ورود: ركضنه اني وماما لبيت خالو علي ودخلنه وشفت خالو علي يزين باأيه وهيه تصرخ وتبجي بقيت صافنه عليها وخايفه
وداد: يمه صخام ليش ولك هيج ويه الطفله الله لايطيككك ليششش
علي:وداددد لاتدخلين وامشي ولي البيتج يلااه
مرت علي:والله خوش كامت لاارامل تدخل لبيتي وتفرض
وداد: ولك عليوي خاف ربك بت يتيمه خاف من حوبتها عندك وليدااات
ورود :اباوع ايه تشهك وتلم بشعرها الواكع بلكاع وجان يندفع الباب ويدخل خالو عصام
عصام: هاي شكو
وداد: تعال خويه شوف حوبة هل يتيمه بي من ارد تشوف تطلع كاض الطفله ومزين شعرها
ورود: كلتله ماما هيج هوه باوع الا ايه اشون تلم بشعرها يلي بلكاع وتشهك ماحس غير خالو عصام كما علا خالو علي وصار فوكاه ويضرب بي مرت عمو علي كامت تعيط ماما تحاول تفاككهم اني حضنت ايه الي حاضنتني وتصرخ خالو علي بلكوه خلص نفسه وشرد من البيت طلع يركض وخالو عصام كام يصيح ويكسر
عصام: ولكم اروح وارجع الكاكم مزيينين شعرهاااا ولجججج يمممممه رجليج بلكبرررر ماخفتي من حوبت هل يتيمممممه ليييش لا ان مالها احد قسمن بالله الي اشوفه ماد ايه عليه وروح ابوي ايه اكسرها كان من يكوننننن
وداد: عصاممم البت راح اخذها يمي
الام: شنهيييي ولج تاخذيها يمج لو تموتين
عصام: وداد لمي غراضها واخذيهااا
وداد: دلل خويه
ورود: وخرت مني ايه وراحت تركض لحضن خالو عصام
ايه: عمو كصو شعري صرت مثل ولد هسه محد يلعب وياي والله شعري حلو شوف كصو شعري
عصام: اباوع عليها تبجي وتشهك وكاضه شعرها المزين بيدها وتراوينيها حضنتها حيل وروح ابوج اخذلج حكج بعد عمج يرجع شعرج والله يرجع هسه لمي غراضج وروحي ويه عمه وداد
ورود: رحت عليهم يلا ايو تعالي يمنه
ايه:رحت ويه ورود ولمينه ملابسي وكتبي وطلعنه رحمه لبيت عمه وداد
وداد: ايه عمه تعالي
ايه: ها عمه
وداد: ليش زين شعرج عمج علي
ايه: عمه والله فاطمه هيه اجت ملشتني من شعري اني دفعتها جان اشك كتابي وضربتها بنعال اجت مرت عمو علي ضربتني وكالت لعمو علي وعمو زين شعري عمه والله هوه عاد بيه عمه شفتي عمو زين شعري صرت مثل ولد هاج عمه لزكي الي
وداد: تبجي وتحجي وكاضه شعرها تكلي لزكي الي حضنتها وبقيت ابجي يرجع عمه يرجع اخخخ ياخويه تعال شوف حال بنيتك
