابس تجنن وبعدها رجعت للبيت اتعشيت ونمت
ثاني يوم ماما كعدتني من النوم وكالت حضري نفسج ابوج عازم عمتج وزوجها اي ماما هسه اكعد لج كومي بلگوه كعدت نظفت البيت ورحت سبحت وسبحت اختي قمر ودكت ولطمت الى البسها البدله الحمره ولج بارده وتتمرضين بقت تبجي لبستها وسويتلها تسريحه فددوه لله چنها عروس واني لبست بنطرون اسود وقميص احمر ودخلته جوه البنطرون اباوع ع نفسي بل المرايه يمه فديتني اخبل بس كون انزع الحجاب چان صرت فد شي المهم لبست حجابي وچاكيت طويل.. وطلعت من الغرفه لگيت بابا وماما صبحت عليهم ومشيت اباوع ع ماما بالگوه تمشي خطيه هذا شهرها المهم وصلنا للمطعم وشنو لگيت عمتي وزوجها وادم خرب اباوع علي يمه يجنن وبنيه كاعده يمه يمه متت بس خطيبته سلمنا وكاعدنه وچنت كاعده يم عمتي وقمر يمي وادم وخطيبته مقابيلنا وصرنا مجتمعين داير ما داير المهم چابو الاكل النه عززا لوتشوفون شنو طلبو چان متو ضحك ماعون وبي مثل الحم بس قليل يعني لگمه وحده ويخلص لا بس هم ب السچينه والشوكه وياكلون الصراحه اني ما اكلت وبابا بقى يسألني ليش ما تاكلين گتله بابا صدك تحجي تره اني جوعانه وميته اريد فد شي يشبعني اشو كلهم بقو يباعولي ويضحكون. متت من الفشله اباوع ع خطيبه ادم تضحك وياهم غير متت تضحك هيج ع ضحكهم انوب اني همست لعمتي كتلها شوفي چنتكم المستقبليه تضحك ع الواهس اني گلت هيج وعمتي ماتت من الضحك وانوب غصت وصارت حمره يمه متت گلت بس لا تموت وگلها تباوع عليه بابا بقى يرزلني وادم يباوع عليه بغضب وده يسطرني راشدي وماما تخنزر عليه وزوج عمتي بقى يضرب ع ظهرها يله صارت زينه الحمدلله الاوضاع هدآت وگتله بابا اني جوعانه اطلبلي بيزا وببسي باوع عليه بغضب وعود يگولي حسابج بالبيت اصبري طلبلي وبقيت اكل وهمه ياكلون ايس كريم الجو هناك ما ينعرف ساعه بارده ساعه حاره المهم اكل وسآلت عمتي ليش ما اجت كريستا كالت عدها دوام ضجت لان كلمن وشريك وسولفون اله اني اباوع ع ادم يضحك ويسولف وي خطيبته الي اسمها اميليا استغفرالله بس محلوه ابد شعجب احبها يجوز طيبه گلبها اشو چنها حاقده المهم اترخصت علمود اروح للحمامات وچان امشي بالممرات وچاي ادخل ما احس ايدي انسحبت حيل بحيث العظم طك وچان اشوف ـــــــــــــــــــــــــــــــــ