#توضيح
الكوووووو بعد معاليجي شونكم
حدرو هين نتفاهم
هذا البوست يخص المصكوعه ميسون
دوم اتابع التعليقات
ميسون شايخه عليهم
ميسون مكبرين رأسه
ميسون ميكدروله
ميسون ليش ميشمروه
ليش ميطردوهه
فارس بس حجي ميكدر يسوي اله شي غير يكتله منا وترجع تسترعن منا
شوفو عيوني اني حالي من حالكم كارهه ميسون ومن يوصل البارت لموقف يخصه ولازم اذكره فهذا على اعصابي يعني
الراح اكوله هسه لافازعتله بي ولا جاي ادافعله بس داوضحلكم موقف هاي العائله منها وهل كلام على لسانهم تعالو جاوبوهم
شلون يطردوهه ويطلعوهه من حياتهم من بيتهم وهيه
كرايبهم اولا
سابقا ارمله ابنهم
وام بنتهم
وغير هذا تزوجت ابنهم الثاني كدام الناس كله وصارت شي راجعلهم أكثر من قبل
لااب
لاام
لا اخوه
ولاعدهه احد
يذوبه بشارع؟
اني نفسي اكلهم اي ذبوهه بس لونرجع للصحيح والواقع وبهذا مجتمعنه محد يقبله وهمه بابه عرب اهل الغربيه وعليكم الحساب ولازغرن باقي اهلنه بكل مكان يعني الحرمه عدهم صوته يطلع عيب موانوب طوله وتنذب بلشارع
ولااحنا باوربا لو باريس ونضرب العادات واتقاليد عرض الحايط ويكومن يهججوهه يم كرابه لو يم احد هاي من سابع المستحيلات هواي يكولن تولي يم عم يم خال شنو هيج ماله احد ؟
لا اله بس محد يتحمل احد اني وانت وانتي وغيرنه شجاريلنه نلفي وحده مثل ميسون ميسون الي فاتت خطار على كرابتهم كم مره جابتلهم مصيبه شحال لو ذبوهه عد احد شتسوي؟
لو ذبوهه بلشارع شيطلع منها ؟
باختصار همه مجبورين بيها المعنى من كلامي كل مبالغه بتصرفاتهم من جانب ميسون ماكو خصوصا احنا بلعراق اليفوت عدنه دخيل منطرده مو وحده مثله ماعده احد اما فارس دكولون بس يهدد ويكتل بيه اي يا يابه شيسويله جان ينصح ويعلم مافاد هجر مافد كتل مافاد ادري نطوني حل يسوي حل يدخل العقل زين
ليش الحجيه وبناته يدافعوله ليش ؟
حبايبي طبيعي اي عركه اي مشكله تصير بكل بيت لازم الكل تدخل تهدي وتطفي شر يعني لويلتمون عليها ويه فارس ويئاذوهه جان كلتو ضلام ويتيمة ماعدهه احد مستغليها مو بله
هسه لهنا نتهينه من اول سوال حارك اعصابكم نجي على ثاني
زين ليش متسردين بلسان ميسون حتى نعرف ليش هيج تسوي لازم اكو سبب ؟
و الله العظيم الي مثل هاي الانسانه حرام ينحجي بلسانه لان مستحيل اكو انسان واعي يخاف الله يسوي سواياته فلا تتوقعون اكعد احجي بلسانه وابرر افعله لان المثله أفعاله متتبرر لومها كانت الضروف مهما كان المرت بي مهما كانت الاسباب لازم متسوي لسوته وراح تسوي بعد
اني شخصيا بعد موصلتي القصه كامله ستنتجت منها ميسون مريضه نفسيا
بس هااا تره مرض عن مرض يختلف مو المرض لبالكم هذا ليروحون يعالجون يم الطبيب النفسي ويطيب لا بعد جبدي ميسون مرضه الحقد والكره والقال والقيل من غير حبه للماده والفلوس الطبه والطلعه والشرايه يعني مرض تطبعي بهاي الأشياء مومرض ينوخله علاج
ويطيب
حجيت هواي دوختكم موو بس اكو شغلات لازم منعبره لازم تتوضح وكوني كاتبه لازم اخليكم بلصوره حتى لاعبالكم اني مطنشتكم وماعرف شيدور بفكركم ان شالله توضحت هل نقطه واسفه اذا طولت عليكم
احبكم
أنت تقرأ
لهفه روح
ChickLitلهفه لذالك العاشق الذي كان ملاكا نشتل حزني لتكون روحي ملكا للهفته #لكآتبهہ رفل آلكنآني
