حامد: عرفت مكانها وتصور فين؟
فاروق بللهفه: فييين؟
حامد: في كفر... وهى دلوقتي فى دوار الشيخ عصام الهاشمي
فاروق باستغراب: وايه الى وداها هناك؟
حامد بخوف من ردة فعله: بص متتعصبش م اللى هقولهولك
فاروق بشك: فيه ايه انطططق؟
حامد: ور... ورد اتجوزت حفيد عصام الهاشمي
فاروق وهو يطيح بكل شئ امامه: عباااااااس الكلب وبنت الجزمة دى ضحككككوا عليااا... انا هارحلها واموتها بايدي
حامد بخبث: لا..... دى فيها رقاب وحياتك هتطير فيها دول صعايدة واللى يرشهم بالمايه فى عرضهم يرشوه بالدم
فاروق: امممال اعمل اااايه؟
حامد: مش كنت مسجل لورد صور وفيديوهات وانت بتحاول تتهجم عليها عشان تبتذهم بيها وكمان خدت لقطات وركبتها فوتوشوب
فاروق: ايوا
حامد: خلاص خد الصور والحاجات دى وروح لعباس وقله يجوزك بنته
فاروق: يسلاااام ياناصح طب ماهو ممكن يقلى. افضح ورد ميهمنيش
حامد: تؤ.. عباس قلبه طيب ومش هيضر ورد باي شكل حتى لو على حسابه وهدده فى بنته وشوف هيعمل ايه
فاروق: ولو رفض؟
حامد: كدا كدا كنت رايح تقتلها.. انشر الفيديوهات وافضحها
كانت الخادمة تستمع اليهم وكانت تعلم بما يجري حتى انها تعلم عم عباس
♡♡♡♡♡♡♡
كان حسن يقف فى غرفته يتحدث: ايوا بنفس المواصفات عاوزها كدا.
سمع حسن صوت صراخ من غرفة زينة فترك الهاتف
♡♡♡♡♡♡♡
جميلة: دانتم مچيتكم على راسي
ادم: الله يكرمك... المهم انتى اخبارك ايه ياجميلة اوعى يكون حافظ مزعلك؟
جميلة باستنكار: حافظ!!! دى حنيه الدنيا كلاتها فيه
ورد: ربنا يهنيكم
جميلة: اللهم امين
عصام: وانت كيفك ياوهدان؟
وهدان بخوف وهو يخفض راسه: بخ....بخير
عصام: المشي ع الترعة مفيد؟
ضحكت ورد بخفة
وهدان: ها... ايو.. ايوا
عصام: دلوج احنا اتأخرنا جوي
جميلة: اتأخرتم؟!!
حافظ: اتأخرتم ايه والمصحف ماهتمشوا الا ماتتغدوا معانا وانا عارف انك مبتوجعش يمين الله
عصام: ليه الحلفان يابني؟
جميلة: اهو اللى حوصل بجي وبعدين دى اول زيارة واحلاها بادم ومرته
ورد: ربنا يخليكي
جميلة: تعالى بجي ياورد فوج احددك فى موضوع مهم
ورد: حاضر
ذهبت معها
حافظ: بس للامانة ياچدى انا عمري مهلاجى كيف چميلة
عصام: چميلة دى اعز بنيه عندينا هى وزينه تنين جلبهم ابيض
ابتسام: بس زينة يابوي على طولة لسانها
عصام بضحك: بس خفيفة الدم اكده وتتحب بسرعة
ابتسام: الشهادة لله صوح الحديد ده
♡♡♡♡♡
ورد: كنت عاوزانى فى ايه ياجميلة؟
جميلة: كنت عاوزه اسئلك اكده انتى حبلة؟
ورد باحراج: ايه الكلام ده؟
جميلة: وه ايه الكسوف ده انا بسالك انتى حبلة الامفيش اخبار چديدة حتى فى الطريج ولا بشارة اكده فرحيني
ورد: انا وادم مأجلين الموضوع دا شويه
جميلة: ليه يابنتي هو فيه احلى مالخلفه
ورد: انشاء الله
جميلة: بصي لما تحبي تتكلمى معايا فى اي حاچة جوليلى
ورد بابتسامة: حاضر
جميلة: بس دولج بجي هتاخدى الخلجات دى والحمرة دى تتزيني بيها بكرة
ورد: ليه؟
جميلة بدهشه: انتى معترفيش ان حنة جمر بكرة
ورد: ااااه صح دا ادم قالى بس انا مخدتش بالى كويس انك فكرتيني شكرا ليكي
جميلة: لا شكر ولاحاچة يلا بجي خديهم ومتنسيش اچى بكرة الاجيكي لابساهم
ورد: حاضر
جميلة: وتانى حاچة اوعى تنسي ياورد عينيكي تبجي على چوزك بكرة
ورد: ليه؟!
