مقتطف
فتحت عيوني الضوا كلش قوي والرؤية مشوشة عندي
ثواني واتضحت الرؤية وشفت صكر وعمتي ورهف واخلاص واكفين فوك راسي وابني ماكو خفت كتلهم
همس. وين ولدي
صكر. بالخدج ممنوع احد يدخل عليه
همس. ليش شبي ابني
عمتي ام صكر. كلشي مابيه بس يطمنون عليه
همس. خوش
بقيت 4 ايام بلمستشفى يالا تحسنت حالتي وصكر كل ما اساله عن ابني لو يكلي بالخدج يم الاطفال ميدخلون حدا عليه لو ميجاوب ابد باليوم الرابع الدكتورة كتبتلي خروج ولبست عباتي والشال وطلعت اني ورهف لبرا
لكيت صكر واكف يم السيارة يتانينه من شافنه ركب وطلعت اني ليوره ورهف ليكدام ومشينه للبيت
ورا نص ساعة وصلنه نزلت من السيارة وشفت ولد عم صكر واكفين من وصلنه صارو يرمون حركو الجو بالرمي
دخلت اني وكلها تتحمدلي بسلامه وعمتي واخلاص من وره خشومهن بس اخلاص احسها فرحانه كلش وتضحك
غلست ماحجيت كعدنه ويه النسوان شوي
وتعبت من الهوسة واصوات الولد الصغار طلعت لغرفتي اريد ارتاح شوية ارتكيت ع جرباية وماحسيت عحالي من نمت
كعدت ثاني يوم دحكت الساعة ب11وثلث كمت اسبحت وفرشت اسناني ونزلت لكيتهم ديتريكون كعدت وياهم يم صكر تريكت وخلصت وعمتي كالت
خلصي وكومي اغسلي الاماعين دحكت عليهه واكول بنفسي متكول البارحة طلعت من المشفى تعبانه تنهدت وكتلهه ماشي كمت
نظفت المطبخ وغسلت الاماعين خلصته وطلعت ارتب غرفتي سويتها وكعدت امشط شعري
وفات صكر دخل تسبح وطلع بيده الخاولي ينشف شعره والخاولي الثاني ع خصره حجيت
همس. صكر
صكر. ها
همس. اريد اشوف ابني يمتى تروح تجيبه من المشفى
صكر. ابني يم امه..........😱
بقلم الكاتبة
__RynAlzeen089
__Eman Mohamed
أنت تقرأ
عآمـلوني گ فصـليه بقلمي ايمان محمد وٌ رين الزين
Ficção Científicaگم آتمـنى آن آعود لطـفولتي حيث لآ خوف ولآ حزن ولآ قهہر وگنت طـفلهہ في آحضـآن آبي وآمـي حيث آلآمـآن لگني فقدتهہمـآ وفقدت مـعهمـآ گل شـيئ جمـيل تُربّيِّتٌـ فُـيِّ مًنِﺰلَ کْرهّـتٌـنِيِّ صّـأّحًبًتٌـهّـ وٌمًثًـلَتٌـ عٌلَيِّ حًبًهّـأّ مًعٌ أّنِ کْرهّ...
