كانو كامل قاعدين و يحكيو سمعو صوت تاكسي نتاعها كي حبست هبطت تمشي بوقار وكاريزمة تخوف لي يشوفها دخلت للدار وشافت في وحدة من لبنات شوفة تاع تبعيني دخلت للبيرو وتبعتها كاتيا بعد مدة خرجت مهمومة وخايفة شافو فيها ونطقو كامل في وقت واحد :واش كاين كاتيا
ضحكت باستفزاز وقالت :لوكان حبتكم تعرفو راي هدرت قدامكم
ومن جيهة خلاف كان دانيال متوتر ويسوق بالزرب حاب يوصل ويعرف ردة فعلها وفي نفس الوقت يحاول يطمن لي قاعدة معاه وصل الدار وطلب منها تبقى فالطوموبيل دخل لقائهم قاعدين
دانيال:وين هي اميرة
جاوبوه:في البيرو تاعها
دخل عندها وهدر معاها شرحلها وضع الطفلة هاذي وقبلت أنها تقعد في دارها
خرجت هي وياه ركبت فاللوطو وقاتلو يلحقها حبست حذا مول كبير ودخلو جراو عندهم لعمال طلبت منهم يهتمو بيها
ههه شخصية جديدة
دارين عمرها 27 سنة قرات إدارة أعمال وراح تلعب دور كبير في القصة
داتلها حوايج بزاف قش ماكياج وعطور اكسسوارات كلش لمتهملها في فليزة وقالتلهم يتبعوها كانت دارين راح تعتارض مي دانيال حبسها راحو لرستورون تغداو
اميرة:شوفي معايا انا قبلت انك تبقاي في الدار مي عندي شرط راح تتزوجي نتي ودانيال زواج على الورق حتى تخلاص مشكلتك وهك ترتاحي معانا
وافق دانيال وهي ترددت شوي ومبعد قبلت حتى هي
رجعو لدار وقالتلهم :من ليوم دارين راح تعيش معانا ولي يقيسها معناه قاسني انا فاهمين
قالو كامل: وي فاهمين
جات امها تتبخر وقاتلها:منيش قابلة داري ماهيش ملجأ
شافت فيها بنظرة تخوف وقالتلها:اولا هاذي داري يا مدام عبد الحق مش دارك ثانيا ما تسييش تتحدايني ياك تعرفي الريزيلتا كيفاش تكون ثالثا راح تحترميها سيف عليك وفاتت خلاتها
دانيال :ميري
ميري:وي موسيو
دانيال:وجديلها بيت وستفيلها حوايجها في الخزانة
ميري:حاضر
راحت ميري تجهز بيت لدارين طلعت دارين لبيتها
قاع :داني شكون هاذي
دانيال:خطيبتي
وراح خلاهم حايرين كيفاه وكتاه خطب وهو ما ما علابالهمش
روز :كاتيا واش بيك
نطق نزيم :انا علابالي واش بيها هههه
قاع :خبرنا تراه يالفاهم
نزيم:ههه باينة تحب دانيال وكي سمعت بلي خطب تقلقت هههه
كامل :نزييييييييييييييييييم نحي الزعاقة خير لك
هدرت كاتيا وكانت هدرتها صدمة بالنسبة ليهم :راح نروح لإيطاليا
هدوء كسرو نزيم مرة خرى :بيا مالا فيها تحواس
نطقت ميليسا:ياك ايطاليا ممنوعة عليك واش تبدل
اياد :علاه ممنوعة عليها
مايكل :تعرضت لمحاولة إغتصاب من قبل ومنعتها اميرة أنها تروح مرة خرا
مارك :مي لي بعثتها لإيطاليا هي كلوديا مش اميرة
كريس :ما تنساش انو كلوديا واميرة نفس الشخص
كاتيا : مايهمش لي صرا من قبل لي يهم هو انا عندي خدمة لازم نكملها
ريد:مي كاتيا هاذا ريسك كبير
كاتيا :نن لازم نكمل خدمتي
فريدريك:وكتاه تروحي
كاتيا:الطيارة تاعي في الليل
Diego: نوصلك للمطار
كاتيا :نن نروح وحدي خير
كامل:لايك يو وونت
دخلت كاميليا و ادوارد وفي نفس الوقت هبط دانيال
كاميليا: واش صرا ليوم
ارين: دانيال خطب
ادوارد : مبروك عليه مي علاه راكم مقلقين
ريفان: كاتيا راح تروح لإيطاليا
كاميليا و ادوارد: مستحيل انا نعتارض
سام :هذا قرار كلوديا والاعتراض ممنوع كيما راكم
عارفين
كاميليا؛ مي هاذي مخاطرة كبيرة
ادوارد :كيفاه قررت كلوديا حاجة كيما هك
دانيال: انا مع كلوديا كاتيا لازم تواجهم باه تقدر تكمل خدمتها
كاتيا: وي دانيال عندو لحق وماتنساوش حنا نتعثرو مي مانطيحوش
ارام: هههه فكرتيني فلي يقولو حنا نميلو ومانطيحوش
أنت تقرأ
Between Life and Death
Aksiسلام هاذي أول تجربة ليا في كتابه الروايات نتمنى تعجبكم الكرونيك لي راح نكتبها هي ببساطة تحكي على طفلة عاشت أحداث بزاف خلاوها الة مش انسان
