ادم بصدمة: چولللى!!!!
التف حسن ثم قال: ايه اللى جابك هنا؟
چولى بخبث: ادومه...اكيد وحشتك صح
كانت ورد تقف ولا تستطيع فعل شئ
چولى وهى تهم باحتضان ادم: ايه موحشتكش خطيبتك!
جاء الكل والتم ليشاهدوا من تلك التى تقف برداء مكشوف ومخالف لتقاليد الصعيد ومن اين اتت
ادم:انت ايه اللى جابك ومين اللى دلك ع المكان؟!
كانت الخادمة سعاد معهم
ادم باستغراب: سعاد!!!!
چولى: انا اللى قلتلها انى عاوزة اروح البيت بتاعكم بتسموه ايه دوار؟...اه صح دوار
حسن: ادم خد چولى واتكلموا جو....
عصام بحدة: مفيش كلام بعيد عنينا....الكلام اهنى جدامنا كلاتنا....
وليد بشماتة: عيني عليكي ياورد مختارتيش اللى يجدرك
ادم وهو يهم ليضربه فأمسكه حسن: متوسخش ايدك باشكال زي دى ياادم
عصام: دلوج...مين چولى دى يا ادم؟.
چولى: قصدك تقول ياعمى مين ورد دى!!!...انا خطيبته...خطيبته وكان جوازنا بعد شهرين او تلاتة
ورد وهى تطأطأ رأسها: كفايه لو سمحتم
بسيمة: وانت كيف تسمح لنفسك انك تتچوز وانت خاطب واحدة تانيه ...عيني عليكي ياورد يبنتي
ابتسام: ليه اكده يا ادم..دى ورد بنت اصول بصحيح
حمزة: وانا اللى كنت فاكرك عتحبها
ورد بصوت عاللى: كفاايه هو مذنبوش حاجة....الحكايه كلها
ادم: وررررد متبرريش حاجة
ورد: خلاص الحكايه هتنكشف وكل واحد لازم يروح لحالة...جدوا عصام..انا مش مراته بحق وحقيقي
شهق الكل بينما ابتسمت سعاد بخبث
ورد وهى تذهب باتجاه عصام وتقف امامه: انا..انا كنت رايحة اتحامى فى استاذ ادم
ادم: كفاااايه ياورد
ورد وهى تكمل: ابن خالتى كان عاوز يتجوزنى بس رفضت ولما رفضت حاول يتهجم عليا...كان ليا عم اسمه عباس....ودانى للاستاذ ادم وقالى انه هيشغلنى عنده
ادم: خلااااااص قلت خلاص
ورد: لا مش خلاص
عصام:كملى ياورد
ورد: كنت هشتغل خدامة عنده وكان دا اهونلى من انى افرط فى شرفى واسلم نفسي لواحد كلب زي فاروق
بعدين هو كان امير وشهم ووافق....بعدين حسن جه وقال انك كنت هتجوز قمر لادم
زين بصدمة: ايييهه؟!
ورد وهى تلتفت لزين: متخافش هو رفض وعمل الملعوب دا كله عشان ميتجوزش قمر...بس انا معرفش انه كان خاطب...ولما جيت هنا انا عاملتلكم كأنكم اهلى....اهلى اللى مشفتهمش ومطلعتش بيهم من الدنيا
وخلاص يا استاذ ادم كل شئ اتكشف وانا..انا هلم هدومى وهرجع تانى لعم عباس
عصام: لا يبنتي...انتى هتجعدى هنا...انتى من دلوج واحدة منينا
زينة وهى تذهب لها: انتى هبلة اياك يبت انتى دانا اعتبرتك اختى.....طب مين اللى هشكلها دلوج لما تحصلى مشكلة
ورد: بس انا عبئ عليكم واعذروني انا مقربلكمش حاجة عشان تخلونى هنا
عصام: انتى هتجعدى اهنى....وهتوبجي فرد منينا وهنعملولك سرير وهنحطوه فى اوضة زينه وبردك هنعملوا سرير لشيماء وتبجوا انتوا التلاتة فى اوضه واحدة
اما انت يا ادم فتعالى ورايا وسيب المدعوجة دى اهنى
(كان يقصد چولى)
دخلوا المكتب فقال: دلوج هنچيبوا المأذون عشان تتچوز ست چولى....وتطلج ورد
ادم وهو يقف: دا مستحيل انى اطلق ورد انا بحبها ومش هسيبها
عصام: مش بمزاچك وهتطلجها والا قسما بما اعبد يولد الهاشايمه لابلغ ولد خالتها عنيها واسلمهاله بنفسي
ادم بعصبيه:بلغه ولو هو راجل يجي ياخدها مني
عصام وهو يخبط بيده على المكتب: خلص الكلام هتطلجها والا.....حسن هو اللى يتفضح كمان
ادم:حسن!!!
عصام: اظنك عرفت بست جيداء اللى كانت خطيبته زمان واللى لافت عليك ولما ملجتش منك جبول لافت على حسن عشان تتجربلك...وحسن غلط معاها
ادم بدهشه: وانت عرفت كل دا ازاى؟!
عصام: مفيش حاچ بتخفي عنيا
ادم: بس...انا مش عاوز اطلقها
عصام: ودا مش طلب دا امر هتطلجها وهيكون بعد بكرة عشان فرحة البت جمر...ومش عاوز اجلك لو چولى دى حاولت تعمل ايوتها حاچة متلومش غير نفسها
....
عشان عندى حالة وفاء مش هقدر انشره غير بكرة بأذن الله ادعولها فقيدة الشباب وفاء بان ربنا يرحمها 💔
أنت تقرأ
الحب في الصعيد
Romanceهربت من زواجها من قريبها... فاحتمت به وطلب منها أن ترافقه للصعيد كي يهرب هو من زواجه من قريبته... فمالذي سيحدث بينهما؟
