Between Life and Death

part 9

hi gays rja3t lyoum twa7chtkoum bzaf wnchallh rani toul m3akom

يوم جديد باحداث جديدة اليوم راح يكشفلنا على سر جديد 

ارين مصطفاوي ووفاء مصطفاوي عاشو طول حياتهم بين المافيا 

فلاش باك 

ايرين : وفاء واش رايك نروحو مليت 

وفاء : وي مام انا سيبون كرهت 

ايرين : هايا نروحو 

راحو للدار بعدما كانو في رحلة مي تمناو انهم ماراحوش شافو منظر صعيب بزاف انو تتحملو طفلة 

كان اب ايرين  حاكم السلاح في يدو السلاح لي يدل على جريمتو هو قتل مرتو وقت لي حس انها راح تكون عائق في تجنيدو لبنتو 

ومن جيهة خلاف وفاء تشوف في خوها كيفاه قتل امها بكل دم بارد 

تصعقو مي قررو انهم يكونو هاديين ويخططو للانتقام وجات في بالهم عيلة ناصري  اكبر اعداء عيلة مصطفاوي 

تفكرت ريفان وقررت انها تطلبو منو انو يعاونها في انتقامها 

اند فلاش باك 

كان ريفان يقرا مع ارين في نفس الجامعة وكانو قراب من بعضاهم بالرغم من العداوة لي بين عيلاتهم  

كان قاعد هو وسام في الكافيتيريا تاع الجامعة حسو بزوج بنات واقفين عند ريسانهم  قلبو عينيهم لانهم يكرهو النوع تاع البنات لي يرميو واحهم عليهم  مي جيست هزو ريسانهم  تبدل كلش كل واحد فيهم يشوف الطفلة لي دات قلبو قدامو مي حالتهم ماتعجبش ايرين رمات روحها فوق الكرسي وريف توتر : ايرين واش بيك واش لي صرا معاك 

ايرين : بابا  

ريف : واش بيه باباك 

ايرين وعينيها تقدح نار : قتل ماما 

صدمة ورى صدمة الجريمة لي دارها باباه رجعت بين عينيه 

اما ريفان ناصري وسامي ناصري ولاد العم لي كانو هانيين في حياتهم كانو اباؤهم واصلين في الجيش

حتى شافو حاجة ماتتخيلش

فلاش باك

كان عند ريفان خوه كبير عليه وكانو متعلقين بيه بزاف كانو مرة معاه هو وسامي وقتها كان عمرهم 10 سنين وكانو معاه في اليل يدورو هو كان مغرم بالخدمة العسكرية وكي كان يدور فات على بلاصة مشبوهة حس انو كاينة حاجة مش مليحة تهريب تهريب مخدرات طلب من ريف وسام يقعدو في الطوموبيل وهبط يشوف الوضع وكي وصل تصدم باباه لي عندو سلطة كبيرة مجرد مهرب مخدرات تصدم صدمة حياتو مي هاذا قليل قدام صدمة ريفان وسامي لي قررو يلحقوه وقتها كانو فاقو بيه وحاصروه وباباه قتلو بكل دم بارد وهاذا واش شاف ريف باباه قتل خوه من يومها وهو ناقم عليه وقر انو ينتاقم كبر وكان راح يخدم مع المافيا مي هو تعرف على كلوديا لي وعداتو انها تعاونو في انتقامو هو وسام

اند فلاش باك  

وفاء :مام ماما ماتت ولي قتلها يكون خويا 

ايرين : راح ننتاقمو وفاء راح نشربو من دمهم  

شافت في ريف وهو فهمها : راح نعاونوكم مي اوعديني تكوني قوية 

هزت راسها بالايجاب وقف ريفان وقاللهم يتبعوه  كان في طريقو للمقر هز تيليفونو وبعث ميساج للقائد 

وصلو للمقر وهبطو من يومها بدات رحلة جديدة في حياة ارام والعاصفة رحلة الانتقام  

(بالنسبة لعيلة ناصري وعيلة مصطفاوي حاسبين ولادهم برة البلاد  يكملو قرايتهم )

كانت ايرين وارام يدمرو خطط عيلتهم مرة يفجرو مصانع ومرة يسرقو السلعة وكل مرة كيفاه 

وكانت كل مهمة ديرها العاصفة في سبيل الانتقام كان الجحيم يتواصل مع عيلتو على اساس هو لي نفذها والعكس كان ريف وسام يدمرو اي حاجة تخص عيلتهم والعاصفة تتواصل مع عيلتها وتقلهم بلي هي لي دارتها  وبهاذا كانو يشعلو النيران اكثر بين العيلتين 

كانت كل عيلة تفتاخر باولادها لي تساند فيهم مايعرفوش حقيقة انهم مربيين افعى 

ماكانوش يعرفو بلي لي راح يدمرهم هوما ولادهم 

صدمة على وجوه الكل رريف وايرين سام وارام اكثر ناس هاديين في الفريق ماكانوش يعرفو بلي حياتهم كانت هكا

جاستن : قربت النهاية 

-----------------------------------------------------------------------------------------------------------------------

my dears a3toni raykom fi lpart wach ya9ssad jastan bnihaya wzidoli afkar man 3andkom wach tatwa93o dawr darin fi la7kaya 

natla9aw ghadwa m3a part jdid fi nafss lwa9t wbla manwassikom matanssawch vote +coment 

ad3moli hadil  wnour m3akom

talgawhom fi les comentair 

gooooooooooooooooooooooooood niegt gays