مساء الخير
#بارت٤٤
قبل لقراءه ياريت نستغفر بنيه رفع المرض و البلا لعل الله يدفعه بلستغفار
،،،،،،،،،،،،،،،،،،
هذاك أنة
الونينة يدلي المتيهين لو ضيعوا عنوانة
و هذيچ أنتي
الخطية الما رضت تغفر خطايانة
،،،،،،،،،،،،،،،،،،،،
فاتت ام ثامر ستقبلناهه تبوس بينه وتأخذ من خاطرنه وتتعذر لان موصلت لفاتحه بس من ناحيتي بارده حيل أكثر شي مندمجه ويه ماما
اياد يباوعلي بطرف عينه خليت وكمت اجيب لجاي لصبيته اجه ورايه اخذ ستكانه وكال اشربه بره بين متروح
مجاوبته جنت كاعده روحي على حافه حيل حز بداخلي اسلوب ام ثامر وياي مع العم ويه ماما وعذراء حيل طبيعيه
ضليت منصيه ايهم بحضني
صدت عليا دكله
هااا ولك سنه لاخ تسجل بلمدرسه شو بعدك لسانك مبلوع نصو
ضحك ايهم وجاوبته هوه لسانه ثكيل
دارت وجه
نار صرت
فشلت فشله صرت دم وضليت منصيه كلمه محجيت
ربع ساعه وكامت كالت ثامر بلسياره ينتضرني وكفنه لوكفته سلمت دتطلع وندارت عليه نصيت وتقدمت
اديان مامن طبعبي اكبح(احقر) ويه احد بس نحنا شايلين عليج جثير
فكيت كل عيني مئاشره بيدي على روحي
عليه ؟
هزت رأسه ونصت تكرض بيده دكلي
حبيناج على حب اخونه لموجوع كلبو
وكت لعفتي وجيتي هين عذرناج بس ماتصورنه راح ديرين وجهج منو هينوب
رحتي لاجيتي بعد لاشفتي بيدج خليتي لساحه لميسون
انه موكاعده احرج دمج بس ماريد اطلع من هين وتشيلين غيبتي وراي دكولين ليش ام ثامر دايره وجه مني
وانه ماعرف احجي وجهين لبكلبي على لساني ولعتب على كثر المحبه ولوما نحبج ماعاتبتج وام خطاب مثلي هم
بس اني وكته كتلكم انتو تعرفون شي واني اعرف شي واذا انتي او ام خطاب لو لحجيه شايلين مني لان ماوصلته فتااكدي هل شي لمصلحته وعلى كلن اني وفارس حجينه بموضوعنا وتقريبا حطيننه لنقاط على حروف
عجل دام هيج انه اترخص وكبل لااطلع اكلج
زلمتج طك جبدو منج ومن حرمتو ذيج وابشرجن راح يحط عليجن الثالثه
اودعناج
حجته وطلعت نار وشتعلت بضلوعي تهسترت ثامر خله تنكه لدهن وجيس لتمن بلباب عقل مضل براسي
شهل عائلنه لنعلت سلفه سلفاي وبعدهم همه اهل لراهي
ماما تعض شفته
اش واش اياد بره لطمت على وجهي
شنو اياد ياصخام يمه سمعتي شكالت دكلي يتزوج اني خل يتزوج طبه طب بس خل يطلكني بلاول
أنت تقرأ
لهفه روح
ChickLitلهفه لذالك العاشق الذي كان ملاكا نشتل حزني لتكون روحي ملكا للهفته #لكآتبهہ رفل آلكنآني
