مشهد ،،،،
-احاسيس مرهقه -
حياة: ماما حروح انام كعديني ب4
ام حياة: شعدج بل4 ياامي والله حتخبليني
حياة: ماما داروح للصالون عندي جلستين ليزر مال زبونات ارد اخلصهم وهاذه الاسبوع ابقه علا كلبج
حياة؛ وووف منج ووف
حياة: ممح صعدت فوك رئستن نمت ميته تعب فزيت علا صوت موبايلي جاوبت واني مغمضه الوو
روان: ولج الخايسه نايمه
حياة: وسمم وزهرر هس توني نمت سم ابطنج شكو مكعدتني
روان: ولج هاذه مقتدئ مادري مرتضي ايريد يجي يخطبني
حياة: يي وشكلتيله
روان: دخل يولي انطيته بلوك لعد وعذاب ومصطفئ وحسن وين اوديهم يتيهون من دوني
حياة: لج الوصخه اني سامعه ولد يلعبون علا بنات العالم اشو هسه انتي تلعبين عل ولد وكلساع حبيب جديد العوبه روينه
روان: لعد وين نولي نكضي وكت اكلج شوكت تجين
حياة: الصالون هسه كايمه ابدل واجي حته النومه طارت من وراج
روان: ديلا اني هم رايحه كدامج
حياة: سديته منها وكمت نضرب اصبعي بميز التواليت شاغت روحي بقيت اكمز رحت سبحت وطلعت واني ادندن وانشف بشعري طلعت جينز ازرك وبدي ابيض ونشفت شعري رفعته ليفوك اخذت السويج ونزلت باي يوم حطلع طلعت بدون ماسمع الجواب ركبت السيارة اوصلت الصالون دخلت وسلمت علا العاملات عندي 2 وحده مكياج وحده شعر وتسريحات واني لازمه اليزر وروان صديقتي لازمه التسريح مال شعر و المعالجات خلصت الزبونات وطلعت نشرت علا حسابي تخفيضات لليزر وسويت ترويج وخصم للعرائس طلعت تفقدت الوضع وطلعت لااعضميه لبيتنه بنص الطريق خابرني علي الي صارله سبوع ممخابر ينشر ستوريات ويتفاعل بس ميخابر صاحب كوزمتك بلبصره تعرفت عليه من صديق لحبيب وحبينه بعض صارلنه 3 سنوات سويه جاوبته نعم علي
علي: هلا بحبيبي
حياة؛ هلا
علي: هاي شبيج
حياة: متحملت عطت شبييه يعني هاا شبيه سبوع كامل تتفاعل وماسالت ولاكلت اله اني اخابر واسال اله اني اراسل يلا تراسل شنو مشكلتلك علي مليت لو شنووو
علي: ولج لاتصيحين بعدين والله مشغول امي ممخابرها ولبيتنه مراجع دانام بلمحل عندي بضاعه ومشغول بيها بعدين ارد اشوفج
حياة: وين ؟
علي: بلبصره عازمج
حياة: واني شيجيبني من بغداد للبصره
علي: شسالفه حبيبي ذاكليوم اجيتج اني هسه انتي وياريت متجيبين روان وياج حيل اضوج منها
حياة: لعد ماجي
علي: عمي ديلا جيبيها
حياة: تمام الجمعه يمك سديته منه واعرف بسوالفه مرتاحيتله شيريد اخر جيه من رحمه بسفره اربيل ويه هديل بس روان محبته وهوه ما حب روان خابرتها وكتلها
روان: وحترحين
حياة: يي تجين ويايه
روان: تمام اجي ماعدي شي بس ذيربالج منه حب
حياة: تعرفين حته اني ممطمنه اله
روان: نروح و نشوف تاليته شنو ابد ماحبيته
حياة: احسه ديخوني مو مثل قبل ابد
حياة:طبعن ما حصل الي يريده منج
حياة: اهووو عاد. رجعتي هسه الجمعه نروح سديته منها ورجعت للبيت عكبه جمعه الدنيا ليل طلبت ريزو من مره يمنه بلشقه تشتغل اكل وتبيع كالت نص ساعه يمج كعدت اتصفح بلحساب مال صالون جان تجيلي رساله من حساب شخص ماعرفه دخلت كاتبلي
،،،،نصيحه من غريب لاترحين للبصره
حياة: عفوا منو حضرتك وشمدريك
،،،،اعتبريني صديق لاترحين خويه لمصلحتج
حياة: شوكت تنقرضون انتو بلووك حضرته واني افكر بكلامه شنو قصده خابرت علي وكتله عل رساله بقه يكلي ونتي تشكين بيه ومتثقين اذا ماجيتي وراد يزعل فعاد تلافيت الموضوع وكال فتحي كامره ارد اشوفج فتحت وبقينه نسولف سديته منه وتمددت واذكر غمضت اعيوني واجه الحادث المشؤم كدامي ياريتني مارحت ذيج اليله يبقه ابويه ياريتني ماشفت شي ماريت ما عندي النضر ياريت نزلت دموعي واحس بكلبي يريد يوكف همست بابا رغم الالم الي شفته منك ورغم سوالفك بس هم اشتاقلك ياريت مارحت ياريتتت ماشفتك بهيج حاله ياريتتت جنت كبيره واكدر اساعدك ياريت عيطت ولميت الناس ياريت بس شيفيد الندم
احاسيس مرهقه
ما هيه تلك اليله وماذا حدث بها لنكتشف معن مع احاسيس مرهقه قريبا 👋🏻،،،،،
#بقلمي انا الكاتبه -ام سلطان-(ريام)#
-اذا عجبتكم انطوني تعليقاتكم استمر واكتبها او لا ولاتنسون التصويت ⭐👋🏻❤
