ورود: راحت ماما تركض ايه سحلتني وركضنه وره ماما جان ندخل ونشوف نسوان ومرت خالو علي تيجي وتكطع بنفسها
ايه: يااا شبيهم خاف عمو علي مات
ورود: اسكتي ولج ابيش مفاوله الرجال
وداد: شبيج ولج شكوووو
فاطمه: خاله بابا ضربته جلطه وهسه بلمستشفئ
ورود: امي لطمت علا صدرها وكعدت وحطت ايدها علا راسها شويه ودخل ولد طويل وضخم معرفته جان تروح فاطمه تحضنه وهوه يهدي بيها الي عرفته هاذه حسين ياااا شكبره صاير شبساع كبر هاذه
ايه: مثل ماكبرتي انتي شكد مكروه
ورود: اسكتي يمعوده مريد مشاكل بقينه كاعدين وامي تهدي بمرت خالو وعلي وهيه بس تبجي شويه ونسمع عيطه فاطمه وصريخها عمو علي مات انا لله وانا اليه راجعون فاطمه ملخت نفسها لابقت ملابس لابقه شعر مته صوتها راح حيل نقهرت عليها رحت يمها جضنتني وبقت تبجي
فاطمه: لج ورود ابويه مات وزعلان عليه ولك باباااا
ورود: كولي يالله خيه كلنه علا هاذه الطريق شفت ايه كاعده بزاويه وتبجي
ايه: رغم كل يلي سواه بيه وزين شعري وحرك كلبي والضرب الي جان يضربه الي بس حيل نقهرت واشوف فاطمه اشون تبجي رحت يمها فاطمه حمدي ربج انني علقل اكو كبر ترحين اتزوري اني حته قبر ماكو البابا دعيله
ورود: ايه تحجي وتشهك زرفت كلبي
ايه: فطوم عندج امج اني امي عافتني وراحت
ورود : وخرت فاطمه من حضني وراحت حضنت ايه
فاطمه: لج ايه والله ماريد شي بس خل يرجعلي ابويه لكك بابااأااا
ورود: بقن يبجن صح اني فاقده ابويه بس امي محسستني محتاجه الااب عوضتني وانطتني حنان الااب والاام كاعدين يم التابوت وفاطمه ومرت خالوو علي كطعو نفسهم وبيبي متخربطه بلمستشفئ لا ان هاذه ابنها الوحيد دخل مرتضئ بس مابجه ابد بس العيون جمرر وشرايين ركبته كلها مبينه حضنته فاطمه وتشهك صوتها راح وخر منها واخدو التابوت وراحو يدفنو 3 ايام الفاتحه والعالم تجي تعزي كمت دخلت اامطبخ النسوان حاطه الامن والحم وخيرات الله وكاعده تاكل وكلها بنات شابه والماعين تل عل سنك عاد حطيت دشداشتي بداخليات لا ان بس نسوان وحجابي جان اميره اسود فعفته بقيت اجلف بصواني الصبر بيهن كلش هراي وكاسات ستيل كاطين بيها مرك بقيت اجلف وارجع لوره وكلساع جايبات وجبه واجلف شويه ودخلت بنيه
ريام:سلام عليكم حبيبه انطيني اساعدج
ورود: وعليكم السلام هلا بيج تفضلي انطيتها ليفه وبقت تجلف وياي جانت بنيه بشرتها بيضه ناعمه وكصيره يطلع طولها ب140 او 150 هيج بقت تجلف بس هيه سريعه كملناهن بقينا نشطف شويه ودخلت بنيه ثنين وجابن هم صواني وصخات
