سلام عليكم شونكم عيوني 🌝🖤
ايه: عكدت حواجبي وباوعتله باوعلي وابتسم نزلت عيوني شبي هاذه سكتت محجيت ضميت لرسمه بجنطتي وهوه هم ضم رسمتي بجيبه اجت ورود سلمت عليه وكعدت بس حيل ضايقني نضرات مرتضئ يباوعلي ومن اباوعله ينزل عيونه حيل اتضايقت ما حب هاي السوالف
ورود: شفت ايو شون متضايقه من مرتضئ وهوه صدك زودها شنو ميستحي قبل كانت طفله عادي بس هسه كبرت عاد كتلها ايو كومي نسوي عشه
ايه: يلا امشينه كنت حسيت كتبي بلغرفه وطلعت بتيته كشرتها وثرمتها ناعم اورود صوت طماطه حسيت البتيته عل نار ورحت سويت زاطه ولكطت الخضره اورود حطت البتيته فوك الطماطه وحمستهم سويه (جربوها كولش طيبه 🌝) كعدنه نتعشه كملنه ورود غسلت اماعين واني نضفت الطباخ وكعدنه نقره
ورود: كملنه عشه ونضفنه رحت لكتبي كعدت اقره باجر عندي امتحان رياضيات كعدت اقره شفت الساعه ب2 بليل ووف والله تعبت بقيت اقره وعيوني حيل يحركني فجنت لابسه مناضر لان عندي نقص بلنضر ماحسيت علا نفسي ونمت عل كتب كعدت الصبح امي تكعد بيه دوامنه صباحي كعدت ايو رحت المطبخ السرعه ب6 الصبح الجو ثلجج حيل بارده عاد رحت غسلت وجبت طاسه بيها مي ومشط مشتطتلي امي وايو سوت جاي واني مكليه كباب طاوه تسوي بليل وتضمه الصبح تكلي كملت سوتلي كصيبه ناصيه حيل مع انو اشوف البنات بلمدرسه يحطن هاي القراصه الجبيره وفوكاها شال اني ابد ماحبها ولااحطها وايو نفس الحاله اية تسميها حدبة البعير 😂المهم كمت من يم امي واجت ايه مبدله ومشطتلها ماما هم كصييه ناصيه سويت لفات ثينين مال كباب عروك اوياهن خيار وحده الي لوحده الا ايه ضميتهن بعلاكه وبجنطتي وحده وبجنطت ايه وحده كعدنه نتريك كملنه ر9ت ليست حجابي جان توه داخل حجاب اايسمو الايراني كلش حلو عليه واني وجهي مدور وخدود عدي لبسته و ايه هم لا ان ناعمه حيل يطلع عليها كلش حلو اخذنه بطالتنه مال مي وليست عباتي و ايه هم لبست عبايتها حاليا بصف ثالث متوسط وهاي امتحانات اخر سنه وذابه حملي عل دراسه و ايه هم ثاني متوسط نمشي بشارع والجو بارد واكو بنات هم يمشن ويانه نفس المنطقه يرحم للمدرسه كاضه ايد ايه ونمشي وصلنه الحمد الله جاوبت وحلينه رجعنه للبيت
ايه: ولج تمشييي راح اطك جوعانه
ورود: اوجع مو جاي امشي جاي نمشي وجان توكف كبالنه فاطمه بت خالو علي هيه وبنات ثنين صديقاتها هي بكد ايه بصف الثاني بس مو نفس لصف غير شعبه هيه وكفت وشعرها مفتوح متلبس حجاب وصدريتها حصر وهيه متروسه وحلوه
فاطمه: هههههه جنجن مجدايات بذني عبيجن
ورود: علقل ساترين نفسنه مو نراوي للعالم مفاتنه
فاطمه: عيع انتي شكد مكروها بس تنصح بللعالم شعليج انتي بله
ورود: يعني شحجي وياج اخاف انكس الساني امشي ايه دنريد انروح شو اشوف هاي فاطمه فتحت دكم قميصها من يم ركبتها وبين شويه من صدرها وشفت ابن المديره طلع جان صف ثالث نفس الشعبه اني وياه شو هاي كبل راحت. سلمت عليه وتعلج لعبت نفسي منها وهوه وكف يسولف وياها اخذت ايه ومشينه رحنه للبيت و اكيد ايه الااذاعه متلحكها بنقل الااخبار لاامي حجتلها كلشي ماما كالت خل تولي كعدنه نتغده كنت غسلت ملابسي و ايه هم غسلت ملابسها بش الجواريب عزلناها علا صفحه كملنه وشريناهم وكفنه عل نغسله بصابونة ركي غسلنه جواريبنه امي متقبل اله بصابون ركي نغسلهم عاد كملنه رحت سبحت ودخلت وراي ايه امي مشطت شعري سوتلي كصايب ثنين ناصيات وايه هم رحت كعدت اقره ومرت الايام عاديه وخالو كل 15 يوم ينزل 7 ايام ويلتحق ومرتضئ دوميه يجي ومرات بقه 5 ايام ورجع يم بيت خواله يكول عنده شغل الحمد الله نجحت من الثالث و ايه هم نجحت من الثاني هاي السنه اني رابع عداديه بس الزي يختلف لازم تنوره وقميص فكرت الاامي مالت تروح للسوك ونشتري راحت ثاني يوم هيه وخاله عهود كولش احب خاله عهود راحن الصبح ب9 كمنه اني وايه غسلنه البيت وجلفنه الكاونتر والغرفه غسلناها شويه ودخلت ماما وخالتي وسياره جبيره وكفت ابانه راحت ماما عل ابو السياره نزل كنتور ابو بابيين احنا جان عدنه بوفيه بلغرفه مال امي بيها ملابسنه امي و ايه عاد دخلو الكنتور جوه بغرفتنه اني وايه جنه فارشين حصيره وحاطين مخاد ننتجي عليهن حطو الكنتور ماما كالت نقللن ملابسجن بي حيل فرحت لا ان حتصير خانه خاصه بيه جانت الخانه بيها مال تعلاكات وبيها جراره وفيها رفوف ثنين صفطت ملابس البيت والجرارات حطيت كتبي واقلامي وماما جايبتلنه كومه غراض اني ايه جايبه عطور وقراصات وحجابات وشلات وقماشات الي ثنين ولا ايه ثنين اطتهم الخاله عهود تخيطهم لا ان هيه تخيط اسويهم دشداشات وجايبه ثنين بجايم الي والاايو والها دشداشات سود ثنين واماعين وقرطاسيه حيل فرحت راحت خاله عهود وراحت ماما طلعت جابتلنه عجين مال فلافل وصمون حار وببسي كلينه اني وايه وسوينه زلاطه وماما راحت سبحت كعدنه ناكل يوم كلش حلو جان واني رحت للغرفه كلساع اطلع ملابسي وارجع اصفطهم بلكنتور 😂😂من كد مفرحانه بي اجت ماما جايبه خيط مالت تعالي كبرتي صوتي اعداديه احف اشواربج
