Episode 14 : ប្រកែក
«អែងកើតអី??» Jungkookបង្ហើបសំលេងសួរសារជាថ្មី ព្រោះមិនអស់ចិត្តនិងរាងតូច។
«ចេញទៅ!!» ប៉ុន្តែពាក្យដែលចេញពីមាត់Jimin មានតែពាក្យដេញប៉ុណ្ណោះ។ Jungkookមិនព្រមទៅណា គេនៅតែអង្គុយត្រង់នោះ គេដឹងថាJiminកំពុងនិយាយផ្ទុយនិងចិត្តរបស់ខ្លួនឯង។ Jiminអាចកំពុងចង់មានអ្នកណាម្នាក់នៅក្បែរ ចាំលួងក៏ថាបាន។
«ទៅខឹងអ្នកណាមក??»
«ចង់ដឹង??» លឺដដែលៗពេក រាងតូចក៏ងាកទៅសួរទាំងម៉ួម៉ៅ។
«អឺ..អ្នកណាធ្វើអោយអែងខឹងខ្លាំងម្លេះ?? យើងមិនដែលឃើញអែងខឹងខ្លាំងដល់ថ្នាក់នេះពីមុនមកទេ» Jungkookអ៊ឺអើ ដាក់ តែមិនដឹងខ្លួនអីបន្តិច ថាខ្លួនគេនោះហើយដែល Jiminកំពុងតែខឹង ហើយនៅមកសួរដូចយកសាំងមកចាក់លើភ្លើង អញ្ចឹងទៀត។
«បើចង់ដឹងណាស់ អោនមើលទៅក្នុងទឹកទៅ ដឹងហើយ» Jiminនិយាយបញ្ជោះចោល ព្រោះខឹងពេក។ តែគេហួសចិត្ត ខឹង សឹងទៅបោកក្បាលនិងថ្មអោយល្អ ពេលJungkookទៅធ្វើតាមគេប្រាប់ពិតមែន។
«យើង??» អ្នកកម្លោះដោយហេតុគិតថា Jiminលេងសើចជាមួយក៏ទៅធ្វើមែន ក្រែងលោរវាធ្វើអោយរាងតូចសើច តែមានឯណា ត្រូវJiminធាក់មួយជើងពីក្រោយ ធ្លាក់ទឹកប្រូងតែម្តង។
ប្រូង!!
«ហ៊ើយ!! អាកូនឆ្មារ!! យើងទៅធ្វើស្អីអែង? មិចក៏អែងច្រានយើងទម្លាក់ទឹក» Jungkookស្រែកទាំងម៉ួម៉ៅ ស្រវេលស្រវាលចេញពីក្នុងទឹក។
«អែងធ្វើអី អែងដឹងខ្លួនឯងហើយ!! មិនបាច់អោយយើងអធិប្បាយទេ!!» Jimin
«អែងខឹងឡើងចង់បែកសតិហើយទេអីនៀក!!» Jungkook
«យើងខឹងអែង!! ហើយក៏ស្អប់អែងដែរ!!..លែងទៅ!!» គេស្រែកចាច ពេលJungkookចាប់ដៃគេជាប់។
«ចុះមកអោយលឿន!! អែងធ្វើអោយយើងធ្លាក់ទឹក យើងក៏អាចធ្វើអោយយើងធ្លាក់ទឹកដូចគ្នា!!» Jungkookមិនព្រមប្រលែងដៃ គេទាញដៃតូចអោយមកជិត បំណងនិងទាញទំលាក់ទឹកជាមួយ។
«អត់ទេ!! លែងទៅវ៉ើយ!!»
«ចុះមក!!» ទោះជាខំប្រតាយប្រតប់យ៉ាងណា ក៏មិនអាចយកឈ្នះកម្លាំងរបស់អ្នកក្នុងទឹកបាន ទីបំផុតក៏ត្រូវJungkook ទាញទម្លាក់ទឹកជាមួយបានសម្រេច។
