စီးပွားရေး ဝိရောဓိ［HIATUS ]

ဇာတ်လမ်းမိတ်ဆက် [UNI]

营业悖论 / Fanservice Paradox

မူရင်းစာရေးဆရာ - ကျစ်ချူ /Zhìchǔ (稚楚)
အပိုင်းအရေအတွက် - 109+11(Extra)
အဓိကဇာတ်ကောင် - Pei Tingsong/ ဖေထင်းစုန့် ၊ Fang Juexia/ ဖန်းကျွယ်ရှ
အမျိုးအစား -  Adult, Romance, Slice of Life, Yaoi

ဇာတ်လမ်းအကျဉ်း

ခလိုင်းဒို(Kaleido) ဟု အမည်ရသည့် အရည်အချင်းရှိသော်လည်း လူကြိုက်မများလှသည့် မထင်မရှားယောင်္ကျားလေးအဖွဲ့တစ်ဖွဲ့သည် လေဆိပ်၌ရိုက်ထားမိခဲ့သည့် ဗီဒီယိုတစ်ခုကြောင့် အမှတ်မထင် ‌ရုတ်ချည်း နာမည်ကြီးလာလေသည်။ ဗီဒီယိုထဲတွင် အငယ်ဆုံးလည်းဖြစ်ပြီး မြင်ပြင်းကတ်စရာအကောင်းဆုံး အဖွဲ့ဝင်လည်းဖြစ်ပါသော  ဖေထင်းစုန့်က သူ့ထက်အကြီးဖြစ်သူ ဖန်းကျွယ်ရှအား နံရံပေါ်၌ ဖိထားကာ မျက်နှာကိုလည်း လေယာဉ်လက်မှတ်နှင့် ဖွဖွလေး ပုတ်နေပါ၏။ ဖန်းကျွယ်ရှက လက်မှတ်ကို ယူလိုက်ကာ ပါးစပ်နှင့်ကိုက်ထားလိုက်ပြီး အင်္ကျီကို ပုံစံကျအောင် ပြန်ပြင်လေသည်။ အဖွဲ့တွင်း 'နိုင့်ထက်စီးနင်းလုပ်ခြင်း' အကြမ်းဖက်မှုမှသည် 'နှစ်ဦးသားမှာ ပရောပရည်လုပ်နိုင်လွန်းလှ‌ပေသည်' ဟူသည့် ခေါင်းစဉ်အဖြစ် ပြောင်းလဲသွားကာ ထင်းကျွယ်စုံတွဲ ဟူ၍ ဖြစ်ပေါ်လာပါတော့၏။
   
အင်တာနက်အသုံးပြုသူများ : အရမ်းတွေဟေ့၊ ဒါက သောက်ရမ်းကို အထက်ပုဂ္ဂိုလ်ဆန်နေတာပဲ! နံရံပေါ်မှာ ကျီစယ်နေတဲ့ ချစ်ခွန်းဖွဲ့ခန်းလေးပေါ့။

ဤသို့ဖြင့် ခန္ဓာကိုယ်အား ရောင်းစားခဲ့သည်ဆိုသော ကောလာဟလကြောင့် စိတ်ပူပန်နေရသည့် အမေ့ခံ ဝှက်ဖဲလေးနှင့် နောက်ခံအင်အားရှိသည့် လူချမ်းသာအကျော်အဇောလေးတို့မှာ နှောင်ကြိုးဖွဲ့ရန် အကြောင်းဖန်လာလေတော့သည်။ ပွဲဦးစထွက်စဥ်ကတည်းက အစေးမကပ်ခဲ့သော သူတို့နှစ်ဦးသည် လက်ရှိအခြေအနေအရ သူတို့၏ အယောင်ဆောင်သင်္ဘောအား အတူမောင်းနှင်ပါရန် သင်္ဘောပေါ်သို့ အတင်းတွန်းတင်ပေးခြင်း ခံရလေပြီ။
  
ဖေထင်းစုန့်က အနုပညာအသိုင်းအဝိုင်းထဲ၌ 'ဟန်မဆောင်တတ်သူ' ဟူ၍ ကျော်ကြားလေကာ သူ၏ အလွန်ပွင့်လင်းလွန်းပြီး တဲ့တိုးဆန်လှသည့် သီချင်းစာသားများနှင့်လည်း လူအများအား မကျေမနပ်ဖြစ်စေခဲ့ပါသေး၏။ သို့သော် သူက ဖန်းကျွယ်ရှနှင့် သူသည် ဤလောကထုံးတမ်းအရ ဟန်ဆောင်နေရသည်ကို ခဏ၊ ခဏ အာရုံစိုက်နေမိလေသည်။