جميلة: لان كلات الكفر وجرايبنا من بعيد چايين
ورد:طب وهما ليه مجوش فى فرحك؟
جميلة: بينى وبينك كان فيه طار جديم مع عيلتى وعيلة حافظ بس چدى عصام حل الموضوع والود انجطع من بعديها من عيلة حافظ
ورد: انا اسفه انى تدخلت مش قصدي
جميلة: انتى هبلة يابتي انتى تسالى كيف ماتحبي دانتى زي اختى واكتر
ورد بابتسامة: تسلمى...كلك ذوق
جميلة:دانتى اللى ذوج والله صحيح.ياادم يازين ماخترت
♡♡♡♡♡♡
فاكرانى هسيب چدك يتهني باللى عملوا فى اخوي!!!!
زينة بخوف وهى تتراجع للخلف: اعجل ياعب ستار اكده هتنضروا اكتر
عبد الستار: لازمن نجتلوكى بيدي
دخل حسن ثم اتجه ليسحب السكين من يده وبدأوا فى العراك الى ان ضرب عبد الستار(حسن) من الجانب وهرب
فوقع حسن على الارض
عبد الستار وهو يقفز من الشباك: مش هنسبوكي يازينه
فزعت زينه وامسكت برأس حسن لتقول:حسن!!!فوج ياحسن الله يخليك
حسن بتآوه: متخافيش انا كويس
زينة وهى تتصل بجدها: رد بجي ياچدي
♡♡♡♡♡♡♡♡♡♡♡♡♡♡
عصام: وبين المغرب والعشيه هنروحوا باذن الله
رنين هاتف عصام
ادم وهو ينظر: دى زينه ياجدى
وهدان بخوف وهو يقول فى سره: ينهااار اسود مش المفروض تكون انجتلت!!!!!
فتح عصام المكالمة ومن ثم هب واقفا ليقول بصدمة : حسسسسسسن
وقف ادم وهو يقول: حسن ماله ياجدى؟!
ادم: حسن انضرب بالسكينه
ابتسام وهى تصك صدرها: يمرررري
♡♡♡♡♡♡♡♡♡♡♡♡♡♡♡
كان الجميع يلتفت حول حسن
ورد: هو الجرح الحمد لله سطحي بس اضطريت اديله بنج عشان يخفف الالم واقدر اطهر الجرح بتاعه
عصام: هو ايه اللى حُصُل يازينة!
زينة: اخو وهدان ياچدى دخلى من الشباك من الحتة الى مفيهاش غفر دى....واتهچم عليا بسكينه كان ناوي يجتلنى وهددنى وهو بيُهرُب
عصام بغضب: مررررررزوج
مرزوق: نعم ياشيخنا؟
عصام: تروح دلوج تجلب الكفر كلاتوا على عب ستار وتچبلى وهدان وتروجوه انت والرچالة فى المخزن
مرزوق:امرك ياشيخنا
انصرف مرزوق
زينة: بس وهدان ملهوش ذنب ياچدى
عصام: اسكتي انتى معترفيش حاچة
عصام: روحي چيبله خلجات يغيرها اهنى بدل الدم اللى طبع فى خلجاته
زينه: وهو هيغيرها ازاى
ادم: انا هغيرله
عصام: ماشي..يلا يازينه عشان ميتلوثش الچرح بالدم
خرجت زينه ثم دخلت غرفته لتقلب فى ملابسه وتجد صورة
زينة باستغراب: مين دى
(كانت صورة لشابة جميلة وهى تحتضن حسن)
زينه: اممم تكنش مرته ومخبي علينا كلاتنا؟؟
نادت قمر
قمر: زييينه!!
توترت زينه فالقت الصورة ثم خرجت
قمر: كنت عاوزاكى هبابه
زينه: خير!!!
قمر: كنت عاوزاكى تجعدى معايا العشيه عشان ترسميلى الحنة
زينه وهى تتذكر: صوح!!..دي بكرة حنتك...من عنيا يجمر هخليكي احلى عروسه
قمر بابتسامة: تسلميلى يازينه
زينه وهى تدخل مرة اخري بعدما ذهبت قمر
زينه: ياتري مين البنت دى ياحسن؟!!!!!
♡♡♡♡♡
رأيكم؟!
البارت التاسع من #الحب_فى_الصعيد
أنت تقرأ
الحب في الصعيد
Romansهربت من زواجها من قريبها... فاحتمت به وطلب منها أن ترافقه للصعيد كي يهرب هو من زواجه من قريبته... فمالذي سيحدث بينهما؟
