لهفه روح

مشهد

سيدة قلبى وحبيبتى
عشقتك وليس العشق جريمتى
احبك وبحبك نلت برائتى وحريتى
دعينى احبك كما اريد فأنتى سطور لقصيدتى
ونور الكلمات وعبيـــــر الزهور وضيـــاء شمعتى
ياملكة قلبي ودولــــتى و أميره العداله فى مدينتـــــى
حبيبتى يسعدنى أنك جريمتى فهمساتك تدغدغ مشاعري
ورموش عيونك ونظراتك تداعب قلبي وأفكارى
أعلمى أنى كتبت الشعر وساكتبة لعيـــونــك
لقد صرت لكي عا شقــــك ومجنونــــك
وأحس عــيـنــي دائما الا تنظر لدونك
تتمناكي معها لاسعد دائما بوجودك
فلا تحرمينى حبيبتى من حبك
فانا لم احب امراة قبلك

كملت صلاه وكفت اطبك السجاده حسيت خربشه عل باب رفعت عيني عل ساعه ب١ نصيت راسي اخذت نفس لا اني متوهمه مو صوت الباب ستغفرالله ياربي كمت اتخيل فارس بكل لحضه مشيت خطوه توني دانزع الازار صار ضرب خفيف عل باب كلبي خفك هميت سريع باوعت من العين السحريه شفت فارس واكف يترنج ويدك بلباب خليت ايدي عل حلكي بتعدت خطوه مرتبكه طلعت عذراء من الغرفه تباوعلي بقلق
شكو

مجاوبت بس اباوع عل باب
زادت الدكه بعدتني تباوع من العين السحريه فتحت عيونه عل وسعهم

وج اديان هذا فارس وانوب مبين سكران يمعوه فتحي الباب ليفضحنه بلعماره

هزيت راسي اي وجسمي ينفض فتحت الباب رتمه عليه خليت ايدي بينه ولزمته غادي طينه ردت اوكع سندتني عذراء قويت لزمتي اشرتله عل باب طبكته مشيته يروط ويريد يحجي ميكدر عيوني غرغرن واني اباوع عليه شعره مخربط دكم قميصه اول ثنين مفتحوه مشيته للغرفه صارت امي بوجهي نصيت روحي ترجف تمنيت اختفي انعل حضي هذا ليتباهون بي ويموتون عليه هيج حاله نترت بيه

وين موديته يمعوده فوتي للحمام غسلي رأسه خل يصحه

درته بدون ماحجي لان مالي عين احجي اصلا وصلته للحمام فتحت البوري
فارس دنك راسك
وووخري مني
فارس صوتك الدنيه ليل لاتفضحنه
وكف رتجه عل مغسله منصي رأسه هزيته
فارس بس اغسلك

رفع عينه كوه يحجي ... ول يربج عليش هيج مسويه بيه ول موحجيتلج وماجذبت عليج وروح المرحوم

يحجي مكطع امي تباوع علينه تهز براسه متحسفه جبت راسه بيدي سحبت الدوش الرشاش نكعته تنكع وهوه يحاول يبتعد اخر شي دفعه وكع من ايدي رفع راسه مفتح حيل وشعره نازل عل كصته ينكط مي مسح وجهه حسيته شويه وعه صديت اسد المي اباوع لروحي تنكعت الدشداشه لطشت عل بطني جريته من ايده للغرفه امي وعذرا يباوعون كعدته عل جربايه ساكت لازم راسه بثنين اديه وكفت كباله دموعي نزلن

فارس ليش دسوي هيج بروحك

سكت

موياك

وكف عيونه تجدح تقدم واني ارجع ليوره لطشت بلكنتور صار كبالي وايده فوك راسي لازمه الكنتور يباوعلي ضايع حاير مره تصير عيونه عل وجهي مره يباوع لبطني واني اباوعله ونصي نتر