لهفه روح
البارت 58
،،،،،،،،،،،،،،،،،،،،،
سويت العلي بالدنيه وزياده
حلم ردته بحياتي والله ما راده
نويت اعله الفرح لاكن عشت محروم
مثل الماتت امه بعيد ميلاده
انه عاشق حقيقي من الف للياء
وانه اكتاب الهوه من جلاده لجلاده
الوكت كاليوم يرميني بسهم بي لون
وصرت طاووس كمت اضحك على اعناده
......................
كعدت منصيه راسي اتابع حركاته لبارده
ومستغربه عدم هتمامه
مفك حلكه لاعبرني بكلمه
تيبست بمكاني ساكته
مركزه بكل خطوه يخطيها
شمره لستره
فك لربطاط
حته سحبت لحزام صوتها مله اذني
لحد مفات للحمام وطبك لباب
تنفست لنفس لجنت حابسته
خاف يطلع
خاف يسمعه
ومنا اخجل
وكفت ذبيت طرحتي نزعت حذائي يابه رجلي متكسره
نصيت افرك بصابعي نفك باب لحمام بسرعه عدلت روحي
منداره عليه صارت عيني بعينه
جر نفس ندار بصفحه نزع ليلك خلاه علميز وتوجه للقنفه ذب روحه كل قوته جسمه طب طبه فكيت كل عيني مستغربه
يربي والله هواي سامعه صوته ليش ميحجي شنوو اخرس
ساعه أكثر على كعده وحده وعيني عليه
على جتفه ليرجف كل شويه
على هزت رجله لمبطله
تالي مليت وكمت شلت بدلتي فكيت لجنطت طلعت سيتي وفتت للحمام
شي بيه مصدوم
هيه هاي اول ليله
زين ليش ممعبرني
ليش كني مموجوده
معقوله هذا طبعه
اي جائز كلشي يصير
سبحت وطلعت لملمت بدلتي ضميته مددت ميته تعب كل هوسه ليوم دك براسي
واني صافنه بسقوف لغرفه الاضاء سطرتني عيوني ذبلت غفيت ومادري بروحي
مكعدت غير على دكت لباب كمزت الم بروحي وبهدوء كام فك لباب واجه جايب لعشا خلاه على ميز ونصه
اصابعه على طرف لمميز وميل راسه لجهتي عيوني رمشو مرتين يمكن تعبو كد مباوعو بي وهمس يهز برأسه
اخذي راحتج جني ماموجود تعشي ونامي
صفنت بفهاوه لامه شفتي لداخل حلكي ندار رجع بمكانه مدد همست
وانت متاكل
هز رأسه لا ودار روحه نطاني ضهره
ضجت حيل شنو لموضوع شبي هذا
اباوع الاكل أشكال ونفسي نست سويت مثل مسوه ونمت منطيته ضهري
للفجر جان اكو جامع صوته حيل قريب اذن وكمت اباوع بلغرفه مموجود
أنت تقرأ
لهفه روح
ChickLitلهفه لذالك العاشق الذي كان ملاكا نشتل حزني لتكون روحي ملكا للهفته #لكآتبهہ رفل آلكنآني
